Çmimet e pronave rriten deri në 40% me hyrjen ne BE- Analiza/ Çfarë do ndodhë me tregun 5-7 vite pas anëtarësimit?
"Sektori i pronave në Shqipëri po ecën vërtet përpara dhe ka goxha hapësirë për të blerë prona me një çmim të përballueshëm ende. Kështu që ajo që do t'u thosha të gjithëve atyre që kanë likuiditet, para, dhe ju keni shumë para këtu në Austri që një pjesë të këtyre parave t'i shpenzoni duke blerë prona, apartamente në Shqipëri, do të jetë një investim vërtetë shumë i mirë, sepse çmimet po rriten dhe do të rriten gjithnjë e më shumë, edhe kur ne të bëhemi shtet anëtar i Bashkimit Europian. Një gjë që është kaluar edhe nga vendet që tashmë janë shtete anëtare, sepse kur bëhesh shtet anëtar, çmimet rriten pothuajse dyfish. Kështu që blini një apartament në Tiranë, prisni pak vite dhe e shisni me çmimin e dyfishtë."
Ky ka qenë apeli i bërë një ditë më parë nga Kryeministri Edi Rama, drejtuar investitorëve austriakë.
Ndërsa një analizë e fundit e bërë nga ALTAX del në konkluzionin se anëtarësimi në Bashkimin Europian, objektivi i të cilit është viti 2030, mund të sjellë rritje graduale të çmimeve të pronave në Shqipëri 20-40% në një hark kohor 5-7 vjet për zonat me tituj të qartë pronësie, ajër të pastër, lidhje të mira transporti dhe infrastrukturë të mirëmbajtur.
Analiza bazohet edhe në eksperiencën e shteteve të tjera të cilat kanë kaluar këtë cikël siç është Kroacia, Sllovenia apo Rumania.
Sipas dokumentit, dyfishimi i vlerës së pronës nuk është i garantuar pasi mund të jetë pothuajse i pamundur pa reforma strukturore në: Zbatimin e ligjit dhe sigurinë e pronësisë. Reduktimin e korrupsionit në ndërtim. Përmirësimin e infrastrukturës urbane dhe mjedisit.
Për këto arsye, thuhet se hyrja në BE nuk është garanci për pasurim të shpejtë. Tregu mund të mbajë çmimet aktuale për 2–3 vitet në vijim, por rritje të mëtejshme do të kërkojë ekonomi reale, jo vetëm entuziazëm politik.
Referuar të dhënave te ALTAX, në vitin 2025, tregu i pasurive të paluajtshme në Shqipëri, veçanërisht në Tiranë dhe qytetet bregdetare, po përjeton rritje rekord.
Në zonat premium të Tiranës (Bllok, Liqeni Artificial, Kodra e Diellit), çmimet e apartamenteve të reja variojnë 2,200–3,500 €/m², ndërsa në vijën bregdetare (Vlora, Saranda, Durrësi) çmimet e apartamenteve të para vijës detare arrijnë deri 2,000 €/m², me disa projekte luksoze që kalojnë 3,000 €/m². Aktualisht mesatarja është 1400 euro për m2. Në vendet si Kroacia, Rumania, Bullgaria dhe Sllovakia, në 5 vite pas anëtarësimit, çmimi i pronave rezulton të jetë rritur me 27% - 45 %, dhe rritja më e madhe regjistrohet në Rumani.
Sipas analizës, me të ardhura mesatare rreth 7,000 €/vit për frymë, Shqipëria ka tashmë një raport çmim/fitim ndër më të lartët në rajon (7–10 vite pagë për të blerë një apartament 70 m² në Tiranë). Në Kroaci apo Slloveni ky raport është 4–6 vite.
Kjo tregon se tregu shqiptar është mbi kapacitetet e blerësve vendas, duke u mbështetur në: Diasporën shqiptare me kursime në euro; Blerësit e huaj (italianë, polakë, çekë) që e shohin bregdetin si destinacion pushimi dhe kapitalet informale (cash economy).
ALTAX nënvizon se këto burime janë të kufizuara dhe të ndjeshme ndaj krizave financiare apo ndryshimeve ligjore. Për këtë arsye, dilet në konkluzionin se në mungesë të një ekonomie të brendshme më të fortë dhe një tregu kredie të përballueshëm, rritja e mëtejshme e çmimeve është e brishtë.
“Jo përfitime të veçanta të OBT”/ Vendimi i Kinës pritet të “qetësojë” marrëdhëniet tregtare me SHBA
Kina nuk do të kërkojë më përfitimet për vendet në zhvillim në Organizatën Botërore të Tregtisë, duke hequr një pikë mosmarrëveshjeje me SHBA-në që ka qenë......
Shqipëria prodhon më shumë mbetje/ Në vitin 2024, çdo banor gjeneroi mesatarisht 360 kg
Në vitin 2024, Shqipëria ka prodhuar mbi 862 mijë tonë mbetje, duke shënuar një rritje prej 2.14%, krahasuar me vitin 2023. Çdo qytetar gjeneroi mesatarisht......
Rreziqet e transportit ajror global/ Nga sulmet kibernetike dhe tensionet gjeopolitike, tek emetimet neto zero
Takimi global i liderëve të aviacionit në Montreal pati kritika nga SHBA për fokusin e tij të gjelbër, edhe pse delegatët përballen me kërcënime të......
Ekonomia gjermane pritet të rritet me 0,2% në 2025/ Mbështetur nga shtimi i shpenzimeve për infrastrukturën dhe mbrojtjen
Pesë institute kryesore ekonomike gjermane e kanë rritur parashikimin e tyre të rritjes për vitin 2025 për ekonominë më të madhe të Evropës në 0.2%.......
Rritet deficiti tregtar në Kosovë/ Me 7,7%, ose 536,8 milionë euro në muajin gusht
Të dhënat nga tregtia e jashtme e mallrave në Kosovë tregojnë për një deficit tregtar prej 7,7% në muajin gusht 2025, në raport me të njëjtën periudhë të një......
Serbia do të blejë më shumë gaz nga Rusia/ Në tetor do të nënshkruajë një marrëveshje 3-vjeçare
Serbia do të nënshkruajë një marrëveshje trevjeçare importi gazi me Rusinë muajin e ardhshëm, duke siguruar një furnizim vjetor prej 2.5 miliardë metra kub......
Këshilli Bashkiak i Tiranës shkarkon Erion Veliajn me 50 vota të shumcës dhe opozitës
Këshilli Bashkiak i Tiranës me 50 vota ka shkarkuar nga detyra kryebashkiakun Erion Veliaj. Këshilltarët socialistë dhe ata demokratë bashkuan votat......
Shqipëria marrëveshje me studion prestigjoze LUCA DINI Design & Architecture për hartimin e strategjisë detare
Ministria e Infrastrukturës dhe Energjisë ka nënshkruar një marrëveshje bashkëpunimi me studion arkitekturore prestigjoze LUCA DINI Design & Architecture,......
