Nuk do të këmbehen mbi 1 mln lekë në pikat valutore - BSH ndryshon rregulloren për të parandaluar pastrimin e parave
Qytetarët nuk mund të këmbejnë më shumë se 1 milionë lekë në pikat e këmbimit valutor. Banka e Shqipërisë ka vendosur të bëjë disa ndryshime në rregulloren për licencimin, organizimin, veprimtarinë dhe mbikëqyrjen e zyrave të këmbimit valutor, duke shtuar kriteret për licencimin e zyrave të tilla, të gjobave që zbatohen në rast të shkeljes së kuadrit ligjor dhe rregullator, apo kufizuar shumën e parave që mund të këmbejnë qytetarët.
Banka e Shqipërisë thekson se zyrat e këmbimit valutor nuk mund të kryejnë transaksione në para fizike (cash), të cilat tejkalojnë një shumë prej 1,000,000 (një milion) lekë ose kundërvlerën e saj në monedha të tjera të huaja, të kryera në një transaksion të vetëm ose në disa transaksione të lidhur me njëri-tjetrin. Transaksionet që tejkalojnë shumën e 1 milionë lekë ose kundërvlerën e saj në monedha të tjera të huaja, duhet të kryhen nëpërmjet llogarive bankare ose llogarive të pagesave.
Vendosja e kufizimeve të tilla bëhet për të parandaluar pastrimin e parave, apo aktivitete të tjera të paligjshme.
Nga ana tjetër, Banka Qendrore ka shtuar si kriter për licencimin e zyrave të këmbimit valutor edhe përshtatshmërinë, reputacionin e mirë dhe integritetin e aksionerit/ortakut, pronarit përfitues dhe administratorit të subjektit gjatë momentit të licencimit. Pra duhet të respektojë kuadrin ligjor e rregullativ në fuqi, përfshirë ato që lidhen me parandalimin e pastrimit të parave dhe financimin e terrorizmit, nuk duhet të ketë rekorde kriminale, ka qëndrueshmëri financiare, nuk duhet të jetë subjekt i hetimeve ose sanksioneve për mosrespektimin e kuadrit ligjor e rregullativ të zbatueshëm dhe të tjera. Në rast se nuk përmbushet ky kriter, Banka do e refuzojë kërkesën për licencim.
Zyrat e këmbimit valutor nuk mban në arkë vlera monetare (cash) mbi baza ditore, më të larta se vlera e kapitalit fillestar minimal. Kapitali fillestar minimal i kërkuar për t’u licencuar nga Banka për të kryer veprimtarinë e këmbimit valutor ishte 2,500,000 lekë më parë, ndërsa tani bëhet 5,000,000 lekë.
Mendimi juaj
Përmirësim i platformës së shërbimit konsullor online - Afati i zbatimit do të jetë 9 muaj, ndërsa fondi limit 205 mln lekë
Platforma “Shërbimi Konsullor Online”, pritet të përmirësohet dhe zgjerohet në mënyrë rrënjësore në muajt në vijim. Ky sistem i përdorur nga qytetarët......
Zgjerimi i superstradës Tiranë-Durrës - Punimet për realizimin fizik kanë arritur në masën 50%
Aktualisht, punimet e fazës së dytë për zgjerimin e superstradës Tiranë-Durrës, kanë ecur me ritme shumë të mira ku realizimi fizik ka arritur në masën 50%.......
Automjete autonome në transportin publik - Në Langen të Gjermanisë udhëtarët mund të përdorin makina vetë-drejtuese
Langen, një qytet në jug të Frankfurtit, është vendi i parë në Gjermani ku udhëtarët mund të përdorin makina vetë-drejtuese si pjesë e sistemit të......
Cilat janë tre kërkesat e turizmit? - Mungesa e punonjësve, Topuzi: Subvencion nga shteti jashtë sezonit
Ndërsa sektori i turizmit po përballet çdo ditë e më shumë me mungesë të fuqisë punëtore, dhe një pjesë e mirë po e zgjidhin këtë përmes punonjësve nga......
“Euro, një rol më të madh ndërkombëtar” - Kreu i BQE, Lagarde: Dominimi i dollarit po përballet me pasiguri në rritje
Presidentja e Bankës Qendrore Evropiane (BQE), Christine Lagarde, bëri thirrje për një rol më të madh ndërkombëtar të euros, duke paralajmëruar se dominimi......
Aeroporti i Vlorës rrit sigurinë me teknologji të re - Albcontrol nënshkruan kontratë për sistem të avancuar meteorologjik
Për rritjen e sigurisë dhe realizimin e veprimeve operacionale në Aeroportin e Vlorës, duhet të instalohet një sistem i integruar meteorologjik automatik......
“Më shumë përgjegjësi për sigurinë evropiane” - Presidenti i Republikës, Bajram Begaj, në asamblenë parlamentare të NATO-s
Presidenti i Republikës, Bajram Begaj, ka marrë pjesë në seancën plenare të Asamblesë Parlamentare të NATO-s, “Sfidat e Dayton-it për integrimin në BE”.......
Pse amerikanët e pasur duan të shpërngulen në Europë? - Trendi i ri, pasaportat e dyta!
Një numër gjithnjë e në rritje i anëtarëve të elitës amerikane po kërkojnë shtetësi jashtë vendit dhe duan ta marrin pasurinë e tyre me vete. Në tremujorin......
