Nga dallon Banka e Zhvillimit prej shoqërive të tjera tregtare? - Do të raportojë direkt në BSH. Këshilli Mbikëqyrës, i pavarur nga shteti
Pas mbylljes së procesit të konsultimit publik, projektligji për Bankën e Zhvillimit është depozituar në Kuvendin e Shqipërisë me disa shtesa dhe ndryshime të reja. Por, cilat janë këto ndryshime?
Fillimisht, në projektligj jepen më tepër detaje mbi marrëdhënien që do të ketë Banka e Zhvillimit me Bankën e Shqipërisë. Qytetarët mund të hapin depozita në Bankën e Zhvillimit, përmes kalimit të kursimeve të tyre në Postën Shqiptare. Pavarësisht se Posta Shqiptare ka vite që operon në treg, për të garantuar sigurinë e kursimeve të qytetarëve dhe besueshmërinë e këtyre të fundit, aktiviteti i mbledhjes së produkteve të kursimit nga Posta Shqiptare, do të mbikëqyret nga Banka e Shqipërisë. Kursimet e shqiptarëve në depozita do të përdoren për financimin e projekteve zhvillimore dhe të infrastrukturës.
Banka Shqiptare e Zhvillimit do të raportojë te Banka e Shqipërisë për qëllime statistikore dhe për regjistrin e kredive. Megjithatë, mbikëqyrja e Bankës së Shqipërisë do të rregullohet së shpejti me një rregullore të posaçme.
Për sa i përket raportit me bankat tregtare, veprimtaria e Bankës së Zhvillimit do të rregullohet përmes një ligji të posaçëm dhe jo përmes ligjit ekzistues për bankat. Kjo për arsye se Banka e Zhvillimit nuk ka të njëjtin rol si një bankë tregtare, sepse nuk konkurron në tregun financiar, por mbështet projekte të politikës ekonomike dhe publike, nuk ka për qëllim fitimin, por financimin e zhvillimit ekonomik në sektorë të nënfinancuar dhe ka një mandat të veçantë zhvillimor.
Gjithashtu, Banka Shqiptare e Zhvillimit nuk do të përfshijë edhe disa pika të ligjit për shoqëritë tregtare. Përdorimi i modelit të shoqërisë tregtare do ta bënte bankën të varur nga vendimmarrja e qeverisë, duke e ekspozuar ndaj ndikimit politik afatshkurtër, që mund të ndryshojë drejtimin strategjik të bankës, vendimmarrjes jo të qëndrueshme, për shkak të ndryshimeve në qeveri, paaftësisë për të funksionuar me pavarësi profesionale, pasi bordi do të ishte i detyruar të ndjekë interesat e aksionarit shtetëror.
Në të njëjtën mënyrë, me përjashtimin e caktuar në ligjin e posaçëm, Banka Shqiptare e Zhvillimit ka nevojë për një model qeverisës të veçantë, ku Këshilli Mbikëqyrës ka pavarësi nga aksionari (pra shteti), vendimet e Bankës bazohen në një plan afatgjatë zhvillimor, jo në ndryshime të shpejta politike, siç ka ndodhur në rastin e Bankës së Serbisë, e cila shkoi drejt falimentimit.
Në këtë kontekst, edhe pse Banka e Zhvillimit ka formën juridike të një shoqërie aksionare, aktiviteti i saj financiar dhe modeli i saj operacional dallohen nga shoqëritë aksionare të zakonshme. Duke qenë se Banka Shqiptare e Zhvillimit luan një rol strategjik në financimin e zhvillimit ekonomik, kërkohet një qasje më e rreptë rregullatore sesa një shoqëri aksionare e zakonshme.
Banka e Zhvillimit do të mund të emetojë instrumente financiare, si obligacionet e zhvillimit ose garancitë shtetërore, për të siguruar burime shtesë financimi për projekte strategjike. Ajo nuk synon të kryejë emetimin e titujve të borxhit përmes ofertës publike. Po ashtu, depozitat nuk do t'i nënshtrohen kërkesave të ligjit për tregjet e kapitalit.
Sondazh
Kinë, tkurren importet në 2025 - Ndikimi i tarifave të Trump në tregun kinez
Importet e Kinës u tkurrën papritur gjatë periudhës janar-shkurt, ndërsa eksportet humbën vrullin, pasi presionet tarifore nga Shtetet e Bashkuara hodhën një......
“Faturë energjie 87.4% më e ulët” - Skema, shteti do mbulojë 50% të kostove për rinovimin e apartamenteve me eficiencë energjetike
50% e kostove për rinovimin e një apartamenti sipas parimeve të eficiencës së energjisë do të mbulohen nga shteti. Kjo është një prej skemave mbështetëse të......
Kreditë me probleme bien sërish/ Pranë nivelit më të ulët historik. Treguesi për Janarin fiksohet në 4.12%
Norma e huave me probleme, një prej treguesve më të rëndësishëm të shëndetit financiar bankar ka pësuar një rënie të mëtejshme gjatë muajit të parë të vitit,......
Kaos në aeroportet gjermane – Anulohen mbi 1 mijë udhëtime si pasojë e grevës së punonjësve!
Një grevë njëditore e punëtorëve në 13 aeroporte gjermane, duke përfshirë qendrat e Frankfurtit dhe Mynihut dhe të gjitha destinacionet e tjera kryesore të......
Kanada, Carney fiton garën për kryeministër - Ish-kreu i Bankës Qendrore do të zëvendësojë Trudeau
Ish-bankieri qendror Mark Carney fitoi garën për t'u bërë lider i Partisë Liberale në pushtet në Kanada dhe do të pasojë Justin Trudeau si kryeministër,......
Si ka nisur kjo javë për valutat kryesore?
Dollari amerikan është blerë sot me 91.3 lekë dhe është shitur me 92.2 lekë duke e nisur javën në kuota të luhatura sipas kursit të këmbimit lokal. Monedha......
Ndërron jetë në moshën 53-vjeçare Andis Harasani
Andis Harasani, ish-deputet i Kuvendit të Shqipërisë dhe një nga figurat e njohura të politikës dhe sektorit energjetik, ka ndërruar jetë në moshën 53......
Femrat, më të rrezikuara nga varfëria-Rritet edhe pabarazia gjinore në paga. Meshkujt paguhen 7% më shumë
INSTAT ka publikuar para disa kohësh të dhënat për sa i përket nivelit të jetesës dhe rrezikut për të qenë të varfër. Këto statistika tregojnë qartë se në......
