“Përmbyset” harta e Shqipërisë? - Ndarje e re administrativo-territoriale. Reflektohet shpopullimi, fuqizohen njësitë
Harta e Shqipërisë do të ndryshojë. Territori i vendit do të ndahet në rajone të reja dhe numri i bashkive pritet të reduktohet.
Pas 10 vjetësh nga reforma administrative -territoriale, kryeministri Edi Rama, ka njoftuar se ka ardhur koha për rishikimin e saj, kjo nisur edhe nga të dhënat që prodhoi Censi i 2023.
Sipas këtyre të dhënave, në 12 vitet e fundit popullsia shqiptare është tkurrur me afro 400 mijë banorë dhe aktualisht në vendin tonë jetojnë rreth 2.4 milionë banorë.
Reforma administrativo-territoriale u ndërmor në vitin 2014, pikërisht për shkak të efekteve që kishin prodhuar ndryshimet demografike, sociale dhe ekonomike, të cilat i nxori në pah Censi i vitit 2011, ku popullsia e Shqipërisë rezultonte në rënie në raport me vitin 2001.
Për këtë arsye, duke qenë se shumë njësi ishin tkurrur dhe nuk kishin aftësinë për të ofruar shërbime, qeveria vendosi uljen e njësive të vetëqeverisjes vendore nga 373 në 61 bashki, duke u dhënë mundësinë njësive të reja që të kenë nën menaxhim territore më të mëdha, numër më të lartë popullsie, në mënyrë që të rritej aftësia për të administruar taksat, për të mbledhur të ardhurat dhe për të rritur cilësinë e shërbimeve. Qëllim tjetër ishte ulja e kostove.
Por tashmë një dekadë pas kësaj reforme, Shqipëria gjendet në të njëjtin udhëkryq. Për shkak të fenomenit të emigrimit, bashkitë kanë humbur popullsi duke u tkurrur në mënyrë të ndjeshme. Referuar censit 2023, 14 nga 61 bashki kanë nën administrim një popullsisë prej më pak se 10 mijë banorësh, ndërsa 5 bashki kanë më pak se 5 mijë banorë, të tilla si Libohova, Këlcyra, Pusteci, Konsipoli, Fushë-Arrësi.
Të dhënat nga pushteti vendor tregojnë se këto janë bashki të dobëta ekonomikisht pasi me të ardhurat që mbledhin nuk arrijnë të përmbushin funksionet e tyre kryesore duke lënë kështu pa shërbime dhe investime të mjaftueshme qytetarët. Në këto kushte, kur kërkohet më shumë mbështetje financiare nga ana e qeverisë, sfida e radhës është se si këto njësi mund të bëhen të qëndrueshme ekonomikisht dhe a do të ishte zgjidhja më e mirë reduktimi i tyre?
Të dhënat tregojnë se pavarësisht se të ardhurat e pushtetit vendor kanë pësuar rritje në këto vite, rrija nuk është proporcionale, por e përqendruar më së shumti në bashki të mëdha dhe bregdetare, ndërsa po ashtu, shpenzimet janë rritur ndjeshëm, dhe kryesisht shpenzimet për pagat e personelit dhe ato operative, ndërsa investimet janë në nivele shumë të ulëta, mesatarisht 20 %.
Ndërkohë që sfidë reale e pushtetit vendor është edhe mire përgatitja për Shqipërinë 2030 në Bashkimin Europian, ku është e domosdoshme të rritet cilësia e proceseve dhe shërbimeve të qeverisjes vendore.
Pra një reformë re synon të sjellë administrim më të mirë të territorit, bashki financiarisht më të qëndrueshme dhe shërbime më të mira.
Për këtë arsye do të ngrihet një komisionin i posaçëm parlamentar, për të nisur menjëherë nga puna analitike në funksion të thellimit të kësaj reforme duke reflektuar ndryshimet shumë domethënëse të këtyre viteve që nga demografia, tek teknologjia. Kjo reformë do të ketë një konsultim të gjerë publik ku do të marrin pjesë të gjitha palët.
Kryeministri Rama mandatohet për formimin e qeverisë - Dekreti: Përgjegjës edhe për ngritjen dhe funksionimin e Ministrit Virtual, “Diella”
Presidenti i Republikës Bajram Begaj ka mandatuar kryesocialistin Edi Rama për herë të katërt si kryeministër. Rama mbërriti në Presidencë në mesditë, për të......
Green Coast Hotel - MGallery Collection fiton çmimin “Architectural Highlight of the Year” në GRI Awards Europe 2025
Në ceremoninë e organizuar në Paris nga Instituti GRI, Green Coast Hotel - MGallery Collection është vlerësuar me çmimin prestigjioz për akitekturën më të......
Kompleks i ri për Kuvendin e Shqipërisë - Nga shtesat në godinën ekzistuese, te shembja e Piramidës. Cilët kanë qenë projektet e mëparshëm?
Kuvendi i Shqipërisë i ushtron funksionet e tij në dy ndërtesa, njëra që ndodhet në Bulevardin “Dëshmorët e Kombit” e cila shërben si Kryesi e Kuvendit dhe......
Parlament me 101 deputetë! Cili mund të jetë impakti? Analiza e ndikimit ekonomik dhe institucional të vendimit të njoftuar nga kryeministri
Kryeministri Edi Rama në Asamblenë Kombëtare të Partisë Socialiste më 11 shtator propozoi uljen e numrit të deputetëve në Kuvend në të paktën 101, nga 140 që......
Elektrifikimi i hekurudhës Tiranë-Durrës-Rinas - BERZH hap tenderin me 2 faza, fton kompanitë të paraqesin ofertat teknike
Banka Evropiane për Rindërtim dhe Zhvillim ka hapur tenderin me 2 faza për elektrifikimin e linjës hekurudhore Tiranë – Durrës dhe lidhjes së re me......
Seanca e parë e legjislaturës XI të Kuvendit - Ngrihet komisioni i verifikimit të mandateve. Sërish tensione nga opozita
140 deputetët e dalë nga zgjedhjet e 11 majit i janë drejtuar këtë të premte Kuvendit,duke nisur kështu punimet për legjislaturën e XI. Në seancë morën......
Cilat janë vendimet e para të qeverisë “Rama 4”? - Nga mbrojtja e pronës, tek pensionet dhe bonusi i bebeve
Qeveria e re “Rama 4” pritet të çojë përpara reforma të rëndësishme që prekin të gjithë sektorët e ekonomisë dhe mirëqenien sociale. Por cilat janë vendimet......
Diella, ministrja e parë e krijuar nga IA - Si reagojnë mediat botërore ndaj zyrtares virtuale të Shqipërisë?
Shqipëria ka tërhequr vëmendjen e mediave ndërkombëtare, pasi u bë vendi i parë në botë që prezanton një ministre të krijuar me inteligjencë artificiale. Ajo......
