Pensionet private, skemës i shtohen 1,451 kontribues - AMF: “Zgjerohet” me 493 mln lekë më shumë totali i aseteve të fondeve
Gjithnjë e më shumë qytetarë po zgjedhin që të kontribuojnë edhe për një pension privat, krahas atij shtetëror, me qëllim që të kenë një masë më të lartë përfitimi në pleqëri.
Të dhënat më të fundit nga Autoriteti i Mbikëqyrjes Financiare tregojnë se numri i anëtarëve në fondet e pensionit privat ka arritur mbi 46 mijë. Në krahasim me fundin e vitit të kaluar, kemi pasur një rritje me 3% të kontribuesve në fondet e pensioneve private. E thënë ndryshe, skemës së pensioneve private i janë shtuar 1,451 kontribues të rinj në tremujorin e parë 2025.
Totali i aseteve neto të fondeve të pensioneve private është 13 miliardë lekë, vlerë kjo rreth 3.8% më e lartë se në 2024.
Paratë që qytetarët derdhin për një pension privat, shoqëritë administruese të fondeve të pensioneve private i investojnë vetëm në tituj qeveritarë, pra në bono thesari dhe obligacione dhe nuk i investojnë në forma të tjera, si për shembull depozita bankare. Sipas statistikave zyrtare, këto shoqëri kanë investuar 8.2 miliardë lekë në bono thesari dhe obligacione, 28% më shumë se në 2024. Interesi i fituar prej titujve qeveritarë rezulton 152 milionë lekë.
Qytetarët kanë mundësi që t'i investojnë paratë e tyre në shtatë fonde të pensioneve private, të cilat administrohen nga katër shoqëri.
Pavarësisht se ka pasur një rritje të kontribuesve në skemën private të pensioneve, sërish raporti me ata që derdhin kontribute për një pension shtetëror ëshë shumë i vogël. Përafërsisht, vetëm 5.5% e kontribuesve në skemën e sigurimeve shoqërore kontribuojnë edhe për një pension privat.
Në kuadër të reformës së pensioneve për të cilën qeveria shqiptare po bashkëpunon prej disa kohësh me Bankën Botërore, me qëllim rritjen e masës së përfitimit për ata të cilët dalin rishtazi në pension, është diskutuar që të ndërhyhet në dy shtylla kryesore, konkretisht në rishikimin e koeficientëve të vlerësimit, si edhe në zbatimin e kolonës së dytë që janë pensionet private, pra të bëhet e detyrueshme që një përqindje e pagës së një punonjësi të shkojë edhe për pension privat.
Çfarë rrezikojnë bizneset që kanë borxhe ndaj tatimeve? - Nga konfiskimi i xhiros ditore, tek sekuestro e plotë e pasurisë
Bizneset po neglizhojnë ndjeshëm pagesën e detyrimeve tatimore ndaj buxhetit të shtetit, duke rrezikuar të bien pre e masave të ashpra të cilat mund të çojnë......
Përgjysmohen përdoruesit amerikanë të Temu - Shkak, eleminimi i praktikës “de minimis” për dërgesat në SHBA
Përdoruesit e përditshëm amerikanë të platformës globale Temu ranë me 58% në muajin maj, sipas firmës Sensor Tower. Kjo është një nga shumë vështirësitë me......
Durrësi, me plan të ri zhvillimi urban - Bashkia nis fazën e projektimit për investimet e reja
Bashkia e Durrësit ka shpallur hapjen e tenderit për hartimin e masterplanit dhe përgatitje të projekteve të zbatimit për një sërë ndërhyrjesh......
“Hospitality Albania” nis garën për përzgjedhjen e projekteve më të mira
“Hospitality Albania” është projekti i investimit, i cili synon ripërdorimin dhe modernizimin e rezidencave qeveritare, të cilat aktualisht janë struktura të......
Paqëndrueshmëri në tregun valutor – Sa këmbehen sot monedhat e huaja?
Dollari amerikan ka regjistruar një rritje të lehtë këtë mëngjes në raport me një ditë me parë edhe pse vijon të jetë i paqëndrueshëm prej disa kohësh tashmë......
“Dollari amerikan pritet të bjerë me 9%” - Morgan Stanley parashikon forcimin e euros ndaj monedhës amerikane në 2026
Dollari amerikan do të bjerë në nivelet e regjistruara gjatë pandemisë Covid në mesin e vitit 2026, i goditur nga uljet e normave të interesit dhe......
Shqipëri-Greqi, partneritet për të ardhmen evropiane të përbashkët - “Integrimi, ekonomia dhe dialogu”, në qendër të vizitës zyrtare të ministrit Hasani
Ministri për Evropën dhe Punët e Jashtme, Igli Hasani, zhvilloi një vizitë zyrtare në Athinë, ku u prit nga Ministri i Jashtëm i Greqisë, George......
Kalon akti normativ, qeveria jep 10 mln euro për "“Machine Thinking Lab”!
Ministri i Financave, z. Petrit Malaj, prezantoi sot në komisionin parlamentar për Ekonominë dhe Financat akti normativ nr.3, datë 29.04.2025, “Për disa......
