Pasuritë e sekuestruara/konfiskuara do shiten më shpejt - Pr/ligji për konsultim publik: AAPSK do të kryejë vetë procedurat
Agjencia e Administrimit të Pasurive të Sekuestruara dhe të Konfiskuara (AAPSK) dhe Kryeadministratori do t’i kryejë vetë procedurat e shitjes për pasuritë e sekuestruara dhe të konfiskuara, si dhe lidhjen në vijim të kontratave përkatëse, referuar ligjit për ankandin publik. Në një projektligj nxjerrë për konsultim publik nga Ministria e Brendshme theksohet se, AAPSK ka zhvilluar ndjeshëm kapacitetet e saj institucionale, administrative dhe teknike.
Në kuadër të kësaj rritjeje funksionale, është vlerësuar e arsyeshme që procesi i shitjes së pasurive që agjencia administron, të kryhet tashmë nga vetë institucioni.
“Duke qenë se administrimi i plotë i këtyre pasurive përfshin edhe fazën e shitjes, është e arsyeshme dhe logjike që i njëjti institucion që i menaxhon t’i çojë deri në fund edhe procedurat e shitjes, për të garantuar koherencë, transparencë dhe përgjegjësi të unifikuar në çdo fazë të procesit”, theksohet në projekligj.
Sipas dokumentit, përfshirja e një institucioni të dytë në proces, ka krijuar deri më sot vonesa të ndjeshme në përmbylljen e procedurave të shitjes dhe kalimin e të ardhurave në buxhetin e shtetit. Kryerja e procesit nga vetë Agjencia do të mundësojë menaxhim më të shpejtë të aseteve, reduktim të burokracive dhe rritje të efikasitetit financiar. Transferimi i funksioneve të shitjes tek Agjencia shmang duplikimin institucional, ul kostot administrative dhe mundëson përdorim më efikas të burimeve njerëzore dhe financiare. Në vend të dy institucioneve që kryejnë veprime të njëpasnjëshme për të njëjtin proces, përgjegjësia përqendrohet në një ent të vetëm.
Njihen shumë praktika ku, agjencitë homologe për administrimin e pasurive të sekuestruara dhe të konfiskuara ushtrojnë vetë proceset e shitjes, si pjesë e zinxhirit të plotë të administrimit. Kjo siguron transparencë, gjurmueshmëri dhe menaxhim profesional të ciklit të plotë të pasurisë nga sekuestrimi, deri në shitje dhe transferim të të ardhurave.
Sipas hartuesve, projektligji vjen si rrjedhojë e reformës gjithëpërfshirëse qoftë për territorin, nga përdorimi eficent i ndërtimeve pa leje të konfiskuara, ashtu edhe për mirëadministrimin e pasurive si monedhat virtuale, të cilat ndikojnë drejtëpërsëdrejti në rritjen e të ardhurave të buxhetit të shtetit e në vijim, të përdorimit të tyre për interes publik dhe social.
SHBA, marrëveshje me ByteDance për TikTok - Kompania shet mbi 80% të aseteve për të shmangur mbylljen e aplikacionit
Pronari kinez i TikTok, ByteDance, ka nënshkruar marrëveshje detyruese me tre investitorë të mëdhenj për të shitur pak më shumë se 80% të aseteve të......
BE, 90 miliardë euro hua për Ukrainën - Plani synon të financojë mbrojtjen e Kievit për dy vitet e ardhshme
Udhëheqësit e Bashkimit Evropian vendosën të marrin hua fonde për të financuar mbrojtjen e Ukrainës kundër Rusisë për dy vitet e ardhshme, në vend që të......
Si është mbyllur kjo javë për valutat e huaja?
Dollari amerikan e ka mbyllur javën pozitivisht duke regjistruar rritje të vlerës nga dita e djeshme teksa është blerë këtë mëngjes me 82 lekë dhe është......
Athina, qyteti më “i plakur” në Evropë në 2050 - Popullsia në moshë pune do të tkurret mbi 30% në 25 vitet e ardhshme
Qytetet kryesore evropiane po përballen me një sfida të mëdha demografike. Sipas vlerësimeve të Oxford Economics, deri në vitin 2050, 60% e qyteteve kryesore......
Rritet konsumi i energjisë në Kosovë - Operatori energjetik bën thirrje për ulje të ngarkesës së sistemit
Operatori i Sistemit të Transmisionit dhe Licensës për Operatorin e Tregut të Energjisë Elektrike (KOSTT SH.A.) ka bërë të ditur se sistemi......
Sezoni i dhuratave po afron - Cili shtet evropian shpenzon më shumë për Krishtlindje?
Me afrimin e Krishtlindjes dhe blerjen e dhuratave, Gjermania pritet të bëhet shpenzuesi më i madh në Bashkimin Evropian gjatë sezonit festiv, sipas......
Themelohet Banka Shqiptare e Zhvillimit - Regjistrohet në QKB. Kush do të jetë administratori dhe anëtarët e Këshillit Mbikëqyrës?
Është regjistruar si shoqëri aksionare Banka Shqiptare e Zhvillimit në Qendrën Kombëtare të Biznesit (QKB). Kjo shënon themelimin e saj zyrtar dhe marrjen e......
62.5 mln lekë për nyjet e rrezikshme - ARRSH: Burim aksidenti, ndërhyrje në 5 pika të zeza të rrugëve kombëtare
Me një ofertë prej 62.5 mln lekë, Autoriteti Rrugor Shqiptar ka shpallur fituesin e tenderit për “Eliminimim e Pikave të Zeza në rrjetin Rrugor Kombëtar”,......
