Nga modeli i lirë, tek produktet Premium - “Made in Albania”, 3 shtyllat e transformimit të eksporteve
Eksportuesit shqiptarë po vijojnë të përballen me humbje të mëdha për shkak të zhvlerësimit të euros, të cilat vlerësohen në rreth 15–25% të të ardhurave për shumë biznese, ndërsa nga ana tjetër kostot në lekë vazhdojnë të rriten.
Referuar një analize të bërë nga ALTAX, për të ndihmuar eksportuesit dhe fuqizuar markën “Made in Albania”, sugjerohet hartimi me urgjencë i një Strategjie Kombëtare për Eksportet 2026–2036. Në analizë sugjerohet kalimi nga modeli i lirë dhe i thjeshtë në produkte premium, ndërtim të markës 'Made in Albania', diversifikim tregjesh dhe mbështetje reale për eksportuesit.
Konkretisht sugjerohet që strategjia të përqendrohet në tre shtylla kryesore.
Sipas analizës, shtylla e parë e një strategjie kombëtare për eksportet duhet të jetë ndërtimi i një arkitekture financiare gjithëpërfshirëse, që nuk synon vetëm zbutjen e humbjeve të menjëhershme nga luhatjet valutore, por gjithashtu fortifikon bazën strukturore të sektorit prodhues. Një ndër metodat janë “kontratat forward” me bankat vendase, të cilat i mundësojnë eksportuesit të fiksojnë kursin e këmbimit për pagesat që do të marrin pas disa muajsh. Me këtë mekanizëm, forcohet likuiditeti dhe shmang rrezikun strukturor, duke e bërë sektorin e eksporteve shumë më pak vulnerabël dhe më pak të kërcënuar për qëndrueshmërinë e financave të tij.
Por paralelisht sugjerohet marrja e masa të synuara dhe të drejtpërdrejta, siç janë lehtësitë tatimore për ata eksportues që zgjedhin të investojnë në teknologji dhe automatizim, duke i bërë kompanitë më konkurruese dhe më rezistente ndaj presioneve të kursit; kredi të favorshme në lekë, me norma të ulëta preferenciale, që reduktojnë koston e kapitalit; por dhe subvencione për certifikime dhe standarde europiane, si ISO apo CE, që fuqizojnë markën shqiptare në tregjet ndërkombëtare, duke e bërë të njohur për cilësi dhe besueshmëri.
Shtylla e dytë fokusohet në politike rregullatore, me qëllim transformimin nga mbrojtje pasive drejt produktivitetit aktiv. Në këtë pikë sugjerohet reduktimi i kostove administrative, thjeshtim i procedurave administrative dhe kalimi nga modeli klasik me kosto të ulët i prodhimit drejt produkteve premium, përmes prodhimeve me vlerë të shtuar dhe certifikimeve europiane.
Shtylla e tretë është integrimi në BE dhe shndërrimi i aksesit në fondet e BE-së si IPAIII apo Planin e Rritjes si një mundësi për të rindërtuar modelin e eksporteve shqiptare dhe shndërrimin e sfidave valutore në një avantazh strategjik.
Për të ndërtuar këtë strategji propozohet krijimi i Këshillit Kombëtar për Politikat e Eksportit i cili të përfshijë si aktorë qeverinë, Bankën e Shqipërisë dhe Eksportuesit.
Dogana Shqiptare: Nis zyrtarisht implementimi i Sistemit Dritarja e Vetme Kombëtare!
Në ambientet e Drejtorisë së Përgjithshme të Doganave u zhvillua takimi zyrtar hapës për fillimin e implementimit të Sistemit Dritarja e Vetme Kombëtare –......
Huatë e këqija, në 18-të vite ranë poshtë nivelit 4%/ Treguesi i kredive me probleme mbetet në nivele të shëndetshme
Raporti i kredive me probleme në sistemin bankar shqiptar zbriti në 3.8% në fund të vitit 2025, duke shënuar nivelin më të ulët të regjistruar që prej muajit......
Fondi Social do të financojë 14 shërbime të reja - Rama: Sot mbështeten në mënyrë të organizuar rreth 65 mijë individë
Ministria e Shëndetësisë dhe Mirëqenies Sociale, prezantoi 14 shërbime të reja sociale të dedikuara për fëmijët dhe nënat në nevojë, fëmijët dhe të rriturit......
Kredi me 2% interes dhe 70% kolateral të mbuluar - Kush përfiton nga instrumenti i Garancisë Sovrane në bujqësi?
Fermerëve dhe agrobizneseve të cilët kanë një plan investimi në bujqësi, blegtori, agropërpunim, mekanizimin e bujqësisë, turizëm rural dhe akuakulturë......
Kursi i këmbimit/ Çfarë po ndodh me Dollarin amerikan?
Dollari amerikan ka vijuar edhe këtë të mërkurë të ndjekë një trend rënës duke regjistruar sërish pikë nga dita e djeshme teksa është blerë sot me 80.5 lekë......
Garancia sovrane në bujqësi, interes të ulët - Financat, Bujqësia dhe BSH, takim me bankat: Orientoni fermerët drejt skemës
Disa muaj pas hapjes së dritës jeshile të garancinë sovrane në bujqësi, ka nisur dhe interesi i biznese agro-përpunuese për të përfituar nga kjo skemë me......
Në Tiranë, 80% e banesave shiten 80 mijë-250 mijë euro/ Dinamika të reja në tregun imobiliar. Por, si ka nisur viti 2026?
Sipas studimit të Investropa, bazuar në të dhënat e mbledhura nga burime autoritative si Banka e Shqipërisë dhe INSTAT, çmimi mesatar i një shtëpie në Tiranë......
Vendimet e legalizimit tashmë online në e-Albania - ASHK: Procedurë e shpejtë drejt titullit të pronësisë
Agjencia Shtetërore e Kadastrës njofton se vendimet për legalizimin e ndërtimeve informale do t’u dërgohen qytetarëve drejtpërdrejt në profilin e tyre në......
