“Nuk ka ende projekt për Zvërnecin” - Ibrahimaj: Çdo investim do t’u nënshtrohet standardeve të BE-së
Ministrja e Ekonomisë dhe Inovacionit, Delina Ibrahimaj, deklaroi se qeveria shqiptare mbështet zhvillimin e projektit turistik në zonën e Zvërnecit, por theksoi se deri më tani nuk ka një projekt përfundimtar dhe se çdo propozim do të vlerësohet mbi bazën e standardeve mjedisore dhe legjislacionit në fuqi.
Në një deklaratë për mediat pas mbledhjes së Këshillit të Ministrave, Ibrahimaj bëri të ditur se aktualisht puna është në fazën e studimeve dhe projektimit, ku janë përfshirë arkitektë, specialistë të ndikimit në mjedis dhe ekspertë të peizazhit.
Sipas saj, qeveria nuk disponon ende një projekt final për zhvillimin e zonës, ndërsa çdo propozim që do të paraqitet do t'i nënshtrohet analizës së plotë nga institucionet përgjegjëse dhe procesit të vlerësimit të ndikimit në mjedis.
Ministrja theksoi se zhvillimi i projektit do të lejohet vetëm nëse respektohen të gjitha standardet e Bashkimit Europian për mbrojtjen e mjedisit, duke kujtuar se Shqipëria ndodhet në procesin e negociatave për anëtarësim dhe po harmonizon legjislacionin me acquis-in europian.
Ibrahimaj shtoi se qeveria synon të tërheqë investime strategjike që, përveç ndikimit ekonomik, sjellin standarde të reja në sektorin e turizmit dhe përmirësojnë imazhin e Shqipërisë si destinacion turistik.
Duke komentuar vlerën prej 4 miliardë eurosh të përmendur më herët në lidhje me investimin, ministrja sqaroi se ajo i përkiste një projekti të mëparshëm, i cili nuk u miratua nga Këshilli Kombëtar i Territorit dhe Ujit, pasi nuk plotësonte kriteret për intensitetin e ndërtimit dhe mbrojtjen e mjedisit.
Ajo theksoi se aktualisht nuk mund të përcaktohet vlera e investimit që mund të paraqitet në të ardhmen, pasi ende nuk ekziston një projekt përfundimtar.
Në përfundim, Ibrahimaj nënvizoi se ruajtja e natyrës mbetet prioritet si për qeverinë, ashtu edhe për investitorët potencialë, duke theksuar se vlerat natyrore të Zvërnecit janë arsyeja kryesore që e bëjnë zonën tërheqëse për zhvillimin e turizmit cilësor.
Ibrahimaj: Brenda korrikut miratohet paketa me 9 ligje për harmonizimin e biznesit shqiptar me BE-në
Ministrja e Ekonomisë dhe Inovacionit, Delina Ibrahimaj, bëri të ditur se Këshilli i Ministrave ka miratuar tre projektligje të reja që lidhen me procesin e......
Humbjet e energjisë në rrjet ulen lehtë - ERE: Në periudhën janar-prill niveli arriti në 16.57%, 0.43% më pak se vjet
Humbjet në rrjetin e shpërndarjes së energjisë elektrike vijuan trendin rënës edhe gjatë 4-mujorit të parë të vitit 2026, duke zbritur në 16.57%, niveli më i......
Shqiptarët, gjithnjë e më shumë online/ Infrastrukturë e fortë digjitale, por sfida mbetet te përballueshmëria
Shqipëria po konsolidon gjithnjë e më shumë pozicionin e saj në epokën digjitale, sipas vlerësimit të fundit të Mobile Connectivity Index nga GSMA......
Linjë e re 35 kV Kavajë–Rrogozhinë/ OSSH, investim gati 300 milionë lekë. Synohet furnizim më i sigurt
Drejtoria e Tensionit të Lartë OSSH sh.a ka shpallur procedurën e prokurimit për ndërtimin e linjës së re 35 kV Kavajë–Rrogozhinë. Sipas dokumentit të......
Hormuzi, duhet të pastrohen 80 mina - Më pas do të rinisë transporti normal i anijeve
Qendra e ngushticës së Hormuzit është e bllokuar me rreth 80 mina që do të duhet të pastrohen për të rifilluar transporti normal detar, tha organi i pavarur......
Si është mbyllur kjo javë për valutat kryesore?
Dollari amerikan pas luhatjesh të vazhdueshme përgjatë tërë kësaj jave e ka mbyllur këtë periudhë pozitivisht duke regjistruar rritje këtë të premte teksa......
SHBA nisin hetim tregtar ndaj Gjermanisë - Uashingtoni akuzon Berlinin për çmime shumë të ulëta të ilaçeve të reja
Shtetet e Bashkuara kanë nisur një hetim tregtar mbi politikat e çmimeve të barnave në Gjermani. Uashingtoni thotë se dëshiron të shqyrtojë nëse ilaçet......
Ndërpritet funksionimi i Bordit të Transparencës/ Ibrahimaj: Çmimet e karburanteve janë stabilizuar
Ministrja e Ekonomisë dhe Inovacionit, Delina Ibrahimaj, njoftoi se qeveria ka vendosur t’i japë fund funksionimit të Bordit të Transparencës për......
