Nafta rrezikon të “ngrijë” pagat - Analiza/ Çmimet e larta, presion mbi bizneset
Rritja e çmimeve të naftës në fillim të Marsit 2026 ka sjellë një valë goditëse në kostot e transportit dhe të prodhimit, duke ushtruar presion të drejtpërdrejtë mbi çmimet e shërbimeve dhe konsumit të përditshëm. Por kjo rritje mund të sjellë pasoja direke edhe tek pagat e qytetareve shqiptarë.
Sipas një analize të ALTAX, parashikohet se konflikti në Lindjen e Mesme, mund të ngadalësojë rritjen reale të pagave, veçanërisht për sektorët e ndjeshëm ndaj energjisë si transporti, shërbimet dhe industria e lehtë, duke rritur nevojën për politika fiskale dhe mekanizma kompensimi për të ruajtur fuqinë blerëse të punonjësve.
Në këtë kontekst, referuar analizës, tendenca drejt pagave më të larta dhe përqendrimi në profesionet dhe sektorët kryesorë mbetet një faktor stabilizues, duke ofruar një bazë për të përballuar ndikimet inflacioniste të pritshme gjatë 2026.
Në terma afatshkurtër, dinamika e tregut të punës, kombinuar me rritjen e pagave, sugjeron një rezistencë relative ndaj rritjes së çmimeve, megjithatë efektet inflacioniste mund të ndikojnë në ritmin e rritjes reale të të ardhurave të punonjësve.
Në tremujorin e katërt të 2025-ës, paga mesatare bruto për një të punësuar arriti në 86.984 lekë duke shënuar një rritje prej 4.3%, krahasuar me të njëjtin 3 mujor të viti 2024 dhe një rritje prej 4.4% krahasuar me tremujorin e tretë të vitit 2025. Shpërndarja e pagave tregon një shpërndarje të qëndrueshme drejt pagave të larta ku pjesa e të punësuarve me paga mbi 120 mijë lekë u rrit nga 14.1 % në 16.2 %, ndërsa paga minimale ra nga 14.2 % në 12.8 %.
Nga ana e tregut të punës, pjesëmarrja e popullsisë 15–64 vjeç në forcat e punës ishte 75,9%, duke u rritur me 0,4 pikë përqindje krahasuar me të njëjtin tremujor të vitit 2024, por duke shënuar një ulje prej 0,6 pikë përqindje krahasuar me tremujorin e tretë 2025.
Analiza sipas sektorëve tregon se bujqësia shënoi rritje modeste në punësim, industria një ulje të lehtë, ndërsa shërbimet vazhduan të jenë sektori me ndikimin më të madh në zhvillimin e tregut të punës. Kjo strukturë tregon një orientim drejt sektorëve me pagat më të larta dhe më shumë stabilitet ekonomik.
“Nga toka jonë në sofrën tuaj”, ministri Salla hapi panairin e produkteve bujqësore në Elbasan
Ministri i Bujqësisë dhe Zhvillimit Rural, Andis Salla, hapi sot në Elbasan panairin e produkteve bujqësore “Nga toka jonë në sofrën tuaj”, një aktivitet i......
Stërvitja e përbashkët RENEA-EKAM/ Lamallari: Bashkëpunimi Shqipëri–Greqi është kyç për sigurinë e rajonit
Ministri i Punëve të Brendshme, Besfort Lamallari, mori pjesë në ceremoninë e përfundimit të stërvitjes së përbashkët mes forcave speciale të Policisë së......
Shteti hyn në tregun e naftës për të frenuar çmimet - Rama: Do të krijojmë një faktor publik për të lehtësuar barrën e qytetarëve
Shteti do të ndërhyjë për të rregulluar tregun e naftës, nisur prej rritjes së çmimeve nga konflikti në Lindjen e Mesme. Në një konferencë për mediat,......
OSHEE Group rrit pagat për punonjësit e terrenit dhe inxhinierët elektrikë
OSHEE Group sh.a. ka ndërmarrë një hap të ri në mbështetje të profesionistëve të sektorit energjetik, duke rritur pagat për punonjësit e terrenit dhe......
Vendimi për imunitetin e Ballukut nuk frenon procesin e anëtarësimit në BE
Gjatë një konference për mediat, kryeministri Edi Rama u shpreh se vendimi I djeshëm i Kuvendit për imunitetin e Ballukut nuk frenon procesin e anëtarësimit......
Çmimet e pronave në Durrës pritet të rriten deri 10%/ Zonat bregdetare si Currila dhe Vollga do të udhëheqin rritjen
Sipas studimeve të Investropa çmimet e pronave në Durrës pritet të rriten nga 6% deri në 10% gjatë vitit 2026, duke shënuar një ritëm më të moderuar......
Vetëm 5% e grave në botë jetojnë në ekonomi me barazi të plotë ligjore/ WB: Shqipëria ka bërë përparim por sfidat në zbatimin e ligjeve mbeten
Në mbarë botën, barazia ekonomike mes grave dhe burrave mbetet ende një objektiv i parealizuar. Sipas raportit World Bank, sot më pak se 5 % e grave jetojnë......
Vetëm 3% e bizneseve të vogla eksportojnë/ Ndërmarrjet shqiptare mbeten kryesisht të orientuara nga tregu i brendshëm
Ndërmarrjet e vogla dhe të mesme vijojnë të mbajnë peshën kryesore të ekonomisë shqiptare. Sipas të dhënave të publikuara nga Instituti i Statistikave, në......
