Mbi 5 mijë subjekte deklarojnë pronarët përfitues/ 27 % më shumë se një vit më parë, rritet transparenca
Viti 2025 ka shënuar një rritje të ndjeshme të ndërgjegjësimit dhe respektimit të detyrimeve ligjore nga bizneset në lidhje me deklarimin e pronarëve përfitues, një nga shtyllat kyçe të transparencës dhe luftës kundër pastrimit të parave në Shqipëri.
Sipas të dhënave zyrtare të QKB, gjatë vitit të kaluar 5,356 subjekte kanë kryer deklarimin e pronarëve përfitues në Regjistrin përkatës, duke shënuar një rritje prej 27% krahasuar me vitin 2024.
Ky trend pozitiv reflekton jo vetëm një rritje të përputhshmërisë formale me ligjin, por edhe një ndryshim gradual në kulturën e biznesit, ku transparenca po shihet gjithnjë e më shumë si vlerë e shtuar dhe jo thjesht si detyrim administrativ.
Pronar përfitues konsiderohet personi fizik që zotëron ose kontrollon, drejtpërdrejt ose tërthorazi, një subjekt juridik, ose në emër të të cilit kryhet një transaksion apo aktivitet ekonomik. Identifikimi i tij është thelbësor për të parandaluar fshehjen e pronësisë reale përmes strukturave formale, ortakëve nominalë apo subjekteve guaskë.
Deklarimi i saktë i pronarit përfitues rrit transparencën e tregut, forcon besimin e institucioneve financiare, partnerëve dhe investitorëve, ndihmon në parandalimin e pastrimit të parave dhe financimit të terrorizmit, si edhe shmang përdorimin e biznesit për qëllime të paligjshme.
Deklarimi i pronarit përfitues është detyrim ligjor për të gjitha subjektet e regjistruara në Qendrën Kombëtare të Biznesit, me përjashtim të personave fizikë.
Sipas ligjit, çdo subjekt duhet të deklarojë pronarin përfitues brenda afatit ligjor pas regjistrimit, të përditësojë të dhënat sa herë që ka ndryshime në strukturën e pronësisë ose kontrollit, si edhe të sigurojë saktësinë dhe përputhshmërinë e informacionit të deklaruar.
Për të lehtësuar përmbushjen e këtij detyrimi, QKB ka krijuar mundësinë që deklarimi dhe përditësimi i pronarëve përfitues të kryhet online, përmes platformës zyrtare elektronike. Procesi është i integruar, i shpejtë dhe minimizon barrën administrative për subjektet, duke eliminuar nevojën për paraqitje fizike.
Ligji parashikon gjoba të kripura ndaj atyre bizneseve që nuk depozitojnë në kohë të dhënat me pronarët apo aksionerët e tyre. Masat administrative nisin nga 500 dollarë për rastet e mosrespektimit të afateve, për të shkuar deri në 6 mijë dollarë kur autoritetet konstatojnë se ato bëhen me qëllim për të fshehur të dhëna të rëndësishme mbi burimet financiare të pronarëve apo aksionerëve të tyre.
Zonat prioritare malore të zhvillimit/ Nga Kruja në Maliq e Vorë, hapen territore të reja investimi
Qeveria shqiptare ka marrë një hap të rëndësishëm drejt zhvillimit ekonomik dhe turistik të zonave malore në vend me miratimin e zonave prioritare për......
Të licencuarit e energjisë nuk paguajnë detyrimet/ Enti Rregullator nis procedurat për heqjen e 8 licencave
Enti Rregullator i Energjisë ka nisur procedurat për heqjen e licencave ndaj subjekteve që nuk kanë likujduar pagesat rregullatore ndaj këtij institucioni.......
Shqipëria përmirëson “notën” e arsimit në 2025/ Niveli i kënaqësisë rritet lehtë, por vendi mbetet poshtë mesatares së Ballkanit Perëndimor
Kënaqësia e qytetarëve shqiptarë me shërbimet arsimore ka shënuar një rritje të lehtë gjatë vitit 2025, sipas të dhënave më të fundit nga Securi Meter për......
SHBA plan pagese për miliardat që i detyrohet OKB Guterres/ Organizata me 193 vende pranë "kolapsit të afërt financiar"
Bashkuara brenda pak javësh, tha ambasadori i SHBA-së në organizatën botërore, ndërsa theksoi nevojën që OKB të vazhdojë reformat. Mike Waltz i bëri komentet......
Trump kërcënon me tarifa vendet që bëjnë biznes me Iranin/ Irani: Bisedimet mes dy vendeve në Oman një "fillim të mirë"
Presidenti i SHBA-së, Donald Trump, nënshkroi të premten një urdhër ekzekutiv që mund të vendosë një tarifë prej 25% për vendet që bëjnë biznes me Iranin.......
SHBA masa drastike ndaj ilaçeve për humbje peshe/ Trump publikoi faqe të re interneti për ilaçe të lira me recetë
Administrata Amerikane e Ushqimit dhe Barnave tha të premten se do të ndërmarrë veprime kundër ofruesit të tele-shëndetësisë Hims & Hers për pilulën e saj......
Gara e IA në sektorin publik, Europa mbetet pas/ Qeveritë evropiane, qasje e kujdeshme që shmang rreziqet
Franca renditet e fundit në një indeks të ri global të përvetësimit të inteligjencës artificiale. Gati gjysma e nëpunësve të saj publikë që nuk e kanë......
Itali, Lojërat Olimpike Dimërore të Milanos dhe Kortinës/ Tensionet politike shfaqen në ceremoninë e hapjes në San Siro
Italia hapi Lojërat Olimpike Dimërore të Milanos dhe Kortinës të premten me një ceremoni elegante dhe plot ngjyra që festoi historinë, artet dhe modën e......
