Policia masa për ndeshjen Shqipëri-Izrael: Bllokime rrugësh pranë “Air Albania”!
Policia e Shtetit njoftoi sot planin e detajuar të masave për garantimin e rendit dhe sigurisë publike para, gjatë dhe pas zhvillimit të ndeshjes miqësore të futbollit ndërmjet përfaqësueseve të Shqipërisë dhe Izraelit, e cila do të luhet mbrëmjen e sotme, në orën 20:00, në stadiumin “Air Albania” në Tiranë.
Sipas njoftimit zyrtar, plani i masave është mbështetur në përvojën pozitive të fituar nga organizimi dhe menaxhimi i aktiviteteve ndërkombëtare sportive dhe synon garantimin e mbarëvajtjes së aktivitetit, si dhe sigurinë e tifozëve dhe qytetarëve.
Për të lehtësuar qarkullimin dhe për të garantuar perimetrin e sigurisë pranë stadiumit, Policia e Shtetit, në bashkëpunim me Policinë Bashkiake të Tiranës, do të aplikojë kufizime të përkohshme të lëvizjes së automjeteve në disa akse rrugore, duke nisur nga ora 16:00 e datës 3 qershor deri në përfundim të ndeshjes.
Rrugët që do të jenë të bllokuara janë:
· Bulevardi “Dëshmorët e Kombit”, nga fast food “Laguna”, pranë urës së ish-hotel Dajtit;
· Rruga “Papa Gjon Pali II”, te kryqëzimi i RTSH-së;
· Rruga “Dervish Hima”, pranë ambasadës së SHBA-së;
· Rruga “Asim Zeneli”, pranë ambasadës së SHBA-së;
· Rruga “Themistokli Gërmenji”, në fillim të rrugës;
· Rruga “Ismail Qemali”, te kryqëzimi i RTSH-së;
· Rruga “Lekë Dukagjini”, pranë ish-Gardës së Republikës;
· Rruga “Abdyl Frashëri”, pranë kryqëzimit të Librit Universitar;
· Sheshi “Willson”, ku do të devijohet lëvizja drejt rrugës “Sami Frashëri”, pak para përfundimit të ndeshjes.
Ndërkohë, Policia bën me dije se Rruga e Elbasanit, Unaza dhe bulevardi “Bajram Curri” do të jenë të lira për qarkullimin e automjeteve.
Në kuadër të masave të sigurisë, punonjësit e Policisë së Shtetit do të kryejnë kontrolle të imtësishme ndaj tifozëve para hyrjes në stadium, me qëllim parandalimin e futjes së sendeve të ndaluara, si banderola me përmbajtje raciste, fishekzjarrë, flakadanë, lëndë piroteknike, monedha metalike, çadra, çakmakë, karikues celularësh dhe sende të tjera të forta apo të rrezikshme.
Policia u ka bërë thirrje tifozëve të paraqiten pranë hyrjeve të stadiumit duke filluar nga ora 18:00, për të shmangur vonesat dhe problematikat që mund të krijohen nga fluksi i lartë i pjesëmarrësve pak para nisjes së ndeshjes.
Për garantimin e rendit dhe sigurisë publike gjatë këtij aktiviteti sportiv janë angazhuar qindra efektivë policie, të cilët do të jenë në terren për të ofruar asistencë dhe informacion për qytetarët dhe tifozët, me synim zhvillimin pa incidente të ndeshjes dhe ruajtjen e imazhit të vendit.
Mbi 156 mijë pasagjerë në katër muaj - Porti i Durrësit, 4% më shumë udhëtarë se një vit më parë
Flukset e udhëtarëve përmes Portit të Durrësit kanë vijuar të shënojnë rritje edhe gjatë muajve të parë të vitit 2026, duke konfirmuar rolin e këtij porti si......
Tirana “fitoi” mbi 5 mijë banorë në një vit/ 11 qarqe në rënie. Kukësi dhe Shkodra humbën më shumë banorë
Popullsia e Shqipërisë vijon të tkurret, por edhe të përqendrohet gjithnjë e më shumë në kryeqytet. Në të kundërt, të gjitha qarqet e tjera kanë humbur......
Shumica mbajnë shtetësinë origjinale - Anketa me të ardhurit në Gjermani. Vitin e kaluar, rreth 189,000 aplikime të reja
Shumica e njerëzve që aplikuan për shtetësi gjermane vitin e kaluar e ruajtën shtetësinë e tyre origjinale, sipas një sondazhi nga grupi kërkimor i......
Cilat vende tërheqin më shumë investime të huaja? - Franca, destinacioni kryesor në Evropë. Ndjekin Britania dhe Gjermania
Investimet e huaja shihen gjerësisht si një nxitës kryesor i rritjes ekonomike, inovacionit dhe krijimit të vendeve të punës. Kur kompanitë hapin vende të......
OECD paralajmëron për ngadalësim global - “Lufta SHBA-Iran pengon perspektivat e rritjes ekonomike”
Organizata për Bashkëpunim dhe Zhvillim Ekonomik (OECD) ka ulur perspektivën e rritjes globale, duke paralajmëruar se dëmi ekonomik nga lufta SHBA-Iran mund......
SHBA i shpallin “luftë” punës së detyruar - Tarifa shtesë 10-12,5% për mallrat e importuara nga 60 vende
Administrata Trump propozoi vendosjen e tarifave shtesë prej 10% ose 12.5% për importet nga 60 ekonomi, përfshirë Bashkimin Evropian dhe Mbretërinë e......
Prishtina, taksë 10 euro për automjetet jo-rezidente? - Qytetarët dhe ekspertët, kundër: “Diskriminuese dhe përjashtuese”
Komuna e Prishtinës ka nisur procedurat përfundimtare për një draft-rregullore të re që parashikon vendosjen e një takse prej 10 euroh për çdo qytetar......
Transformimi i Pallatit të Kongreseve, shpallet projekti fitues
“Herzog & de Meuron Basel Ltd” është kompania me projektin fitues për transformimin e Pallatit të Kongreseve. 5 kompanitë finaliste shpalosën vizionin e......
