Pensionet, 1 miliardë euro mbushin arkën e shtetit - 7-mujori, rriten me 118 milionë euro të ardhurat në skemë
Viti 2025 po performon pozitivisht sa i takon furnizimi të skemës së pensioneve, pasi të ardhurat nga kontributet e sigurimeve shoqërore dhe shëndetësore kanë pësuar rritje të ndjeshme.
Të dhënat zyrtare nga Ministria e Financave, tregojnë se për periudhën Janar-Korrik 2025, janë arkëtuar afro 104 miliardë lekë, apo rreth 1 miliardë euro detyrime të derdhura nga punonjësit në sektorin publik dhe privat në Shqipëri për sigurime shoqërore dhe shëndetësore.
Nëse do ta krahasojmë me të njëjtën periudhë të vitit 2024, vihet re një kapërcim i lartë në të ardhura, me rreth 11.8 miliardë lekë apo 118 milionë euro. E shprehur në përqindje, rritja e të ardhurave regjistrohet në 12.8%.
Po ashtu ka edhe një rritje të ndjeshme në raport me planifikimin e bërë për këtë periudhë me rreth 23 milionë euro.
Nga ana tjetër kjo shifër është rekord në dekadën e fundit, duke u rritur me mbi 152% në raport me vitin 2015, ku në skemë të hyrat ishin vetëm 416 milionë euro në 7 mujor.
Kjo perfomancë pozitive është ndikuar nga disa faktorë. Së pari është rritja e pagave në sektorin publik, ndjekur dhe nga sektori privat, duke bërë që paga mesatare të tejkalojë nivelin prej 900 euro në muaj dhe si rrjedhim dhe pagesat e punonjësve për kontribute të jenë më të larta.
E dyta lidhet me reformën antiinformalitet e shtrirë në disa sektorë dhe e fokusuar kryesisht në nëndeklarimin e pagave, çka solli një rritje të deklarimeve dhe si rrjedhim dhe të të ardhurave të paguara nga kontributet.
Faktori i tjetër lidhet me rritjen e numrit të bizneseve të hapura në Shqipëri dhe mirëadministrimi nga ana e administratës tatimore, që duket sikur po kompenson disi edhe mungesën e fuqisë punëtore në vend.
Por ndërsa të ardhurat në buxhetin e Institutit të Sigurimeve Shoqërore janë rritur, paralelisht në të njëjtin nivel janë rritur dhe shpenzimet në skemë të cilat në 7 mujor regjistrohen në 148 miliardë lekë apo rreth 1.5 miliardë euro. Deficiti në skemë llogaritet në afro 440 milionë euro.
Pagesa minimale për kontribute të sigurimeve shoqërore dhe shëndetësore për individ është rreth 11 mijë lekë në muaj.
Aktualisht, me konsulencën e Bankës Botërore, qeveria shqiptare po përgatit një reformë të re të mbrojtës sociale, me qëllim rritjen e mëtejshme të mbështetjes për këto kategori, si edhe sigurimit të një raporti sa më të drejtë mes nivelit të kontributeve dhe përfitimeve në skemën e pensioneve.
29 mijë ndryshime vendbanimi në 6 muajt e parë - Rritje me 70% në krahasim me janar-qershorin e vitit të kaluar
Përgjatë gjysmës së parë të këtij viti janë kryer rreth 29 mijë ndryshime vendbanimesh në territorin e Republikës së Shqipërisë. Të dhënat nga Ministria e......
Inteligjenca artificiale futet edhe te bizneset - Beshello: Janë akoma të pakta, por në rritje. Përfitojnë nga fondet e BE për digjitalizimin
Qeveria shqiptare do të investojë miliona euro për integrimin e inteligjencës artificiale në bujqësi, transport, shëndetësi, arsim, energji dhe të tjera. Po......
“Bankat britanike përfitojnë miliarda nga interesat” - Kërkohet ndërhyrje fiskale për të mbështetur bankën qendrore, taksapaguesit
Qeveria britanike duhet të vendosë taksë mbi bankat për miliarda paund që ato marrin si interes nga Banka e Anglisë për rezervat që mbajnë në bankën......
Inteligjenca artificiale “largon” të rinjtë nga puna - Janë reduktuar me 13% vendet e punës për 22-25 vjeçarët
Përdorimi në rritje i inteligjencës artificiale gjenerative po ndikon ndjeshëm në perspektivat e punës për punonjësit amerikanë, sipas një studimi nga tre......
Plani i BE-së për të ulur tarifat amerikane - Propozon heqjen e taksave ekzistuese për mallrat industriale
Komisioni Evropian propozoi heqjen e tarifave për mallrat industriale të importuara nga Shtetet e Bashkuara, si pjesë e një marrëveshjeje tregtare me......
Nis regjistrimi në universitete - Procesi, në dy raunde. Hapat që duhet të ndiqen
Prej ditës së sotme, nis faza e parë e aplikimit në universitete. Ministrja e Arsimit, Ogerta Manastirliu ka publikuar të gjithë hapat që duhet të ndjekin......
Deri në 7 vite burg për kontrabandë mallrash! - Kodi i ri Penal/ Kush nuk deklaron cash-in në kufi, rrezikon 3 muaj
Kodi i ri Penal i hedhur për konsultim publik parashikon ashpërsim të masave sa i takon shkeljeve doganore. Konkretisht, kontrabanda është një ndër shkeljet......
SHBA, përfundon përjashtimi tarifor për pakot e vogla - Masa pritet të rrisë çmimet për bizneset dhe konsumatorët vendas
Duke nisur nga e premtja, SHBA ka hequr përjashtimin nga tarifat për të gjitha dërgesat e pakove me vlerë nën 800 dollarë. Ky vendim do të rrisë kostot për......
