Nga ndihma ekonomike, tek integrimi në punë - Riformatohet skema sociale. Mbështetje me punësim për familjet në nevojë
Në prioritetet e buxhetit afatmesëm 2026- 2028, në fushën e mbrojtjes sociale synohet që numri i familjeve dhe individëve në nevojë që pritet të përfitojnë nga skema e ndihmës ekonomike parashikohet të ulet në 59.000 përfitues në vit për vitin 2028, ndërsa për vitet 2026-2027 parashikohet të ulet me 1000 familje, ku synohet punësimi i anëtarëve në moshë pune të familjeve përfituese.
Numri i përfituesve i kujdestarëve të tyre parashikohet të shkojë në 98 mijë përfitues në vitin 2028 nga 94 mijë përfitues në vitin 2026, në zbatim të skemës së re të vlerësimit të aftësisë së kufizuar, ku synohet krijimi i një sistemi shërbimesh integruese, të cilat kombinojnë pagesat me shërbimet e përkujdesit social. Do t’u sigurohet mbështetje dhe personave nga grupet e pafavorizuara përmes punësimit në ndërmarrjet sociale, ku synohet të punësohen mesatarisht 150 persona çdo vit, me qëllim integrimin në tregun e punës të kategorive të ndryshme të grupeve të pafavorizuara nga pikëpamja sociale dhe ekonomike me një fond mesatarisht prej 80 milionë lekë përgjatë periudhës 2026-2028.
Referuar dokumentit, rritja e numrit të personave të punësuar në ndërmarrjet sociale ne raport me numrin e anëtarëve në moshë pune në skemën e ndihmës ekonomike synohet të rritet në 5% në vitin 2028.
Po kështu, si prioritet i qeverisë do të mbështetet fondi social për njësitë e vetëqeverisjes vendore për ofrimin e shërbimeve të reja sociale territoriale për grupet në nevojë dhe mbështetjen e familjeve me paketa sociale shëndetësore, duke synuar ofrimin e 95- 115 shërbime në bashkitë e vendit, me një fond mesatarisht prej 400-450 milion lekë përgjatë periudhës 2026-2028. Po kështu, parashikohet të përfitojnë 61 njësi të vetëqeverisjes vendore në vitin 2027 nga 43 NJVQVV që parashikohen të përfitojnë në vitin 2025.
Në programin buxhetor afatmesëm 2026- 2028, theksohet se do të financohet politika për mbrojtjen e veçantë nga shteti për gratë e papuna, me tre apo me shumë fëmijë të moshës deri në 18 vjeç, ku njëri prej fëmijëve është nën moshën 5 vjeç dhe familja ka të ardhura nën 100.000 lekë në muaj. Periudha e kujdesit ndaj fëmijës deri në moshën 5-vjeçare njihet si periudhë sigurimi, për efekt përfitimi pensioni pleqërie dhe barrëlindjeje, duke synuar të përfitojnë 8.700 gra në vitin 2028 nga 8.300 gra që janë parashikuar në vitin 2025, me një fond mesatarisht rreth 850 milion lekë përgjatë periudhës 2026-2028.
Gjithashtu synohet, rritja e grave dhe vajzave në nevojë te riintegruara pas trajtimit në institucionet e përkujdesit social në 55 gra dhe vajza në vitin 2028 nga 47 gra/vajza që parashikohen në vitin 2025.
Rama: Forcojmë me ligj rolin e arkitektit, jo më ujë dhe drita për ndërtimet pa leje!
Kryeministri Edi Rama zhvilloi sot një takim me kryetarët e bashkive për performancën e pushtetit vendor në funksion të vizionit “Shqipëria 2030” në......
AIPS “lëviz” 2.9 miliardë euro në 6 muaj/ Rreth 22% më shumë transferta në monedhën europiane se në 2024
Sistemi AIPS-EURO po konfirmon gjithnjë e më shumë pozicionin e tij si një kanal strategjik për transfertat e mëdha në euro në Shqipëri. Sipas të dhënave......
‘Mbi 560 mijë vizitorë në sitet kulturore’ - Gonxhja: 74% rritje krahasuar me vitin 2023!
Ministri i Ekonomisë, Kulturës dhe Inovacionit, Blendi Gonxhja, bëri publike sot statistikat e vizitueshmërisë së siteve kulturore në gjysmën e parë të......
Caktohet autoriteti për gjurmueshmërinë e kanabisit mjekësor dhe industrial!
Këshilli i Ministrave ka miratuar vendimin për përcaktimin e autoritetit të autorizuar që do të realizojë procesin e shenjimit dhe gjurmueshmërisë së bimës......
Projekti Qafë Plloçë-hyrja e Pogradecit/ Qeveria miraton shpronësimet rreth zonës!
Këshilli i Ministrave miratoi sot shpronësimin për interes publik të pronarëve të pasurive të paluajtshme që preken nga realizimi i projektit “sistemim,......
Tarifat ndaj Brazilit “rëndojnë” mbi amerikanët - Pritet rritje e çmimeve të kafesë dhe lëngut të portokallit në SHBA
Konsumatorët amerikanë do të përballen me rritje të ndjeshme të çmimeve të produkteve ushqimore si kafeja dhe lëngu i portokallit, nëse administrata Trump i......
Më shumë liri për shpenzimet e mbrojtjes! - 15 shtete të BE-së lejohen të “devijojnë” nga rregullat për të forcuar ushtrinë
Ministrat e financave të BE-së u dhanë 15 shteteve anëtare të drejtën për të devijuar nga rregullat fiskale të bllokut, në mënyrë që të rrisin masivisht......
Trump, tarifa 35% për importet nga Kanadaja - Shkak, rritja e trafikut të fentanilit dhe praktikat tregtare të “padrejta”
Presidenti i Shteteve të Bashkuara, Donald Trump, njoftoi një tarifë prej 35 përqind për importet nga Kanadaja duke filluar nga 1 gushti. Trump postoi një......
