Miratohet marrëveshja me BERZH për OSHEE, Malaj: 45.7 mln euro për të ulur kostot e borxhit
Ministri i Financave ka paraqitur në Kuvend projektligjin për ratifikimin e Marrëveshjes së Garancisë me Bankën Europiane për Rindërtim dhe Zhvillim që synon forcimin e qëndrueshmërisë financiare të Operatorit të Shpërndarjes së Energjisë Elektrike. Marrëveshja siguron një hua prej afro 45.7 milionë euro, që do të përdoret për rifinancimin e detyrimeve ekzistuese të OSHEE-së, me kushte shumë më të favorshme sesa kreditë e mëparshme.
“Në vijim në diskutimeve në këtë seancë më lejoni t’ju paraqes në vijim projektligjin për ratifikimin e Marrëveshjes së Garancisë ndërmjet Republikës së Shqipërisë dhe Bankës Europiane për Rindërtim dhe Zhvillim (BERZH), lidhur me Marrëveshjen e Huasë me Operatorin e Shpërndarjes së Energjisë Elektrike (OSHEE GROUP) për projektin e qëndrueshmërisë financiare. Qëllimi i projektligjit është të sigurojë për OSHEE-në garancinë që do t’i ofrojë mundësinë për të përfituar një financim nga BERZH në vlerën prej rreth 45.7 milionë euro, të cilat do të përdoren për rifinancimin e detyrimeve të OSHEE GROUP ndaj bankave të nivelit të dytë. Kjo masë financiare është e domosdoshme për përballimin e presioneve të likuiditetit dhe përmirësimin e bilancit financiar të OSHEE GROUP, duke siguruar kushte më të favorshme për menaxhimin e detyrimeve financiare.
Marrëveshja e Garancisë ka si qëllim të garantojë të gjitha detyrimet që Operatori i Shpërndarjes së Energjisë Elektrike merr përsipër nëpërmjet marrëveshjes së huasë që lidhet me BERZH. Shoqëria OSHEE GROUP, në fund të vitit 2021 ka marrë overdraft, me garanci shtetërore, në vlerën totale prej rreth 81.5 milionë Euro, sipas marrëveshjeve overdraft me bankat e nivelit të dytë, të cilat janë rinovuar çdo vit dhe janë efektive aktualisht. Këto financime, pavarësisht se kanë mundësuar mbështetje të menjëhershme, kanë krijuar një kosto financiare të lartë për shoqërinë, për shkak të kushteve të normave të interesit dhe periudhës së shkurtër të ripagimit. Ky projektligj synon të ristrukturojë këtë borxh, duke ofruar mundësinë e një huaje afatgjatë me kushte shumë më të favorshme. Kreditimi i propozuar nga BERZH për një periudhë 12-vjeçare (me tre vite periudhë grace) dhe me një normë interesi të bazuar në Euribor 6-mujor + marzh 1%, është më i favorshëm në krahasim me kreditë e afatshkurtra aktuale, të cilat përfshijnë norma të larta interesi dhe komisione të tjera administrative. Në këtë kuadër, është e rëndësishme të theksojmë se, pas një analize të thelluar kosto totale e kredisë afatgjatë, sipas kushteve e termave të BERZH, është më e ulët se kosto e overdrafteve aktuale, duke rezultuar me një kursim për OSHEE në vlerën rreth 7.1 milionë euro dhe duke ulur ndjeshëm ngarkesën financiare.
Për të garantuar një ekuilibër të duhur financiar dhe për të ruajtur stabilitetin e tregut të kredive në Shqipëri, BERZH ka pranuar të ndajë rreth 50% të financimit të huasë me bankat tregtare vendase[1]. Një angazhim i rëndësishëm ky për të mbajtur balancën e tregut të financimeve dhe për të ruajtur konkurrencën e shëndoshë në sektorin bankar shqiptar.
Gjithashtu dëshiroj të theksoj se ky projektligj është plotësisht në përputhje me nenet 81, pika 1 dhe 100 të Kushtetutës, me ligjin nr. 9665, datë 18.12.2006 “Për huamarrjen shtetërore, borxhin shtetëror dhe garancitë shtetërore të huasë në Republikën e Shqipërisë”, dhe ligjin nr. 43/2016 “Për marrëveshjet ndërkombëtare në Republikën e Shqipërisë”. Po ashtu, marrëveshja e Garancisë është miratuar në parim me Vendim të Këshillit të Ministrave nr. 107, datë 19.02.2025 dhe është nënshkruar nga të dy palët.
Në përfundim të fjalës sime më lejoni të theksoj edhe një herë rëndësinë që ka miratimi i këtij projektligji, si një instrument kyç për mbështetjen dhe përmirësimin e kushteve financiare të OSHEE GROUP, institucion i cili ka një rëndësi të veçantë në përmirësimin e qëndrueshmërisë së sektorit të energjisë në vend.”
Malaj: Financimi për Mira Muratin nuk prek deficitin buxhetor - “Të ardhurat shtesë u siguruan nga konfiskimi i pasurive të krimit”
Ministri i Financave, Petrit Malaj, gjatë fjalës së tij në Kuvend u shpreh se financimi prej 10 milionë euro i qeverisë shqiptare në kompaninë e Mira Muratit......
“Shpenzimet globale për energjinë, në 3.3 trilionë USD” - IEA: Dy të tretat e investimeve do të shkojnë për burimet e gjelbra
Investimet globale për energjinë priten të arrijnë një rekord prej 3.3 trilionë dollarësh në vitin 2025. Dy të tretat e këtyre shpenzimeve do të shkojnë për......
Sa kushton një vakt në restorantet shqiptare? - Më shtrenjtë se fqinjët, por më lirë se Europa
Një nga bizneset më të përhapura në Shqipëri janë restorantet. Me rritjen e vazhdueshme të turizmit në vend, ky biznes po bëhet gjithnjë e më i......
Gjermania ul taksat për korporatat - Qeveria miraton paketën e lehtësimit prej 46 miliardë eurosh
Kabineti gjerman miratoi një paketë të parë lehtësimi tatimor me vlerë 46 miliardë euro për të mbështetur kompanitë dhe për të ringjallur ekonominë e......
Nga komuniteti për komunitetin, qytetarët si policë vullnetarë - Kush mund të bëhet pjesë e strukturës ndihmëse të Policisë së Shtetit?
Është botuar në Fletoren Zyrtare, vendimi për organizimin dhe funksionimin të policimit vullnetar. Të gjithë të interesuarit e moshës 18-65 vjeç, mund të......
Rruga e Liqenit të Thatë do të rehabilitohet - Bashkia Tiranë hap tenderin me fond limit 1.25 mln euro
Aksi rrugor që shkon drejt Liqenit të Thatë pritet t’i nënshtrohet një rehabilitimit tërësor. Bashkia Tiranë ka çelur tenderin me një fond limit prej 122.5......
Lagjet post-komuniste me “zero” emetime, përfitimet - Tranzicioni i Gjelbër, Bejko: Nuk do jetë i lehtë. Ferrero: Kapitulli 27, sfidues
“Kalimi në ndërtesa me zero emetime në lagjet post-komuniste ofron përfitime të konsiderueshme socio-ekonomike dhe mjedisore, duke përfshirë ulje të......
Kartoni Jeshil, sa ndikoi ulja e çmimeve në prime? - AMF: Në janar-prill, të ardhurat nga kjo policë sigurimi u rritën me 17%
Pavarësisht se kemi pasur një ulje të çmimit të Kartonit Jeshil për makinat që udhëtojnë drejt Maqedonisë së Veriut dhe Malit të Zi, ky ndryshim nuk është......
