Ndryshime në ligjin për strehimin social, në konsultim publik/ Garanci Sovrane dhe më shumë banesa sociale, çfarë parashikon projektligji?
Qeveria ka nxjerrë për konsultim publik projektligjin për disa ndryshime në ligjin “Për strehimin social”, me synimin për të modernizuar skemat e mbështetjes dhe për të rritur aksesin e qytetarëve në banesa të përballueshme.
Ndryshimet propozojnë zgjerimin e burimeve të financimit për programet e strehimit social, duke kombinuar fondet publike me investimet private. Një nga risitë është krijimi i projekteve me destinacion të kombinuar, ku në të njëjtin zhvillim do të ndërtohen banesa sociale me qira, banesa me kosto të ulët dhe apartamente për tregun e lirë. Të ardhurat nga shitja e këtyre të fundit do të përdoren për financimin dhe zgjerimin e fondit të banesave sociale.
Projektligji parashikon gjithashtu krijimin e Garancisë Sovrane, një instrument që do të mbështesë kreditë e lehtësuara për blerjen e banesave. Garancia do të mbulojë deri në 30 për qind të vlerës së banesës dhe synon të ulë pengesat për familjet që kanë vështirësi në sigurimin e financimit nga bankat.
Një tjetër ndryshim lidhet me zgjerimin e kategorive përfituese. Rishikimi i kriterit të të ardhurave për banesat me kosto të ulët synon të përfshijë edhe familjet e shtresës së mesme, të cilat, sipas relacionit, nuk kanë mundësi të përballojnë çmimet aktuale të tregut të banesave.
Projektligji krijon gjithashtu bazën ligjore për programe të posaçme të subvencionimit të qirasë për kategori të veçanta, ndërsa rrit rolin e sektorit privat në krijimin e fondit publik të banesave sociale.
Sipas relacionit shoqërues, ndryshimet synojnë të ulin varësinë nga financimi i drejtpërdrejtë i buxhetit të shtetit, të rrisin investimet në sektorin e strehimit dhe të krijojnë një model më të qëndrueshëm për politikat publike të strehimit.
Në vlerësimin financiar, Ministria e Ekonomisë dhe Inovacionit thekson se Garancia Sovrane nuk përbën shpenzim të menjëhershëm buxhetor, por një detyrim potencial që aktivizohet vetëm në rastet e parashikuara. Për rreth 4 mijë e 100 familje përfituese, kostoja e vlerësuar e kësaj garancie llogaritet në rreth 231 milionë lekë.
Fond për eficiencën e energjisë/ Financim i dedikuar për rinovimin e banesave të familjeve në varfëri energjetike
Krijimi i një mekanizmi të dedikuar financimi për përmirësimin e eficiencës së energjisë në banesat e familjeve që jetojnë në varfëri energjetike. Masa......
FIFA anulon planin për shitjen e aksioneve/ Vendimi erdhi pas kundërshtimit të federatave anëtare
Presidenti i FIFA-s, Gianni Infantino, tha të premten se organi qeverisës i futbollit botëror kishte hequr dorë nga planet për të shitur një pjesë të......
Prodhimi bujqësor, kolateral për marrje kredie/ Si do pajisen fermerët me dëftesa tregtare? Ligji hyn në fuqi më 13 Gusht
Nga 13 Gushti hyn në fuqi ligji që u mundëson fermerëve më shumë akses në financim përmes “dëftesave tregtare në bujqësi” si një formë e “fermës me......
Bashkëpunimi ekonomik, ministrja Ibrahimaj fton sipërmarrjen indoneziane të investojë në Shqipëri
Ministrja e Ekonomisë dhe Inovacionit, Delina Ibrahimaj, gjatë vizitës zyrtare në Republikën e Indonezisë, u prit në një takim nga Ministri i Investimeve dhe......
Karakaçi inspekton investimin në Bogë: Rrjeti po përballet me ngarkesë të lartë nga i nxehti
Ministri i Energjisë dhe Infrastrukturës, Enea Karakaçi, ndodhet në Bogë, ku po inspekton investimin për ndërtimin e linjës 35 kV dhe nënstacionit të ri......
Si do ndahet Shqipëria me hartën e re? Mazniku: Skemë e re qeverisëse për bashkitë. Rrisim cilësinë e shërbimeve
Mazhoranca propozon që Shqipëria të ndahet në 46 bashki nga 61 që është aktualisht. Bashkënënkryetari i Komisionit Parlamentar për Reformën......
Bialczak: "Ëndrra amerikane" mund të ndërtohet edhe online/ Nga piceritë, te kompanitë e AI. Si po transformohet sipërmarrja shqiptare në SHBA
Shqiptarët në botë nuk janë më vetëm pjesë e tregut të punës, por gjithnjë e më shumë po shndërrohen në krijues biznesesh dhe investitorë. Nga restorantet e......
“Pakënaqësi të mëdha nga reforma territoriale”/ Berisha: Krim monstruoz me “shkrirjen” e 15 bashkive
Kryetari i Partisë Demokratike, Sali Berisha, në një konferencë për mediat e ka cilësuar krim monstruoz “shkrirjen” e 15 bashkive. Sipas tij, propozimi i......
