Nga krimi në shërbim të grupeve vulnerabil/ AAPSK prezanton projektin “PUBLIK” – Një hapësirë arti dhe edukimi në një pronë të konfiskuar
Agjencia e Administrimit të Pasurive të Sekuestruara dhe të Konfiskuara (AAPSK) shpall hapjen e projektit “PUBLIK”, një iniciativë e veçantë që shndërron një hapësirë të konfiskuar nga krimi i organizuar në galeri arti, qendër komunitare dhe hapësirë edukimi artistik e teknologjik. Ky projekt, i pari i këtij lloji në Shqipëri dhe ndër më të veçantët në rajon, është në linjë me filozofinë dhe objektivat e AAPSK për të rikthyer në dobi të publikut pasuritë e krimit.
Fokusi i projektit shkon përtej artdashësve. PUBLIK i kushtohet veçanërisht grupeve më vulnerabël të shoqërisë – fëmijëve të policëve të rënë në detyrë, grave viktima të dhunës dhe trafikimit, të rinjve të ekspozuar ndaj kulturës incel, personave me aftësi ndryshe dhe komuniteteve të margjinalizuara. Çdo artist që ekspozon në PUBLIK angazhohet njëkohësisht në punë krijuese me një kategori vulnerabël, duke e kthyer artin në mjet fuqizues dhe shërues.
Në partneritet me Ministrinë e Arsimit, projekti do të ofrojë gjithashtu programe edukative për shkollat, duke integruar artin në përvojën e hershme të fëmijëve dhe duke ndërtuar ura të reja mes edukimit dhe kulturës.
Kryeadministratorja e AAPSK, Risena Xhaja, me nënshkrimin e marrëveshjes me drejtuesit e projektit, theksoi rëndësinë e këtij transformimi:
“Ky projekt është një tjetër shembull domethënës i misionit tonë – të kthejmë pasuritë e konfiskuara nga krimi në shërbim të qytetarëve. Kjo është një nismë e veçantë, pasi bashkon artin me përfshirjen dhe integrimin e grupeve vulnerabël të shoqërisë dhe është projekti i parë i këtij lloji që implementohet në Shqipëri.”
Hapja e parë e PUBLIK do të zhvillohet në tetor 2025, nën drejtimin e artistes Blerta Kambo, me një ekspozitë dhe aktivitete të dedikuara për komunitetin. Projekti është konceptuar si një nismë afatgjatë, që synon të zgjerohet edhe në qytete të tjera të Shqipërisë, duke e kthyer përdorimin social të pasurive të konfiskuara në një instrument të fuqishëm transformimi dhe emancipimi shoqëror.
Kryeministri i ri francez përballet me protesta masive - Lecornu merr detyrën mes thirrjeve për bllokimin e rrugëve, aeroporteve
Kryeministri i ri i Francës, Sébastien Lecornu, po përballet me një krizë të menjëhershme politike dhe shoqërore, pasi protesta të mëdha janë paralajmëruar......
“Protestat e dhunshme, ndikim në ekonominë serbe” - Ministri i Financave: Investitorët po largohen, qytetarët shpenzojnë më pak
Skenat e dhunshme në Serbi gjatë dhjetë muajve të fundit kanë pasur një ndikim "jo të vogël" në ekonominë kombëtare, deklraoi Ministri serb i Financave,......
Nga karburanti, drejt së gjelbrës - Janar-Gusht 2025, rritet me 78% numri i mjeteve elektrike
Shqipëria po përjeton një rritje të ndjeshme të përdorimit të mjeteve green. Drejtoria e Përgjithshme e Shërbimeve të Transportit Rrugor, bën me dije se për......
Central “gjigand” eolik në Tropojë - Detajet e projektit 1.2 mld euro, 100 turbina ere me kapacitet 636 MW
Një nga parqet më të mëdhenj eolikë në Evropë pritet të ndërtohet në Tropojë, sipas deklaratave të një dite më parë nga ministrja e Infrastrukturës dhe......
‘Bujqësia 2030’/ Denaj: Tre instrumente financimi për fermerët, agropërpunuesit dhe agroturizmin!
Ministrja e Bujqësisë dhe Zhvillimit Rural, Anila Denaj, deklaroi se fermerët, agropërpunuesit dhe sipërmarrësit në fushën e agroturizmit kanë tashmë akses......
Trump, thirrje BE-së - I kërkon bllokut të vendosë tarifa 100% ndaj Kinës dhe Indisë
Presidenti i Shteteve të Bashkuara, Donald Trump, i ka kërkuar Bashkimit Evropian të vendosë tarifa deri në 100% ndaj Kinës dhe Indisë për shkak të blerjeve......
“Kosova në kufi të varfërisë energjetike” - Për shkak të rritjes së çmimit. Studimi i INDEP: Rikthim pas në vitin 2007
“Kosova është në kufi të varfërisë energjetike, për shkak të shtrenjtimit të rrymës”, vlerësoi një studim i fundit i Institutit për Politika Zhvillimore......
Kursi i këmbimit/ Forcohen Dollari dhe Paundi. Franga humbet pikë!
Dollari amerikan ka rikuperuar disi këtë mëngjes duke regjistruar rritje të lehtë të kuotës teksa është blerë sot me 82.3 lekë dhe është shitur me 83.7 lekë......
