Përditësim i situatës së Gripit të shpendëve: Nuk ka dyshime dhe rikonfirmime të reja për Influencën aviare!
Ministria e Bujqësisë informon publikun e gjerë se nuk ka dyshime dhe rikonfirmime të reja për Influencën aviare, në Republikën e Shqipërisë. Në harkun javor 30 Tetor – 7 Nëntor 2024, Ministria e Bujqësisë dhe Zhvillimit Rural ka vijuar monitorimin në fshatrat e zonës së mbikëqyrjes 3 km dhe atë të zonës së mbrojtjes 10 km, për të kontrolluar dhe inventarizuar 3,935 ferma shpendësh të madhësive të ndryshme. Nga kontrolli fizik i shpendëve në këto ferma, gjendja shëndetësore është paraqitur pa shqetësime lidhur me kuadrin klinik të Influencës aviare. Qendrat Kombëtare dhe Rajonale të Krizës kanë vazhduar raportimin dhe koordinimin ditor deri në mbylljen e rastit dhe daljen nga karantina të vatrës pozitive.
Për gjurmim të hershëm dhe kufizim të përhapjes së sëmundjes, shërbimi veterinar i AKVMB ka marrë dhe dërguar në ISUV 209 mostra për analizim rreth rrezes 3 km dhe 10 km. Në zbatim të Programit të Survejancës aktive për fazën e tret që ka filluar në tetor për Sëmundjen e Influencës Aviare kanë mbërritur në Laboratorin e Referencës – ISUV 140 kampione nga Rajone të tjera, përkatësisht qarku Elbasan, Korçë, Shkodër, Lezhë, Dibër, Fier . Instituti i sigurisë Ushqimore dhe veterinarisë informon se rezultatet e analizave deri në datën 6.11.2024, kanë rezultuar NEGATIV për Influencë Aviare me metodën konfirmatore RT-PCR.
Autoriteti Kombëtar i Ushqimit informon se ka vijuar monitorimet për të gjithë qarkun Tiranë, ku nuk janë konstatuar probleme me tregtimin e produkteve ushqimore me origjinë shtazore dhe specifikisht nga shpendët. Kontrolli është ushtruar në 22 subjekte tregtare të vezëve, mishit të pulës dhe restorante.
Instituti i Shëndetit Publik informon se është në monitorim të vazhdueshëm të situatës shëndetësore në njerëz, ku deri më sot nuk ka njoftime apo raste të dyshuara për simptoma të ngjashme respiratore. Gjithashtu, ISHP është në kontakt të vazhdueshëm me mjekët e familjes.
MBZHR njofton konsumatorin të konsumojë produkte të certifikuara dhe kontrolluara nga autoritetet përkatëse, të ruajë kushtet higjienike, si dhe të sigurojë trajtimin termik në temperatura të larta gjatë konsumit të produkteve me origjinë shtazore. Kërkohet ndërgjegjësim dhe bashkëpunim nga fermerët e shpendërritësit e të gjitha kategorive, të rrisin masat e biosigurisë, kufizojnë kontaktin e shpendëve të tyre me shpendët e egër për uljen e riskut të ekspozimit dhe kontaktimin pa vonesë në numrin e gjelbër të AKVMB 08003366, ose adresën e e-mailit: [email protected].
Sipas informacionit të publikuar po vijon procesi i vaksinimit falas, për kafshët bujqësore nga Shërbimi Veterinar. Për vitin 2024, Autoriteti Kombëtar i Veterinarisë dhe Mbrojtjes së Bimëve, ka marrë në dorëzim dhe shpërndarë në Drejtoritë Rajonale Elbasan, Shkodër, Tiranë dhe Vlorë 131,000 dozë vaksina kundër Sëmundjes së Plasjes (Anthrax) ne zonat ku ka pasur raste, po realizohet gjurmimi i Turbekulozit ne te gjithë krerët e gjedhit ne te gjithë vendin, janë realizuar dy faza te gjurmimit te brucelozes ne gjedhe dhe gjate muajit nëntor po zhvillohet dhe faza e trete me dërgimin e kampioneve ne laborator. Gjithashtu janë shpërndarë 300,000 dozë vaksina REV-1 (ocurev) për te aplikuar për imunizimin ndaj sëmundjes së brucelozës në ruminantët e vegjël: dhen dhe dhi. Është në proces administrimi i profilaksisë veterinare për të dyja sëmundjet, me ecuri si më poshtë: – 45,3 % e totalit, me vaksinimin e të gjitha kafshëve bujqësore në vatrat e Plasjes; – 1, 400 dozë vaksina REV-1 në të imta, në rang vendi. -Gjurmimi TBC ne rang kombëtar deri me tani është realizuar ne 49189 krerë.
Sondazh
Si ndikon kolapsi i qeverisë gjermane në Bashkimin Europian?!
Pas shpërbërjes së koalicionit qeveritar gjerman të mërkurën, kancelari Olaf Scholz tha se do të mbajë një votë besimi në janar, gjë që mund të hapë rrugën......
"Pas një muri ka mure të tjera", ekspozita më e re në Galerinë "GOCAT" - Një cikël punimesh të artistit nga Kosova, Naim Spahiu
Më 7 nëntor, Galeria "GOCAT" hapi dyert për ekspozitën "Pas një muri ka mure të tjera", një projekt i artistit nga Kosova, Naim Spahiu, që trajton ndikimin e......
“Shqipëria, vend nderi në panairin më të madh në botë” - Kumbaro: Zonat e mbrojtura dhe promovimi ndërkombëtar, prioritetet kryesore
Ruajtja e zonave të mbrojtura dhe promovimi ndërkombëtar i Shqipërisë janë dy prej prioriteteve kryesore të Ministrisë së Turizmit dhe Mjedisit. Në......
Nafta falas në bujqësi, përfituesit për 3 vitet e ardhshëm - Pagesat në dorë, në 2027 rritet numri me 1 mijë fermerë
Ministria e Bujqësisë parashikon një rritje graduale të numrit të përfituesve nga nafta falas në bujqësi, por pas vitit 2025. Për vitin 2024 dhe 2025,......
“Digjitalizimi në turizëm interes për të huajt” - Duro: Kemi pilotuar 349 agrobiznese për edukim financiar
Dixhitalizimi, transformimi dhe edukimi financiar, fuqizimi i grave sipërmarrëse, start up-et, janë fokusi i ditëve të sotme nga organizatat, grupet e......
Ndërtimi i 2 bypass-eve të Elbasanit dhe Tiranës - Rrugët, Balluku: Projekte të reja që përfshihen në buxhetin e vitit 2025
“Infrastruktura rrugore është prioritet në periudhën afatmesme, teksa për vitin 2025 buxheti është 33.48 mld lekë, 4.1 mld lekë apo 14% më shumë se 2024”.......
Hekurudhë nga Aeroporti, në Vlorë - Balluku: Si do sigurohen trenat e rinj për Tiranë-Durrës-Rinas dhe Vorë-Hani i Hotit
Teksa disa projekte hekurudhore me financim të huaj janë në zbatim, projekte të tjerë do të kërkojnë financim të brendshëm për t’u realizuar, pasi nuk janë......
“Ngrin” inflacioni në Shqipëri/ Por, zarzavatet vijojnë të jenë të "kripura"
Në muajin Tetor të këtij viti inflacioni në vendin tonë regjistrohet në 1.9%, nivel ky i pandryshuar nga norma e një muaji më parë. Ndërkohë, një vit më parë......
