Ministri Karakaçi inspekton punimet në autostradën Tiranë-Durrës: Synojmë përfundimin para afatit
Në autostradën Tiranë-Durrës po vijohet më fazën e tretë të punimeve për zgjerimin e aksit rrugor. Pas hapjes së gjashtë kilometrave të parë tashmë punimet janë përqendruar në segmentin nga mbikalimi i Rinasit në drejtim të Limuthit.
Po punohet me intensitet me mbushjen e trupit të rrugës, ndërsa kanë përfunduar punimet për muret mbajtëse.
Ministri i Infrastrukturës dhe Energjisë, Enea Karakaçi, së bashku me drejtorin e Autoritetit Rrugor Shqiptar, Ami Kozeli, inspektuan nga afër punimet ku deri më tani janë realizuar afro 30% e tyre.
“Kjo fazë kontrate përfshin zgjerimin e trupit të rrugës në tre korsi plus një emergjence. Ndërkohë që përfshihet gjithashtu dhe mbikalimi në disnivel ose nyja në disnivel e Laknasit dhe ndërtimi i mbikalimit të ri të Kasharit, që do të jetë me strukturë metalike me gjatësi 94 m të gjatë”, tha Kozeli.
Hapja e gjashtë kilometrave të parë ka lehtësuar ndjeshëm lëvizjen qarkullimin e automjeteve, ndërsa po vijohet me fazën e tretë duke pasur objektiv përfundimin e saj brenda një kohe sa më të shpejt për ti dhënë një frymëmarrje lëvizjen edhe në këtë segment rrugor.
“Pas dy fazave që janë përmbyllur me sukses dhe që është e dukshme pasi trafiku është zhbllokuar me tre korsi deri në mbikalimin e Rinasit, tashmë jemi në punimet për përfundimin e zgjerimit deri në drejtimin e Limuthit”, bëri të ditur ministri Karakaçi.
Ministri i Infrastrukturës dhe Energjisë kërkoi që projekti të adresojë edhe shqetësimet e komunitetit dhe bizneseve që operojnë në zonë për të pasur akses në aksin rrugor. Sa i takon mbikalimeve për këmbësorët përgjatë gjashtë kilometrave të parë të autostradës, ministri tha se shqetësimi i ngritur nga banorët pak javë më parë tashmë ka gjetur zgjidhje.
“Kantieri është i mobilizuar. Të kemi në vëmendje përmbylljen aty ku kemi mundësi edhe të atyre problematikave që kanë ngritur banorët, aty te nyja e Rinasit, të vazhdohet me prioritet për sa i përket mbikalimeve që bëjnë edhe ndërlidhjen e banorëve dhe që ka qenë shqetësim i shtuar”, tha Karakaçi.
AKBN: 520 leje minerare aktive - Kromi dominon aktivitetin minerar me mbi 40%, 35% janë për gur gëlqeror
Në vendin tonë rezultojnë aktive 520 leje minerare, ndërsa kromi vijon të dominojë aktivitetin në këtë sektor. Të dhënat e përditësuara nga Agjencia......
Paratë shtohen në qarkullim - BSH: 45 miliardë lekë më shumë që nga janari
Më shumë para po qarkullojnë në ekonominë shqiptare. Të dhënat e Bankës së Shqipërisë tregojnë se në fund të korrikut, paratë në qarkullim arritën në rreth......
Nga Serbia në Shqipëri, Ballkani përballë flakëve/ Cili vend i rajonit ka humbur më shumë hektarë deri tani?
Vapa dhe thatësira kanë rikthyer zjarret në qendër të emergjencave të verës, ndërsa gushti mbetet periudha kur rreziku për përhapjen e flakëve është më i......
Korriku “favorizon” eksportet, por tekstilet vijojnë rënien/ Mallrat shqiptare gjejnë më shumë treg në Greqi gjatë muajit të shtatë
Eksportet shqiptare vijuan rritjen edhe në muajin korrik, të mbështetura kryesisht nga materialet e ndërtimit, metalet dhe grupi i mineraleve, lëndëve......
17% më shumë vizitorë në strukturat akomoduese/ Polakët rikthehen sërish mes turistëve më të shumtë në sezon
Të dhënat e INSTAT për muajin qershor tregojnë një tjetër muaj pozitiv për turizmin në Shqipëri. Numri i vizitorëve të regjistruar në strukturat akomoduese......
Lezha kryeson rritjen e depozitave - BSH: Kryeqyteti shënon rënie të fortë
Qytetarët dhe bizneset po depozitojnë gjithnjë e më shumë para në banka, por me një përjashtim të madh e të dukshëm që po ndodh në kryeqytet. Sipas të......
Lehtësim i objektivave për automjetet elektrike - Britania shqyrton rrugët për emetime zero deri në vitin 2030
Britania e Madhe paraqiti një sërë opsionesh që mund të lehtësojnë presionin mbi prodhuesit e makinave për të kaluar shitjet e reja në automjete me emetime......
Biznesi, model i ri përfaqësimi - Në konsultim Dhoma Ekonomike Kombëtare, tarifa vjetore nga 1,000 lekë
Një strukturë e re kombëtare pritet të ndryshojë mënyrën e organizimit dhe përfaqësimit të bizneseve në vend. Projektligji për Dhomën Ekonomike Kombëtare I......
