OSHEE fal 2.5 mln euro nga kamatëvonesat - Mbi 4 mijë aktmarrëveshje në 2026, gati 69% e klientëve shlyen borxhin menjëherë
Rreth 2.5 mln euro kamatëvonesa janë reduktuar gjatë vitit 2026 për klientët familjarë dhe bizneset që kanë zgjedhur të shlyejnë menjëherë detyrimet e prapambetura ndaj Operatorit të Shpërndarjes së Energjisë Elektrike. Sipas të dhënave të kompanisë, deri më tani janë lidhur 4,095 aktmarrëveshje me Furnizuesin e Shërbimit Universal, ndërsa 2,818 prej tyre, ose 68.8%, kanë përfunduar me shlyerjen e të gjithë detyrimit me një këst të vetëm.
Pjesa më e madhe e marrëveshjeve i përket klientëve familjarë. Në total janë lidhur 2,893 aktmarrëveshje për këtë kategori, nga të cilat 1,928 kanë zgjedhur pagesën e menjëhershme, duke përfituar reduktim me 70% të kamatëvonesës. Ndërkohë, 965 familjarë kanë zgjedhur shlyerjen e detyrimeve përmes pagesave me këste.
Për kategoritë jofamiljare janë firmosur 1,202 aktmarrëveshje, ku përfshihen klientët buxhetorë dhe jobuxhetorë, si dhe bizneset e vogla dhe të mëdha. Skema përfshin detyrimet e krijuara deri në fund të vitit 2024, ndërsa për kategoritë në nevojë mund të përfshihen edhe detyrimet e krijuara gjatë vitit 2025.
Për klientët buxhetorë dhe jobuxhetorë, numri i kësteve përcaktohet sipas shumës së borxhit. Afati nis nga 24 këste për detyrime nga 100-500 mijë lekë dhe arrin deri në 120 këste për debi mbi 10 mln lekë. Edhe për këto kategori kërkohet që të mos jenë krijuar detyrime të reja gjatë periudhës 2025–2026.
Një skemë e veçantë zbatohet edhe për faturat korrektive, përmbledhëse apo sistemuese, si dhe për rastet që lidhen me demontimin ose testimin e matësve. Këto detyrime mund të shlyhen deri në 24 këste. Ndërkohë, reduktimi i kamatëvonesës ndryshon sipas kategorive. Familjarët përfitojnë ulje me 70%, klientët jofamiljarë, buxhetorë dhe jobuxhetorë me 50%, ndërsa bizneset e vogla përfitojnë falje të plotë të kamatëvonesës nëse shlyejnë të gjithë detyrimin menjëherë.
Ambasadorja e re e BE-së në Tiranë - Sofia Moreira de Sousa merr zyrtarisht detyrën
Ambasadorja e re e Delegacionit të Bashkimit Europian në Tiranë, Sofia Moreira de Sousa pritet të marrë detyrën, pas përfundimit të mandatit të diplomatit......
10 mln euro në llogaritë bankare të fermerëve - Regjistrohen 4,104 aplikime, 10% kompensim TVSH për faturat e lëshuara
Afro 10 milionë euro llogaritet deri më tani shuma që do të shpërndahet në llogaritë bankare të fermerëve si kompensim në masën10 % të faturave të dorëzuara......
Rregulla të reja për projektet strategjike të energjisë - Investimet me interes për Komunitetin e Energjisë. Nga hidrogjeni, te rrjetet në det
Qeveria ka miratuar rregullat e reja për zhvillimin e projekteve të infrastrukturës energjetike rajonale dhe transevropiane, duke përcaktuar procedura të......
Shqipëria sfidon rënien e netëqëndrimeve në Europë/ U rritën me 9.8% në Qershor, ndërsa BE-ja regjistron “tkurrje” të lehtë
Turizmi në Shqipëri vijoi të zgjerohet edhe në qershor, duke shënuar një ecuri dukshëm më të mirë se mesatarja europiane. Sipas të dhënave të Eurostat,......
Ishulli italian shitet për 5.5 milionë euro - Crevan ofron një rezidencë luksoze dhe ankorim për varka
Një ishull privat në zemër të Lagunës së Venedikut është nxjerrë në shitje për 5.5 milionë euro, duke ofruar një kombinim të rrallë mes privatësisë, luksit......
Kursi i këmbimit/ Rikuperon Dollari amerikan. Dobësohet Franga zvicerane dhe Paundi britanik
Dollari amerikan ka regjistruar këtë të mërkurë një rikuperim të vlerës nga rënia e vazhdueshme që pësoi gjatë kësaj periudhe edhe pse vijon të qëndrojë i......
SHBA, drejt një boom-i të ri nafte në Venezuelë - Sekretari amerikan i Energjisë paralajmëron dyfishim të prodhimit
Prodhimi i naftës në Venezuelë pritet të dyfishohet në vitet e ardhshme, ndërsa kompanitë amerikane dhe ndërkombëtare po përgatiten të nënshkruajnë......
Alarmi i OKB: Toka, drejt kalimit të pragut 1.5°C - Temperaturat globale mund ta tejkalojnë kufirin kritik brenda pak vitesh
Temperaturat globale pritet të tejkalojnë brenda pak vitesh pragun kritik prej 1.5 gradë Celsius, duke rritur rrezikun për valë të nxehti, përmbytje,......
