Shqipëria Postuar më 17 Janar 2026, 14:16

Pas takimit me kryebashkiakët, Rama inspekton shëtitoren ‘Taulantia’ dhe qendrën multimodale në Durrës

Nga Scan TV

Pas takimit me kryebashkiakët, Rama inspekton shëtitoren

Kryeministri Edi Rama, pas takimit me kryebashkiakët, ka vizituar kantierin e shëtitores “Taulantia”, i shoqëruar nga kryebashkiakja Emiriana Sako.

Ky projekt është programuar nga Bashkia e Durrësit, ndërsa është financuar nga Fondi Shqiptar i Zhvillimit. Ideja e projektit vjen si propozim nga studioja prestigjioze ndërkombëtare Bofill Taller de Arquitectura. Kryeministri theksoi se ky investim do të krijojë një boulevard shumë cilësor.

Ndërkohë, ndalesa e radhës ishte në parkimin e ri pranë Stacionit të Trenit, ku ka përfunduar puna për projektin e godinës publike me 7 kate. Godina furnizohet me energji diellore dhe do të funksionojë si një qendër multimodale, ku krahas 353 vendeve parkimi, ofrohen edhe hapësira për zyrat e administratës, për studentët që realizojnë projekte teknologjike, si dhe aktivitete të ndryshme social-kulturore në shërbim të komunitetit.

Live TV

Të fundit
Të gjitha lajmet

Më të vizituarat