Një tjetër ish ministër finance në Këshillin Mbikqyrës të BSH, qeveria propozon Ervin Meten
Një tjetër ish ministër i financave pritet të shtohet në Këshillin Mbikqyrës të Bankës së Shqipërisë. Qeveria ka miratuar dy kandidaturat e saj të cilat do të votohen në Kuvend. Në listë janë Ervin Mete, ish ministër i financave dhe zonja Jonida Prifti.
Mete do të gjejë në Këshillin e Bankës edhe homologët e tij Anastas Angjeli dhe Ritvan Bode. Ndërkohë një tjetër ish ministër finance ka qenë pjesë e Bordit, por që u shkarkua nga aty, Arben Malaj.
I shkëputur nga politika që prej vitit 2024, Ervin Mete është vlerësuar pozitivisht nga institucionet ndërkombëtare. Gjatë periudhës kur drejtoi Ministrinë e Financave, vendi shënoi ulje të borxhit publik, forcim të disiplinës fiskale dhe ruajtje të stabilitetit makroekonomik, në një kohë kur ekonomitë europiane përballeshin me presione të forta inflacioniste dhe fiskale.
Në të njëjtën periudhë, Shqipëria doli nga lista gri për pastrimin e parave, ndërsa u ndërmorën hapa konkretë për mbylljen e disa kontratave koncesionare, në funksion të uljes së rreziqeve fiskale dhe rritjes së transparencës në financat publike.
Më herët, Mete ka drejtuar Autoritetin e Mbikëqyrjes Financiare, institucion përgjegjës për mbikëqyrjen e tregjeve financiare jobankare. Në këtë rol, ai ka pasur përgjegjësi edhe për zhvillimin dhe mbikëqyrjen e tregjeve të kapitalit, ku bankat janë aktorë kyç. Gjatë drejtimit të tij, u shënuan një sërë zhvillimesh pozitive në përafrimin e legjislacionit me standardet e Bashkimit Europian, veçanërisht në fushën e fondeve të investimit, tregjet e kapitalit dhe fondet e pensioneve private, duke modernizuar më tej këto tregje.
Përvoja e tij institucionale përfshin gjithashtu bashkëpunimin e vazhdueshëm me Bankën e Shqipërisë, si në aspektin e koordinimit të politikave fiskale dhe monetare, ashtu edhe në ndërtimin e kuadrit rregullator për tregjet financiare.
Në këtë këndvështrim, propozimi i Ervin Metes si anëtar i Këshillit Mbikëqyrës të Bankës së Shqipërisë shihet si një vijimësi e një eksperience të gjatë në politikat fiskale, mbikëqyrjen financiare dhe proceset integruese, me fokus në stabilitetin e sistemit financiar, funksionimin e tregjeve dhe avancimin e mëtejshëm të kuadrit ligjor e rregullator me legjilacionin e BE-së..
Aktualisht pritet që Këshilli Mbikqyrës i Bankës të plotësohet me anëtarë të rinj, tre të propozuar nga Kuvendi dhe tre nga Qeveria.
Këtë javë Banka njoftoi se e shtyu vendimarrjen e politikës monetare për shkak se Këshilli Mbikqyrës nuk është i plotë.
V E N D I M
PËR
PROPOZIMIN KUVENDIT TË REPUBLIKËS SË SHQIPËRISË TË DY ANËTARËVE PËR KËSHILLIN MBIKËQYRËS TË BANKËS SË SHQIPËRISË
Në mbështetje të nenit 100 të Kushtetutës dhe të shkronjës “b”, të pikës 2, të nenit 44, të ligjit nr.8269, datë 23.12.1997, “Për Bankën e Shqipërisë”, të ndryshuar, me propozimin e Kryeministrit, Këshilli i Ministrave
V E N D O S I:
Propozimin Kuvendit të Republikës së Shqipërisë të dy anëtarëve për Këshillin Mbikëqyrës të Bankës së Shqipërisë, si më poshtë vijon:
– Znj. Jonida Prifti;
– Z. Ervin Mete.
Ky vendim hyn në fuqi menjëherë dhe botohet në “Fletoren zyrtare”.
K R Y E M I N I S T R I
EDI RAMA
VKM, qeveria “rrit” pagat e Presidentit, Gjyqësorit, Gardës, Policisë, Burgjeve dhe Shëndetësisë (VENDIMET)
Në mbledhjen e saj të sotme qeveria ka marrë disa vendime për ndërhyrjet në paga. Është vendosur indeksimi i Pagës së Presidentit të Republikës me 2,5%, duke......
Sa kushton të certifikohesh për në Europë? - Pilku: Standardet e prodhimit dhe të përpunimit, një nga sifdat e BE
Standardet e prodhimit dhe të përpunimit po bëhen gjithnjë e më vendimtare për bizneset bujqësore që synojnë tregun europian. Certifikimi i produkteve......
Qendrat e të dhënave në Shqipëri - Sfida për energjinë elektrike, nga rritja e kapaciteteve prodhuese te investimet në rrjet
Teksa një kompani izraelite synon të ndërtojë qendrën e parë të të dhënave në Shqipëri, vëmendja për këtë investim përqëndrohet edhe te energjia elektrike.......
Punimet në segmentin Librazhd-Përrenjas/ ARRSH: Tashmë qarkullimi kryhet normalisht
Autoriteti Rrugor Shqiptar njofton se kanë përfunduar punimet në segmentin Librazhd-Përrenjas, në fshatin Dragostunjë, ku tashmë qarkullimi kryhet......
Harta e kursimeve bankare në Shqipëri - Tirana “pa rival”, mban gati gjysmën e depozitave kombëtare në 2025. Durrësi, i dyti
Tirana vijon të kryesojë bindshëm listën e qarqeve me nivelin më të lartë të kursimeve bankare, ndërsa Lezha, Shkodra, Elbasani dhe Korça mbeten ndër qarqet......
Qeveria miraton amnistinë penale - 447 persona lirohen menjëherë nga burgu. Ulet dënimi për 853 të dënuar
Në mbledhjen e sotme Këshilli i Ministrave miratoi projektligjin për amnistinë penale, që parashikon lirim të menjëhershëm nga burgu për 447 persona dhe ulje......
Të huajt, kërcënim për punësimin vendas? Sipas SecuriMeter, 41% e shqiptarëve ndihen të rrezikuar nga punonjësit nga jashtë
Vitet e fundit, edhe rajoni i Ballkanit Perëndimor ka parë një prani të shtuar të të huajve, kryesisht për arsye punësimi, por edhe për qëllime të tjera në......
Vetëm 33% e kompanive, të informuara për reformat - Ku duhet të kërkojnë “ndihmë” bizneset shqiptare për t’u përshtatur me BE-në?
“Ministria e Ekonomisë është angazhuar në mënyrë aktive, me planin e sensibilizimit dhe të informimit të bizneseve lidhur me procesin dhe lidhur me çfarë......
