Çmimi i naftës do të rritet në Shqipëri?! - Ekspertët: Mbyllja e Hormuzit do të shkaktonte inflacion të lartë
Bota mban frymën për shkak të përshkallëzimit të konflikteve në Lindjen e Mesme, dhe emri më i përmendur në lajmet botërore është ngushtica e Hormuzit.
Kjo rrugë e ngushtë përmes së cilës kalon mbi 20% e naftës botërore, është pranë mbylljes. Një zhvillim i tillë pritet të sjellë një rritje të menjëhershme të çmimit të naftës në botë, por edhe në Shqipëri.
“Kjo është frika më serioze, pasi nëse do të përkeqësohet situata dhe Irani vendos të mbyllë këtë ngushticë, bëhet fjalë për ndërprerjen e 1/5 së furnizimit botëror me naftë dhe 50% e saj është për Europën. Efekti i këtij skenari do të ishte jashtëzakonisht i fortë dhe do të transmetohej në të gjithë botën,” – shprehet eksperti i ekonomisë, Selami Xhepa.
Në skenarin më dramatik të mbylljes së ngushticës së Hormuzit, çmimi për një fuçi naftë Brent pritet të arrijë deri në 100 dollarë, çka do të sillte ndryshime të thella ekonomike, duke shkaktuar një sërë ngërçesh për sektorët e vendit dhe xhepa më “të brishtë” për konsumatorët.
“Kuptohet, nafta nuk është vetëm energji, por është pjesë e një sërë prodhimesh. Kështu që, kur rritet një element në kosto, rriten menjëherë të gjitha produktet, çka do të rëndonte xhepat e konsumatorëve,” – tregon Zana Guxholli, eksperte për ekonominë.
Shqipëria përjetoi një inflacion të rëndë për shkak të konfliktit disa vite më parë mes Rusisë dhe Ukrainës, çka solli rritje të frikshme të çmimeve, ku edhe çmimi i një litre naftë arriti në 250 lekë. Frika është e njëjtë edhe në këtë rast.
“Efekti i saj në inflacion nuk do të vinte vetëm nga çmimi i naftës, por edhe nga produktet që lidhen me burimet energjetike – duke filluar nga ushqimi, veshjet dhe grupet e tjera zinxhir. Bota do të përjetonte sërish të njëjtin agresivitet inflacioni si në rastin e konfliktit me Ukrainën, çka do të krijonte një skenar shumë negativ," – tregon më tej profesori Xhepa.
Sipas të dhënave nga tregjet ndërkombëtare, çmimi aktual i një fuçie Brent është rreth 77.8 USD, me një rritje prej afro 20% gjatë muajit të fundit.
Programi Kombëtar i Strehimit Social/ Gonxhja: Përfitojnë 1’253 familje në 35 bashki të vendit!
“Si asnjëherë më parë, 1,253 familje në 35 bashki përfitojnë nga Programi Kombëtar i Strehimit Social,” kështu shkruan në rrjetet sociale Ministri i......
Vendet e NATO-s, drejt objektivit 5% - Anëtarët bien dakord të rrisin shpenzimet e mbrojtjes para samitit në Hagë
Aleatët e NATO-s kanë arritur një konsensus për të rritur shpenzimet për mbrojtjen në 5% të PBB-së së vendeve të tyre deri në vitin 2035. Sipas raporteve që......
“94 milionë euro borxhe ndaj bizneseve dhe qytetarëve - 3-mujori, rritet stoku i detyrimeve për investime dhe gjyqe
Viti 2025 ka nisur me rritje të ndjeshme të borxheve të pushtetit qendror dhe atij vendor ndaj bizneseve dhe qytetarëve. Rerferuar të dhënave zyrtare të......
Konferenca Ndërkombëtare e Komisionerëve/ Dervishi: Transparenca duhet të funksionojë si një mekanizëm real!
Komisioneri për të Drejtën e Informimit dhe Mbrojtjen e të Dhënave Personale, Besnik Dervishi, po merr pjesë në Konferencën Ndërkombëtare të Komisionerëve......
Projekti për hekurudhën Durrës-Rrogozhinë - Zgjerim i trasesë, 4 stacione të reja dhe rindërtim i tunelit me gjatësi 380 m
Përpjekjet për sigurimin e fondeve për rehabilitimin e linjës hekurudhore Durrës –Rrogozhinë kanë disa vite që kanë nisur, teksa në nëntor të vitit 2020......
Rishpërndahen paratë e buxhetit 2025 - Malaj: Më shumë fonde për sigurinë kibernetike, IT-në dhe infrastrukturën
Rishpërndarje të fondeve për sigurinë kibernetike, teknologjinë e informacionit, garancinë sovrane në bujqësi dhe infrastrukturën. Këto janë vetëm disa nga......
Tensionet në Iran rrisin çmimin e naftës - Sulmet amerikane dhe reagimi i mundshëm iranian “turbullojnë” tregjet
Investitorët reaguan ndaj sulmeve amerikane drejt Iranit gjatë fundjavës, ndërsa Teherani dhe Izraeli vazhduan të shkëmbenin raketa të hënën në mëngjes.......
Kujt ia kemi besuar importin e naftës? Arabia Saudite dominon në Maj, Omani largohet nga lista
Importet e naftës dhe lëndëve djegëse minerale në Shqipëri për muajin maj 2025 kanë pësuar një zhvendosje të ndjeshme në raport me të njëjtin muaj të një......
