Pensionet, mbi 12 mijë kontribues i shtohen skemës - Rriten të ardhurat në buxhetin e shtetit, 1.5 miliardë euro në 10 muaj
Skema e pensioneve po përfiton nga zgjerimi i bazës së kontribuesve dhe rritja e pagave, duke reflektuar një përmirësim të mbledhjes së kontributeve të sigurimeve shoqërore. Sipas të dhënave zyrtare, Administrata Tatimore mbledh rreth 96% të totalit të të ardhurave nga kontributet, një tregues i forcimit të administrimit tatimor dhe formalizimit të tregut të punës.
Rritja e të ardhurave nga kontributet mbështetet kryesisht në rritjen e pagave në administratën publike, e shoqëruar me zgjerimin e fondit të pagave edhe në sektorin privat, si dhe në masat e ndërmarra në kuadër të Strategjisë Afatmesme të të Ardhurave dhe Planit të Veprimit për vitin 2025, të orientuara drejt mirëadministrimit tatimor dhe aksioneve ndaj nëndeklarimit të pagave si dhe vendosja e pagave të referencës në sektorin e turizmit dhe së fundmi edhe në ndërtim.
Të dhënat nga listëpagesat e deklaruara në Administratën Tatimore për 9-mujorin e vitit 2025 tregojnë një rritje të dukshme të numrit të kontribuesve. Gjatë kësaj periudhe rezultojnë rreth 751,520 tatimpagues të regjistruar në listëpagesa, apo 12,616 kontribues më shumë, ose 1.7% rritje krahasuar me të njëjtën periudhë të vitit 2024.
Në të njëjtën linjë, edhe numri i vendeve të punës ka shënuar rritje. Sipas listëpagesave të deklaruara, në 9-mujorin 2025 rezultojnë rreth 761,362 vende pune, ose 12,457 vende pune më shumë, me rritje prej +1.7% krahasuar me 9-mujorin e vitit të kaluar.
Zgjerimi i bazës së kontribuesve dhe rritja e punësimit formal forcojnë qëndrueshmërinë financiare të skemës së pensioneve, duke krijuar më shumë hapësirë për përballimin e detyrimeve afatgjata dhe përmirësimin e balancave të sistemit të sigurimeve shoqërore.
Po ashtu krijon mundësinë edhe për rritjen e vazhdueshme të pensioneve aktuale, duke përmbushur objektivin e qeverisë që brenda 4 vitesh, pensioni minimal në Shqipëri të jetë 400 euro.
Sipas të dhënave zyrtare nga Ministria e Financave, të ardhurat nga kontributet u realizuan në shumën 149.1 miliardë lekë përgjatë 10 mujorit të këtij viti, ose 11.8% më shumë se Janar-Tetor 2024, si dhe me realizim prej 100.2% të planit të periudhës.
Pasuritë e sekuestruara/konfiskuara do shiten më shpejt - Pr/ligji për konsultim publik: AAPSK do të kryejë vetë procedurat
Agjencia e Administrimit të Pasurive të Sekuestruara dhe të Konfiskuara (AAPSK) dhe Kryeadministratori do t’i kryejë vetë procedurat e shitjes për pasuritë e......
SHBA, marrëveshje me ByteDance për TikTok - Kompania shet mbi 80% të aseteve për të shmangur mbylljen e aplikacionit
Pronari kinez i TikTok, ByteDance, ka nënshkruar marrëveshje detyruese me tre investitorë të mëdhenj për të shitur pak më shumë se 80% të aseteve të......
BE, 90 miliardë euro hua për Ukrainën - Plani synon të financojë mbrojtjen e Kievit për dy vitet e ardhshme
Udhëheqësit e Bashkimit Evropian vendosën të marrin hua fonde për të financuar mbrojtjen e Ukrainës kundër Rusisë për dy vitet e ardhshme, në vend që të......
Si është mbyllur kjo javë për valutat e huaja?
Dollari amerikan e ka mbyllur javën pozitivisht duke regjistruar rritje të vlerës nga dita e djeshme teksa është blerë këtë mëngjes me 82 lekë dhe është......
Athina, qyteti më “i plakur” në Evropë në 2050 - Popullsia në moshë pune do të tkurret mbi 30% në 25 vitet e ardhshme
Qytetet kryesore evropiane po përballen me një sfida të mëdha demografike. Sipas vlerësimeve të Oxford Economics, deri në vitin 2050, 60% e qyteteve kryesore......
Rritet konsumi i energjisë në Kosovë - Operatori energjetik bën thirrje për ulje të ngarkesës së sistemit
Operatori i Sistemit të Transmisionit dhe Licensës për Operatorin e Tregut të Energjisë Elektrike (KOSTT SH.A.) ka bërë të ditur se sistemi......
Sezoni i dhuratave po afron - Cili shtet evropian shpenzon më shumë për Krishtlindje?
Me afrimin e Krishtlindjes dhe blerjen e dhuratave, Gjermania pritet të bëhet shpenzuesi më i madh në Bashkimin Evropian gjatë sezonit festiv, sipas......
Themelohet Banka Shqiptare e Zhvillimit - Regjistrohet në QKB. Kush do të jetë administratori dhe anëtarët e Këshillit Mbikëqyrës?
Është regjistruar si shoqëri aksionare Banka Shqiptare e Zhvillimit në Qendrën Kombëtare të Biznesit (QKB). Kjo shënon themelimin e saj zyrtar dhe marrjen e......
