Policia zbraz ambientet e News 24, prona i kalon ‘KAYO’ - Avokatura e Shtetit: Prej 3 vitesh i ka përfunduar kontrata e qirasë
Policia dhe Shërbimi Përmbarimor i ka kërkuar News 24 lirimin e godinës në ish-Uzinën e Autotraktorëve, në Shkozë, Tiranë. Në orët e para të mëngjesit të së shtunës, është ndërhyrë për të liruar ambientet ku operojnë redaksitë e këtij televizoni.
Veprimi u krye në zbatim të një vendimi të formës së prerë të Gjykatës së Apelit Administrativ. Drejtuesit e grupit mediatik e quajnë një sulm që ndodh ndaj fjalës së lirë, ndërsa thonë se kërkesa e autoriteteve është se godina duhet t’i kalojë kompanisë shtetërore “KAYO”.
Lidhur me këtë ngjarje, reagoi Avokatura e Shtetit, duke sqaruar se televizionit i ka përfunduar kontrata për qiranë e kësaj godine prej 3 vitesh, më 22 maj 2022, dhe se në datë 25 korrik 2022 u njoftua të lironte ambientet. Por kjo nuk ndodhi për shkak se kompania inicioi procese të tjera gjyqësore.
Në këtë vendim, gjykata ka theksuar se veprimtaria mediatike e shoqërisë nuk cënohet, pasi bëhet fjalë vetëm për ambiente pune që mund të sigurohen në hapësira të tjera, në pronësi ose me qira.
Deklarata e plotë e Avokaturës së Shtetit:
Në përmbushje të misionit të saj kushtetues dhe ligjor për mbrojtjen e interesave të Republikës së Shqipërisë, Avokatura e Shtetit informon opinionin publik mbi ecurinë dhe përfundimin e proceseve gjyqësore të zhvilluara me Shoqërinë “Fokus Media Neës”, lidhur me ambientet në pronësi shtetërore pranë ish-“Uzinës së Pjesëve të Këmbimit të Automjeteve”, në zonën kadastrale nr. 8170, të mbajtura pa titull ligjor prej më shumë se tre vitesh, pas përfundimit të kontratës së qirasë.
Me përfundimin e kontratës më datë 22 maj 2022, Ministria e Financave dhe Ekonomisë i ka komunikuar zyrtarisht shoqërisë kërkesën për lirimin e ambienteve brenda datës 25 korrik 2022, në përputhje me afatet kontraktuale. Pavarësisht këtij njoftimi, subjekti nuk ka kryer dorëzimin vullnetar të pronës, por ka vijuar ta mbajë atë në kundërshtim me ligjin, duke iniciuar procese gjyqësore dhe duke kërkuar masa të përkohshme sigurimi me qëllim pengimin e ekzekutimit të detyrimit.
Që prej vitit 2022, çështja është shqyrtuar në të gjitha shkallët e gjyqësorit – Gjykata e Shkallës së Parë, Gjykata e Apelit dhe Gjykata e Lartë – dhe ka përfshirë gjithashtu katër vendime mbi masa sigurimi. Vendimi më i fundit, i datës 14 korrik 2025, i dhënë nga Gjykata e Apelit Administrativ me trup gjykues prej tre gjyqtarësh, ka konfirmuar detyrimin për lirimin e menjëhershëm të ambientit. Në këtë vendim, gjykata ka theksuar se veprimtaria mediatike e shoqërisë nuk cënohet, pasi bëhet fjalë vetëm për ambiente pune që mund të sigurohen në hapësira të tjera, në pronësi ose me qira.
Me Vendimin e Këshillit të Ministrave nr. 158, datë 12 mars 2025, kjo pronë i është kaluar shoqërisë shtetërore “KAYO” sh.a., me destinacion ekskluziv përdorimin sipas objektit të saj, në këtë rast për bashkëprodhimin e mjeteve motorike. Ky projekt strategjik synon rivitalizimin e industrisë ushtarake vendase, krijimin e vendeve të punës në ambientet e zonës së Shkozës dhe garantimin e interesave të sigurisë kombëtare dhe ekonomike. Në pritje të vendimit të sipërcituar të Gjykatës së Apelit Administrativ, entet shtetërore, përfshirë “KAYO” sh.a., nuk kanë ndërmarrë veprime ekzekutive. Tashmë, me rrëzimin përfundimtar të pretendimeve të palës private, kane vijuar procedurat ligjore për marrjen në posedim faktik të pronës të cilat janë në zhvillim e sipër, për ekzekutimin e detyrimit të përcaktuar në vendimet gjyqësore dhe lirimin e ambienteve të mbajtura pas përfundimit të kontratës.
Avokatura e Shtetit mbetet e angazhuar të ndjekë çdo mjet ligjor në dispozicion për ekzekutimin e menjëhershëm të vendimeve gjyqësore dhe për mbrojtjen e pasurive shtetërore, si një detyrim i panegociueshëm ndaj qytetarëve dhe rendit kushtetues.
Sezoni turistik, ISHSH intensifikon kontrollin e pishinave - Koçiu: Rreth 200 inspektime, gjoba e afate për ato me mangësi
Inspektorati Shtetëror Shëndetësor ka vijuar inspektimin e pishinave dhe kushteve higjeno-sanitare në të gjitha subjektet e vendit, në kuadër të sezonit......
Gara për Milot-Balldre do hapet sërish - Ministria e Infrastrukutrës dhe Energjisë publikon parashikimin në APP
Ministria e Infrastrukturës dhe Energjisë synon të hapë sërish garën koncesionare për aksin rrugor Milot – Balldre. Në datën 8 gusht ky dikaster ka publikuar......
Blerjet e energjisë nga KESH - Nevojat konsumatore, shpenzohen rreth 7.1 mln euro në tenderin e fundit
Korporata Elektroenergjetike Shqiptare ka zhvilluar një tjetër procedurë për blerje energjie në tregun e lirë, me qëllim plotësimin e nevojave......
Sa investojnë shqiptarët në bono dhe obligacione? - AMF: 30% më pak transaksione në tregun primar gjatë gjysmës së parë të vitit
Depozitat po shihen gjithnjë e më tepër si një investim më i sigurt i parave se ai i blerjes së bonove të thesarit dhe obligacioneve. Shifrat tregojnë se......
Platformë e re denoncimi për mbrojtjen e hapësirave publike - Rama: Raportoni çdo rast abuziv, deri tani 19 denoncime
Ndërsa vijon aksioni në të gjithë vendin për lirimin e hapësirave publike, kryeministri Rama ka prezantuar platformën e re të denoncimit. Të gjithë......
Lini, vendbanimi më i vjetër në Europë - Zbulimet arkeologjike e kthejnë në destinacion ndërkombëtar
Zbulimet arkeologjike që e nxjerrin Linin si vendbanimin më të vjetër në Europë, kanë bërë jehonë edhe në mediat ndërkombëtare, kanë shtuar interesin e......
Administrata Doganore, 9.1% më shumë të ardhura në korrik - Rriten dhe importet e mallrave të akcizës, 137 mld lekë në 7 muaj
23.2 miliardë lekë të ardhura, ose 9.1% më shumë krahasuar me të njëjtin muaj të vitit 2024, janë arkëtuar nga administrata doganore. Ky rezultat, është......
Aeroporti Tiranë, “mbytet” nga pasagjerët në fundjavë - Zgjerohen lidhjet rajonale, fluks i lartë levizjesh
Shqipëria, po bëhet gjithmonë e më tepër destinacion turistik i preferuar në Mesdhe, ku Aeroporti Ndërkombëtar i Tiranës është kthyer një nga portat më të......
