Shqipëria Postuar më 11 Dhjetor 2024, 10:37

Ndryshojnë rregullat për regjistrimin e bizneseve - Të gjitha procedurat bëhen online. Çdo person ka akses në të dhënat e subjekteve

Nga Elisabeta Dosku

Ndryshojnë rregullat për regjistrimin e bizneseve - Të gjitha

Qeveria ka ndryshuar rregullat për dhënien e shërbimeve ndaj bizneseve, duke bërë që çdo shërbim të mundësohet përmes e-Albania. Referuar vendimit të botuar në Fletoren Zyrtare, të gjitha sportelet fizike të Qendrës Kombëtare të Biznesit, zëvendësohen me portalin “e-Albania”. Aplikimi për regjistrim në Qendrën Kombëtare të Biznesit (QKB) bëhet pranë portalit “e-Albania”.

Referuar vendimit, nëpunësi i autorizuar (regjistruesi) i QKB-së verifikon me hollësi nëse aplikimi dhe dokumentet shoqëruese janë në përputhje me ligjin, e regjistrimit të biznesit, si dhe verifikon veprimet e kryera nga personi i autentifikuar elektronikisht.

Po ashtu, përcaktohet se çdo vendim i QKB-së në lidhje me miratimin, pezullimin apo refuzimin e aplikimit i njoftohet në mënyrë elektronike aplikantit në portalin “e-Albania”, si dhe në faqen zyrtare të QKB-së, jo më vonë se 1 ditë nga data e paraqitjes së aplikimit.

Ndër të tjera në vendim saktësohet se çdo person i interesuar, pa qenë i detyruar  të identifikohet, mund të kryejë kërkime në të dhënat e publikuara nga QKB-ja në faqen zyrtare për çdo të dhënë të regjistruar, me përjashtim të adresës së banimit të individëve. Këto kërkime mund të kryhen elektronikisht në faqen zyrtare të QKB-së.

Çdo person ka të drejtë të marrë, në format  elektronik, ekstrakte për të dhënat e regjistruara të çdo subjekti. Gjithashtu, çdo person mund të marrë, në format shkresor, kopje të dokumenteve shoqëruese, të depozituara në regjistër, kundrejt pagesës së tarifës përkatëse.”

Aplikimi për korrigjimin e gabimit mund të bëhet on-line nga subjekti, të cilit i përkasin të dhënat, nëpërmjet portalit “e-Albania”. Ky vendim vjen në kuadër të reformës së digjitalizimit të shërbimeve për qytetarët dhe bizneseve.

 

Sondazh

Poll

Live TV

Të fundit
Të gjitha lajmet

Më të vizituarat