Përmbytjet, situatë kritike në 6 qarqe - Emergjencat Civile: Problematika në tokat bujqësore, borë në disa qarqe
Si pasojë e reshjeve intensive, gjatë orëve të fundit ka patur rritje të niveleve të lumenjve në disa qarqe të vendit, gjë që ka krijuar problematika serioze, kryesisht përmbytje të tokave bujqësore dhe banesave, rrëshqitje dherash, dëmtime infrastrukturore dhe bllokime rrugësh.
Situata më problematike paraqitet në qarqet Shkodër, Lezhë, Durrës, Fier, Berat dhe Gjirokastër, ndërsa në qarqe të tjera situata është nën monitorim ose pa rrezik.
Në Shkodër, niveli i ujit është rritur në Obot me rreth 60 cm mbi rrugën kryesore dhe qarkullimi bëhet vetëm me mjete të tonazhit të lartë, ndërsa tokat bujqësore janë përmbytur. Në Vaun e Dejës 15 banesa janë të rrethuara nga uji, disa rrugë në Malësinë e Madhe janë të bllokuara, dhe në Fushë-Arrëz ka rrëshqitje dherash e rënie gurësh që kanë dëmtuar rrugët.
Në qarkun e Lezhës rreth 3000 ha tokë bujqësore janë nën ujë, rreth 100 banesa janë të rrethuara nga uji dhe dy familje janë evakuar. Ndërkaq, po punohet për mbylljen e çarjes së argjinaturës në lumin Droje, fshati Dukagjin.
Në Vlorë, niveli i Vjosës në Novoselë ka kaluar mbi 8 metra, janë evakuuar 13 familje pranë Urës së Mifolit dhe në Novoselë. Në Durrës aktualisht situata është drejt përmirësimit, por po punohet për heqjen e ujit nga rreth 800 banesa dhe objekte, veçanërisht në zonën e burgut, ish- Kënetës, Shkozet dhe Nishtullë.
Në terren ndodhen ekipe të vlerësimit të dëmeve që po vazhdojnë evidentimin dhe dokumentimin e rasteve: 250 persona janë të strehuar në Shtëpinë e Pushimit të FA, Durrës dhe 55 persona janë strehuar në Kovalishencën e Ministrisë së Brendshme. Lumenjtë Erzen dhe Ishëm, si dhe kanali i Tones janë në kuota maksimale. Disa rrugë të qytetit mbeten të bllokuara, për shkak të pranisë së lartë të ujit. Problematika ka edhe në Bashkinë Krujë, si pasojë e çarjes së argjinaturës së lumit Droje ka vërshime uji në dy fshatrat Dukagjin i Ri dhe Miliska, ku janë prekur 50 familje.
Në Shijak ka prani uji në 15 banesa. Në Gjirokastër ka rrëshqitje dherash në aksin Tepelenë-Gjirokastër, ku qarkullimi është i kufizuar, ndërsa po punohet për rikthimin e energjisë në disa zona malore, ndërsa ka nivele të larta të lumit Vjosë në Memaliaj dhe Përmet. Në qarkun Kukës lumenjtë janë në kuota të larta, por pa problematika, ndërsa në qarkun e Tiranës ka rritje të niveleve të lumenjve në Rrogozhinë dhe Kavajë, por pa rrezik të menjëhershëm për zonat e banuara.
Disa rrugë janë të pakalueshme në Devoll, janë evidentuar rrëshqitje dherash dhe bllokime rrugore në Pogradec dhe Prrenjas, ndërsa në Maliq, ka sipërfaqe të tokave bujqësore nën ujë. Në Berat rreth 95 ha tokë bujqësore nën ujë dhe ka rritje të nivelit të lumit Osum. Në Fier ka rreth 200 ha tokë bujqësore të përmbytur dhe prezencë uji në 27 banesa në disa fshatra.
Si do të blihen kompanitë e listuara? - Projektligji, për konsultim/ Synohen çmime të drejta dhe barazi për aksionarët
Ndryshime të reja janë propozuar në ligjin që rregullon mënyrën se si blihen dhe merren nën kontroll kompanitë e listuara në Shqipëri. Bëhet fjalë për......
Vetëm 4% e emigrantëve shqiptarë, të vetëpunësuar/ Gratë e kthyera herët shfaqin angazhimin më të lartë sipërmarrës pas rikthimit
Emigrantët shqiptarë që jetojnë dhe punojnë jashtë vendit shfaqin nivele më të larta punësimi krahasuar me popullsinë jo-emigrante në Shqipëri, por një......
Kufizime për automjetet e reja Futja në treg, ligji i ri: Vetëm nëse përmbushin kërkesat e për emetimet e CO₂
Ligji i ri “Për ndryshimet klimatike” parashikon masa të reja për uljen e emetimeve nga sektori i transportit, duke vendosur kufizime dhe detyrime specifike......
Trump tërheq SHBA-në nga traktati i OKB-së për klimën dhe nga 65 organe të tjera ndërkombëtare!
Presidenti Trump nënshkroi një urdhër ekzekutiv që pezullon pjesëmarrjen e SHBA-së në 66 agjenci të OKB-së, përfshirë traktatin e OKB-së për klimën, duke......
Mbi 338 mijë automjete të kontrolluara në 2025 - DPSHTRR: 23.5% e tyre, me probleme teknike dhe nuk e kaluan testin
Gjatë vitit 2025 në të gjithë vendin janë kryer 338.880 testime teknike të automjeteve, ku një numër i konsiderueshëm nuk arritën të përmbushin standardet e......
Rivlerësimi i pasurive, cila është procedura që ndiqet? - Ligji hyn në fuqi më 22 Janar, afati deri në 31 Dhjetor 2026
Nga data 22 janar deri më 31 dhjetor 2026, të gjithë individët, të cilët kanë në pronësi pasuri të paluajtshme, do të kenë mundësi që të bëjnë rivlerësimin......
Reshje intensive në të gjithë vendin - IGJEO: Vërshime të shpejta të lumenjve dhe rrëshqitje dherash
Reshjet e dendura të shiut që kanë pushtuar vendin prej disa ditësh vijojnë edhe këtë të enjte. Sipas institutit të Gjeoshkencave, priten reshje intensive në......
Pagat e grekëve, më të ulëta se përpara krizës - Të fundit në BE për rrogat mesatare, të parët për çmimet!
Pesëmbëdhjetë vjet pas shpërthimit të krizës së madhe fiskale, Greqia ende po përballet me të kaluarën, pasi pavarësisht rimëkëmbjes së ndjeshme të dekadës......
