Nis prodhimi i fletëve të votimit për diasporën - Celibashi: Zarfi zgjedhor do t’u dërgohet personalisht zgjedhësve
Për të gjithë zgjedhësit nga jashtë, të cilët janë regjistruar për të votuar më 11 maj, Kryekomisioneri i Komisionit Qëndror të Zgjedhjeve, Ilirjan Celibashi, theksoi se brenda datës 8 prill, fletët e votimit për ta do të printohen nga një kompani sllovene. Ndërsa, dërgimi i tyre do të bëhët brenda datës 17 prill.
“Ka filluar procesi i printimit të fletëve të votimit për votimin jashtë vendit dhe besojmë që midis datave 7-8 Prill do të kemi këtu fletët e votimit. Midis 8-9-10 fillojmë përgatitjen e zarfave dhe dokumentacionin që do t’u dërgohet votuesve, duke shpresuar që ky proces të realizohet brenda datës 15-17 Prill. Kohë e mjaftueshme sipas parashikimeve kontraktuale që do të kemi me operatorin e shërbimit postar për të dërguar zarfat, për t’i dhënë kohë rreth 3-4 ditë për të plotësuar fletën e votimit dhe koha për t’u kthyer në KQZ deri në 19:00 të datës 11 Maj. Jemi duke përfunduar një tutorial për gjithë sa duhet të bëjë votuesi nga jashtë dhe me brenda 2-3 ditëve do të bëhet publike nëpërmjet mediave por edhe rrjeteve sociale. Po ndërtojmë një sistem të ndihmës dhe këshillimit për votuesit nga jashtë nëse kanë nevojë për sqarime për procedurat e votimit. Në setin e dokumentacionit, që do t’u dërgojmë do të jetë edhe një udhëzues që sqaron qartësisht se çfarë duhet të bëjë votuesi nga jashtë.”
Ndërkohë, për procesin e votimit brenda vendit, kryekomisioneri njoftoi se tashmë ka nisur rekrutimi i operatorëve të përdorimit të pajisjes së votimit elektronik.
“Sa i përket votimit brenda vendit, ajo që vlerësojmë më të rëndësishme për momentin është me fillimin e procesit të rekrutimit të operatorëve të përdorimit të pajisjes së votimit elektronik. Ky proces ka filluar prej disa ditësh, janë 6500 aplikime për operatorë por 5200 qendra votimit. Numri përfundimtar i qendrave të votimit do të dalë pasi drejtoria e përgjithshme e gjendes civile të përcjellë në KQZ ekstraktin e fundit të listës së votuesve brenda vendit. Kemi përgatitur një program të trajtimit të trajnimit të operatorëve. Ndërkohë jemi në procesin e përgatitjes teknike të këtyre pajisjeve.”
Procesi i votimit elektronik ka nisur përgatitjen dhe sipas Celibashit brenda 2 javëve do të vendosen në disa pika në njësinë administrative 10 të bashkisë së Tiranës si dhe bashkinë e Vorës.
Sondazh
Shqiptarët vishen me “Armani” e “Prada” të falsifikuara - Doganat heqin nga qarkullimi rreth 41 mijë veshje të kopjuara
Askujt nuk i bën çudi në Shqipëri që të shohë të veshur qytetarë në rrugë me marka luksoze veshjesh të cilat kushtojnë qindra mijëra euro, edhe pse paga......
“Tarifat, më pak produktive se projeksionet e SHBA” - Ekonomistët paralajmërojnë efektet negative të politikës tarifore
Presidenti amerikan Donald Trump thotë se tarifat do ta pasurojnë SHBA-në. Por këto pasuri priten të jenë shumë më pak sesa projeksionet e Shtëpisë së......
Pse Elon Musk bashkoi kompanitë e tij të AI dhe X në një të vetme? Çfarë do të thotë kjo për të dhënat tuaja!
Blerja nga vetë Elon Musk të kompanisë së tij të inteligjencës artificiale (AI) xAI dhe platformës së mediave sociale X (ish Twitter) është shenja më e......
Vendet e NATO-s nisin stërvitjen vjetore ushtarake në Detin e Zi – Forcat shqiptare mes tyre!
Personeli ushtarak nga 12 vende të NATO-s filloi një stërvitje detare vjetore të udhëhequr nga Rumania në detin e Zi dhe deltën e lumit Danub këtë javë. Mbi......
Nga ari i bardhë te nafta e re – Pse pasuria minerale e Groenlandës është në qendër të vëmendjes?!
Kryeministrja daneze Mette Frederiksen do të vizitojë Groenlandën të mërkurën, ndërsa marrëdhëniet diplomatike midis Uashingtonit dhe Danimarkës po thellohen......
Rritje e përgjithshme në tregun valutor – Forcohen valutat kryesore!
Dollari amerikan ka fituar sërish pikë këtë mëngjes në raport me ditën e djeshme duke u blerë sot me 91.2 lekë dhe duke u shitur me 92.2 lekë sipas kursit të......
Rreth 2.7 mld euro për pushime jashtë vendit - BSH: Shqiptarët, 17.4% më shumë shpenzime në 2024
Shqiptarët kanë shpenzuar 2.7 miliardë euro për udhëtime jashtë vendit në vitin 2024. Të dhënat më të fundit nga Banka e Shqipërisë tregojnë se udhëtarët......
Siguria ushqimore, paralajmërohet shkrirja e AKU - Hedhja në treg e mishit të pulës me salmonelë, shpejton procesin
Rasti më i fundit i hedhjes në treg të një sasie të konsiderueshme të mishit të pulës me salmonelë ka vënë në pikëpyetje të ardhmen e autoritetit kombëatr të......
