Çmimet referencë për taksimin e pasurive të paluajtshme, dalin hartat dhe metodologjia
Ministria e Financave ka nxjerrë në konsultim publik bashkë me vendimin për rivlerësimin e pasurive të paluajtëshme edhe metodologjinë e përllogaritjes së taksës. Metodologjia në fjalë është e bashkëshoqëruar me hartat përkatëse. Në to janë çmimet e reja mesatare referuese për metër katror sipërfaqe ndërtimi për banesat në të gjithë qarqet e vendit të përafruara me çmimeve reale të tregut.
Kështu për qarkun Berat çmimet variojnë nga 26 mijë lekë të reja për metër katror në Skrapar deri në 50 mijë lekë në qytetin e Beratit.
Për qarkun Dibër nga 40 mijë lekë për metër katrot në Klos deri në 52 mijë lekë për metër në Peshkopi.
Për qarkun Durrës nga 43 mijë lekë për meter në qytetin e Shijakut në 200 mijë lekë për metër në zonën 13 të qytetit Durrës.
Për Qarkun Elbasan nga 40 mijën në Belsh deri në 60 mijë lekë për metër në qytetin Elbasan.
Për Qarkun Fier nga 32 mijë lekë për metër në Patos në 62 mijë lekë për metër në zonën e parë të qytetit Fier.
Për qarkun Gjirokastër nga 17 mijë lekë për metër në Memaliaj në 63 mijë lekë për metër në zonën 2 të qytetit Gjirokastër.
Për qarkun Korçë nga 23 mijë lekë për metër në Leskovik në 70 mijë lekë për metër në zonën e parë të qytetit Korçë.
Për qarkun Kukës nga 32 mijë lekë në qytetin Bajram Curri në 58 mijë lekë në Kukës.
Për qarkun Lezhë nga 36 mijë lekë për metër në Milot në 70 mijë lekë për metër në Shëngjin.
Për qarkun Shkodër nga 10 mijë lekë në Fushë Arrëz në 75 mijë lekë në zonat 4 dhe 6 të qytetit Shkodër.
Për qarkun Vlorë nga 31 mijë lekë në Finiq në 200 mijë lekë në zonën 7 të Vlorës, që korespondon me ishullin e Sazanit.
Ndërkohë në qarkun Tiranë çmimet më të larta janë në Kavajë e Kamëz deri në 75 mijë lekë për metër katror, ndërsa cmimet referencë brenda qytetit të Tiranës shkojnë deri 228 mijë lekë në njësinë nr 5.
Sipas metodologjisë çmimeve mesatare referuese janë bazuar mbi shitblerjet e 4 viteve të fundit, vendndodhjen dhe sistemin urban dhe një parashikim për tendencat e ardhshme të tregut imobiliar.
Ata janë të kategorizuara në lloje pasurie si: ndërtesë, shtëpi, apartament, garazh, bodrum dhe njësi tregtare.
Çmimi për metër katror për njësitë tregtare, të shërbimit ose të prodhimit brenda ndërtesave është 1.5 (një pikë pesë) here më i lartë se çmimi referues i zonës së vlerës ku ato ndodhen, ndërsa për Tiranën kjo kategori është dy herë më e lartë.
Mbi cmimet referencë të përcaktuara nga ministria e financave Këshillat Bashkiake mund të lëvizin plus minus tridhjetë për qind.
Taksa mbi pasurinë e paluajtshme është taksa më e rëndësishme vendore dhe një nga burimet kryesore të të ardhurave vendore edhe në Shqipëri. Por të ardhurat nga kjo taksë në vendin tonë janë vetëm 0,3% e PBB-së në një kohë që rajoni e ka mesataren 0,8%. Bazuar në këtë shifër efektet e pritshme financiare për pushtetin vendor pritet të rriten ndjeshëm.
Për informacion të plotë, klikoni në linkun e mëposhtëm:
https://www.konsultimipublik.gov.al/Konsultime/Detaje/850
Shqipëria, sërish gati për negociata me BE - Ftohet të dorëzojë pozicionin negociator për grupkapitullin 5 me fokus bujqësinë
Bashkimi Evropian e ka ftuar Shqipërinë që të prezantojë pozicionin e saj negociator për Grupkapitullin 5 lidhur me Burimet, Bujqësinë dhe Kohezionin. Data......
Shtatë gurore të braktisura në Dajt do të kthehen në zona të gjelbra/ Nis projekti për rehabilitimin e “plagëve” mjedisore në malin simbol të Tiranës
Mali i Dajtit, simboli natyror i Tiranës dhe një nga zonat më të frekuentuara nga vizitorët dhe turistët, do të përfshihet në një projekt të gjerë për......
Projekti/ Ballkone panoramike në 12 qarqet e Shqipërisë/ Hapet tenderi për ndërtimin e strukturave ekologjike me funksion turistik
Agjencia Kombëtare e Zonave të Mbrojtura (AKZM) ka shpallur një procedurë tenderimi për hartimin e projektit të ri që synon ndërtimin e ballkoneve panoramike......
Tre fushata, 250 mijë rivlerësime pronash/ Tatimi i ulët e rritja e çmimeve, interes për përditësimin e vlerës së pasurisë
Në më shumë se një dekadë, janë zhvilluar tre fushata të veçanta që u kanë dhënë mundësi individëve të përditësojnë vlerën e pasurive të tyre me çmimet reale......
Zyrtare/ Rivlerësimi i pronave do bëhet me 5 %- Afati i zbatimit do të jetë nga 1 janari deri më 30 shtator 2026
Qeveria hap rrugën për një tjetër proces rivlerësimi të pasurive të paluajtshme. Nga 1 janari deri më 30 shtator 2026, qytetarët dhe bizneset do të kenë......
Çfarë eksportuam dhe në cilët vende? Italia dhe Kosova morën më shumë nga Shqipëria
Shqipëria vazhdon të eksportojë dhe importojë produkte të ndryshme sipas kërkesave të brendshme dhe nevojave të partnerëve tregtarë. Sipas të dhënave të......
Blerjet online dhe dërgesat postare nga jashtë/ Ja çfarë duhet të dini për kufirin e pataksueshëm
Në një kohë kur blerjet online janë bërë pjesë e pandashme e jetës së përditshme, Dogana Shqiptare bën me dije përmes një postimi në rrjetet sociale për......
Kush përjashtohet nga aktmarrëveshja e OSHEE? Hima: Skemat e reja u japin mundësi klientëve për të shlyer detyrimet
Në lidhje me aktmarrëveshjen e OSHEE Group për shlyerjen e detyrimeve të prapambetura të energjisë elektrike, drejtori i departamentit të shitjeve dhe......
