Ndryshon harta, cilat janë bashkitë më “borxhlije? - Stoku i detyrimeve ndaj bizneseve dhe qytetarëve arrin në 33 milionë euro
Pushteti vendor rezulton me një stok detyrimesh ndaj bizneseve dhe qytetarëve në vlerën e 3.3 miliardë lekëve apo 33 milionë eurove në fund të Dhjetorit 2024.
Sipas të dhënave të Ministrisë së Financave, ajo që vihet re është se ka një ulje shumë të lehtë të borxheve në raport me shtatorin 2024, por në krahasim me dhjetorin 2023, ecuria ka qenë pozitive, pasi rënia e këtij stoku regjistrohet me afro 15 milionë euro.
Detyrimi i vendosur nga qeveria për shlyerjen e stokut duket se po ecën në rrugën e duhur, pasi tashmë çdo bashki në vend nuk e arrin më vlerën prej 1 miliardë lekësh, që më parë ka qenë e zakonshme.
Të dhënat zyrtare të Ministrisë së Financave, tregojnë se nga totali i detyrimeve të prapambetura ndaj bizneseve dhe qytetarëve 933 milionë lekë janë detyrime të papaguara për investime publike, 528 milionë lekë për shërbime, rreth 380 milionë lekë vendime të gjykatave dhe 1.3 miliardë lekë shpenzime të tjera.
Por a ka ndryshuar renditja e bashkive që kanë më shumë detyrime dhe cilat janë ato që kryesojnë? Referuar listës, vlera e borxheve që kanë bashkitë nuk lidhet domosdoshmërish me sipërfaqen e tyre apo numrin e popullsisë, përveç Bashkisë së Tiranës.
Konkretisht në vendin e parë renditet Bashkia Kavajë, duke lënë pas Tiranën e cila ka kryesuar për një periudhë të gjatë. Kavaja rezulton me një vlerë detyrimesh afro 738 milionë lekë.
Më pas renditet bashkia Tiranë me 570 milionë lekë borxhe, shifra më e ulët e regjistruar ndër vite, ndjekur nga bashkia Pogradec me 238 milionë lekë, më pas vjen bashkia Rrogozhinë me 161 milionë lekë dhe Vorë me 154 milionë lekë, duke ia lënë radhën Dimalit, Dibrës dhe Cerrikut.
Ajo që vihet re është se nga top lista e 5 bashkive me më shumë detyrime krahasuar me Shtatorin 2024, ka zbritur bashkua Lezhë dhe është përmirësuar në renditje Vora.
Ndërsa në fund të listës së bashkive sa i takon vlerës së borxheve renditen bashkitë Malësi e Madhe, Kuçovë, Korçë, Has, dhe Patos.
Bashkitë kanë pasur si detyrim që të dorëzojnë pranë Ministrisë së Financave një plan të detajuar për shlyerjen e stokut të detyrimeve dhe ti përmbahen atij.
Sondazh
Rritja e çmimit të energjisë, Prishtina përgatitet për protesta - ZRRE: Nga data 1 prill energjia elektrike 15 për qind më shtrenjtë
Të shtunën më 5 prill, në Prishtinë do të mbahet protestë kundër rritjes së çmimit të energjisë elektrike. Aktivistë dhe qytetarë kanë lajmëruar se do të......
Kroacia: Nisma ushtarake me Shqipërinë e Kosovën, e hapur për partnerët - “Duan të kontribuojnë në sigurinë e rajonit të Evropës Juglindore”
Nisma e Kosovës, Shqipërisë dhe Kroacisë për bashkëpunim në fushën e sigurisë dhe mbrojtjes, “është e hapur edhe për aleatë e partnerë të Bashkimit Evropian......
Lukashenko betohet për një mandat të shtatë radhazi si president i Bjellorusisë: "Nuk keni të ardhme"!
Alexander Lukashenko është betuar për një mandat të shtatë radhazi si president i Bjellorusisë në një ceremoni në kryeqytetin Minsk. Gjatë ceremonisë,......
Sa këmbehen sot valutat kryesore?
Dollari amerikan ka pasur një rritje të lehtë të vlerës nga dita e djeshme pasi është blerë sot me 91.2 lekë dhe është shitur me 92.3 lekë sipas kursit të......
Lushnje, ministri Malaj: 3-fishuam mbështetjen për bujqësinë, 145 mln euro financime buxhetore
Në një takim me fermerët e Lushnjes ministri i financave Petrit Malaj tha se vitin e fundit ka një rritje të konsiderueshme të financimeve për bujqësinë. ‘Ne......
Borxhi i jashtëm “fryhet” me 139 mln euro - BSH: Ai afatshkurtër, me rënie. Huatë kryesojnë detyrimet afatgjata
Borxhi i jashtëm bruto i Shqipërisë ka arritur në 10,142 milionë euro ose e thënë ndryshe 10.1 miliardë euro. Të dhënat më të fundit nga Banka e Shqipërisë......
Diskutim Shqipëri-Itali mbi marrëdhëniet dypalëshe dhe zhvillimet e fundit ekonomike!
Guvernatori i Bankës së Shqipërisë, Gent Sejko, priti në një takim zyrtar Ambasadorin e ri të Italisë në vendin tonë, SH.T.Z. Marco Alberti, me të cilin......
“Sistem i dobët për monitorimin e ndryshimeve klimatike” - Akademia e Shkencave: Preket çdo sektor, duhen investime për paralajmërimin e hershëm
Studimi i ndryshimeve klimatike në Shqipëri është domosdoshmëri, për shkak të ndikimeve që sjell ndryshimi i motit thuajse në çdo sektor të ekonomisë. Gjatë......
