Pajisjet ushtarake, ku dhe si do i blejë Shqipëria? - Furnizim i Forcave të Armatosura nga KAYO. Marrëveshje edhe me shtete të tjera
Qeveria ka vendosur të bëjë disa ndryshime në lidhjen e kontratave për blerjen e pajisjeve ose mjeteve ushtarake, si dhe për blerjen e armëve, municioneve apo materialeve luftarake për qëllime operacionale.
Në kuadër të ringritjes së industrisë ushtarake, gjatë vitit të kaluar u vendos krijimi i kompanisë shtetërore KAYO për prodhimin dhe tregtimin e armëve, të municioneve, pajisjeve dhe teknologjive ushtarake.
Si rrjedhojë, në vendimin e saj më të fundit, qeveria ka përcaktuar blerjen e pajisjeve ushtarake nga KAYO. Konkretisht, në vendim shprehen rastet e mundshme të autorizimit të shoqërive aksionare me kapital shtetëror për furnizimin e Forcave të Armatosura me armë, municione, pajisje dhe teknologji ushtarake.
Në rastet kur shoqëria me kapital shtetëror ka të paktën 50% të kapaciteteve të vlerësuara si të nevojshme për realizimin e objektit të kontratës, Ministria e Mbrojtjes mund të blejë drejtpërdrejt nga ajo shoqëri. Pra, lehtësohet procesi i blerjes së pajisjeve nga kompani shtetërore, duke shmangur procedura të tjera tenderimi, por duke plotësuar disa kushte.
Mënyra e pagesës, përfshirë parapagimin apo vënia e fondeve në dispozicion të furnizuesit nga ana e Ministrisë së Mbrojtjes, do të negociohen. Nëse nuk ka një autorizim të drejtpërdrejtë, Ministria e Mbrojtjes kryen dialog negociues me shoqërinë aksionare shtetërore për të gjitha llojet e veprimtarisë që kjo shoqëri mund të realizojë.
Nga procedura e përzgjedhjes së fituesve të kontratave për prokurime, do të shkualifikohet çdo operator ekonomik apo bashkim operatorësh që ka qenë i dënuar me vendim penal të formës së prerë për disa vepra, që ka falimentuar, është në likuidim e të tjera.
Në vendim detajohet edhe blerja e pajisjeve ushtarake nga shtete të tjera. Procedurat “shtet me shtet” mund të realizohen drejtpërdrejt ose nëpërmjet dhënies së autorizimit me një vend partner të NATO-s ose një agjencie të tyre bazuar në një marrëveshje qeveritare.
Për herë të parë theksohet se blerja e pajisjeve ushtarake mund të realizohet edhe me vende partnere të Shqipërisë ose një agjencie të tyre, pra jo vetëm të NATO-s, por vetëm pas miratimit paraprak të Komitetit të Mbrojtjes dhe Sigurisë ose bazuar në një marrëveshje qeveritare.
Kufiri i pataksueshëm/ Dogana shqiptare sqaron limitet e lejuara!
Dogana shqiptare njofton se udhëtarët që vijnë nga një vend tjetër në Republikën e Shqipërisë përjashtohen nga detyrimet e importit për mallrat që gjenden në......
Presidenti i EBA nderohet me Yllin e madh të Mirënjohjes Publike/ Rama: Vëllazëria e vërtetë nuk shpallet, ajo jetohet!
Presidenti i Emirateve të Bashkuara Arabe, Sheikh Mohammed bin Zayed Al Nahyan u prit nga Kryeministri Edi Rama në ambientet e Kryeministrisë ku u dekorua me......
Prezantohet Raporti i Vlerësimit të Performancës lidhur me Llogaridhënien për Shpenzimet dhe Financat Publike (PEFA) për Shqipërinë
Ministria e Financave, në bashkëpunim me ekipin e ekspertëve dhe Delegacionit të Bashkimit Europian, prezantuan Raportin e Vlerësimit të Performancës lidhur......
Rinasi, mbi 1 mln pasagjerë vetëm në qershor - Shtohen lidhjet ajrore me Francën, Spanjën dhe Qipron
Aeroporti Ndërkombëtar i Tiranës po vazhdon trendin pozitiv, duke konfirmuar rritjen e qëndrueshme të trafikut ajror në Shqipëri. Vetëm gjatë muajit qershor......
Kosova, në “krah” të Shqipërisë/ Regjistrojmë rritjen më të madhe të eksporteve në gjashtë muajt e parë të vitit
Në Qershor të këtij viti, eksportet shqiptare kanë vijuar trendin pozitiv, duke arritur në 35 miliardë lekë, me një rritje prej 1.9% krahasuar me qershorin e......
Sa po shpenzon Shqipëria për mbrojtje? - Forcat e Luftimit “përthithin” 2.7 mld lekë
Përgjatë 4 muajve të parë të 2025 janë shpenzuar 8.2 miliardë lekë për mbrojtjen nga 52.7 miliardë lekë që planifikohen për t'u shpenzuar në total deri në......
Situata e zjarreve në vend gjatë 24-orwve të fundit/ MM: 17 vatra zjarri të raportuara, 4 ende aktive
Ministria e Mbrojtjes informoi sot lidhur me situatën e zjarreve në vend duke bërë të ditur se, gjatë 24 orëve të fundit janë raportuar 17 vatra zjarri, nga......
Pensionet e reja, përcaktohen koeficientët e indeksimit - 9.3% mbi bazën. Kush janë kategoritë që përfitojnë?
Qeveria ka miratuar vendimin, që përcakton koeficientet e indeksimit të bazës së vlerësuar të vitit 2023 për efekt të llogaritjes së pensioneve, dhe që do të......
