Nis shtrenjtimi i cigareve - Rritet akciza me 250 lekë/kg, qeveria parashikon skemë të re taksimi
Cigaret do të kushtojnë më shtrenjtë për duhanpirësit për gjatë këtij viti. Bazuar në kalendarin e akcizës të miratuar nga Ministria e Financave, edhe këtë fillim vit ka nisur të reflektohet rritja e çmimit të paketave në dyqanet e pakicës për disa marka dhe të tjerat pritet ti rrisin në vijim. Deri më tani rritja është mesatarisht 10 lekë për paketë.
Njoftimi për vendosjen e çmimeve maksimale të shitjes është bërë edhe në Drejtorinë e Përgjithshme të Tatimeve nga disa kompani, për shkak të detyrimit që rrjedh nga ligji për Tatimin mbi Vlerën e Shtuar. Aktualisht paketa më e shtrenjtë në treg shitet me çmimin maksimal 500 lekë.
Referuar të dhënave të Ministrisë së Financave, importi i cigares ka një rënie në 11 mujor në raport me të njëjtën periudhë të vitit të kaluar, duke u regjistruar një sasi prej 2844 ton të importuara përgjatë Janar-Nëntor, nga 2924 ton që regjistron e njëjta periudhë e një viti më parë, por ka një rritje të lehtë përgjatë muajt Nëntor në krahasim me Nëntorin 2023, muaj në të cilin u importuan 274 ton cigare.
Për duhanin aplikohet një kalendar i caktuar për rritjen progresive të akcizës deri në vitin 2026 që parashikon rritje mesatarisht 250 lekë për kg çdo vit, duke arritur çmimin prej 7500 lekë/1000 fije duke filluar nga 1 janari 2025 dhe 7750 lekë/1000 fije duke filluar nga 1 janari 2026. Synimi është dekurajomi i duhanpirjes.
Nga ana tjetër qeveria parashikon të rrisë edhe më tej taksën e akcizës për produktet e duhanit. Referuar strategjisë afatmesme të të ardhurave 2024-2027, në vendin tonë për disa mallra të akcizueshme sikurse janë duhanet, nuk aplikohet skema e kombinuar e taksimit që përfshin edhe një tarifë specifike akcize për njësi produkti, por edhe një tarifë me përqindje akcize mbi çmimin e shitjes së produktit. Kjo skemë e kombinuar aplikohet në disa vende. Për këtë arsye, strategjia parashikon që më vitet në vijim, pas përfundimit të kalendarit të rritjes së akcizës 2022-2026, do dizenjohet kalendari i ri i cili do marrë në konsideratë skemën e taksimit që kombinon sistemin me kuotë fikse me atë të vlerës.
Direktiva e BE-së parashikon që niveli i akcizës duhet të jetë jo më i ulët se 90 Euro/1000 fije.
Të ardhurat në buxhet nga akciza e duhanit, listohen si zëri i dytë me peshën më të madhe në të ardhurat totale doganore, pas karburanteve.
Sondazh
Sa këmbehen sot valutat e huaja?
Dollari amerikan ka regjistruar ulje të vlerës mëngjesin e sotëm pasi është blerë sot me 93.6 lekë dhe është shitur me 94.6 lekë në raport me dje. Sipas......
Rriten lehtë yield-et e bonove 12-mujore/ Viti 2024 mbyllet me një normë mesatare 2.76%
Bonot e Thesarit, si një nga instrumentet kryesore të borxhit të brendshëm të qeverisë, e mbyllën vitin 2024 me një rritje të lehtë të yield-it mesatar.......
Justin Trudeau jep dorëheqjen si kryeministër i Kanadasë!
Justin Trudeau dha dorëheqjen si kryeministër i Kanadasë të hënën në mes të një krize në qeverinë e tij dhe vlerësimeve të ulëta të sondazheve. Ai gjithashtu......
Kryeqytetit i shtohet instalacioni “Tirana Moons” - Fondi 38 milionë lekë për një hapësirë inovative
Bashkia Tiranë ka shpallur hapjen e tenderit për instalacionin “Tirana Mooons”. Fondi limit i përllogaritur i këtij projekti është 38 milionë e 909 mijë......
19 mln dërgesa me postë në 9 muaj - AKEP: Shqiptarët e përdorën më shumë shërbimin postar në 2024
Shqiptarët kanë dërguar me postë rreth 6.6 milion objekte në tremujorin e tretë 2024. Të dhënat nga Autoriteti i Komunikimeve Elektronike dhe Postare......
Era, burimi kryesor i energjisë elektrike në Britani - Përbën 29% të prodhimit total. Gazi, në nivelin më të ulët të dekadës
Turbinat me erë të Mbretërisë së Bashkuar kanë tejkaluar impiantet e gazit për herë të parë si burimi numër një i energjisë elektrike në vend, megjithëse ato......
Unaza e Madhe, periferia e Tiranës pret përfitimet-Ekspertët: Ka filluar të ndihet efekti në çmimet e pronave
Hapja e Unazës së Madhe të Tiranës ka prekur edhe tregun imobiliar në kryeqytet. Për shkak të aksesimit të thjeshtë, në zonat ku kalon projekti......
Unaza e Madhe, shtohen mundësitë, shtrenjtohen pronat - Eksperti: Mjaft individë kanë investuar më herët në zonat përreth
Përmirësimi i infrastrukturës ka një ndikim të drejtpërdrejtë dhe të rëndësishëm në zhvillimin e pronave përreth. Hapja e veprave infrastrukturore, si në......
