Mbi 140 mijë të punësuar, detyrim për DIVA-n/ Kush duhet të deklarojë? Afati, data 31 Mars
Afro 140 mijë të punësuar me të ardhura mujore bruto mbi 100 mijë lekë apo të ardhura vjetore mbi 1.2 milionë lekë, do të kenë detyrim për plotësimin Deklaratës Individuale Vjetore e të Ardhurave (DIVA) brenda datës 31 Mars 2026.
Ky detyrim lind për çdo individ, shtetas shqiptar ose i huaj, kur të ardhurat e tij vjetore bruto kalojnë shumën 1.2 milionë lekë nga të gjitha burimet. Këto burime përfshijnë paga dhe shpërblime nga marrëdhëniet e punësimit, dividendë, qira, shitje të pasurisë së paluajtshme, interesa bankare, fitime nga lojërat e fatit, të drejta intelektuale si licenca dhe të drejta ekskluzive, si dhe të ardhura bruto të realizuara jashtë territorit të Republikës së Shqipërisë.
Detyrimi për dorëzim ekziston edhe kur individi është në marrëdhënie punësimi me më shumë se një punëdhënës, pavarësisht nga shuma e të ardhurave që merr. Kjo përfshin rastet kur ka ndryshuar punë brenda të njëjtit muaj, edhe nëse nuk ka qenë i punësuar te dy punëdhënësit njëkohësisht.
Gjithashtu, një individ është i detyruar të dorëzojë DIVA kur ka më shumë se 50.000 lekë të ardhura nga burime të tjera që nuk i nënshtrohen tatimit përfundimtar në burim. Shembuj të tillë janë të ardhurat dhe pagesat nga platformat e internetit si Google, TikTok, Instagram, Facebook, YouTube, Airbnb, Booking, si dhe nga platformat e tregtisë si Amazon dhe Alibaba.
Individi kryen deklarimin në sistemin e tatimeve dhe më pas pajiset me urdhërpagesën përkatëse për të realizuar pagesën.
Pagesa e tatimit pas dorëzimit të DIVA kryhet përmes urdhërpagesës së gjeneruar në sistemin e administratës tatimore. Ajo mund të realizohet pranë bankave të nivelit të dytë ose nëpërmjet platformave elektronike të pagesave të miratuara nga tatimet.
Në rastet kur individët për një arsye apo tjetër nuk bëjnë deklarimin në afat, penalizohen me gjobë në vlerën 3 mijë-10 mijë lekë. Këtë vit do të aplikohen edhe zbritje tatimore për kategori të ndryshme, kompensim për fëmijët në ngarkim deri në 48 mijë lekë dhe kompensim për shpenzimet për shkollim të fëmijëve, deri në 100 mijë lekë.
Reshjet rrisin prurjet në kaskadën e Drinit/ HEC-et e Komanit dhe Vaut të Dejës, me shkarkime të larta
Reshjet e shumta të ditëve të fundit kanë shkaktuar një sërë problematikash në disa qarqe të vendit. Problematika ka pasur me daljen nga shtrati të lumenjve,......
Paraja fizike dominon ekonominë shqiptare - BSH: 467 miliardë lekë cash jashtë bankave. Zgjerohet me 15% brenda një viti
Rreth 467 miliardë lekë qarkullojnë çdo ditë në duart e shqiptarëve. Sipas të dhënave nga Banka e Shqipërisë, paraja jashtë bankave u rrit me thuajse 1% në......
Çfarë kërkojnë investitorët në 2026? - Fokus te inteligjenca artificiale, teknologjia dhe transparenca
Start Up Albania ka bërë një publikim në rrjetet sociale, ku evidenton kriteret kryesore që investitorët po kërkojnë në vitin 2026, në një kohë kur tregu po......
Shqipëria, drejt bujqësisë moderne - Hapet rruga ligjore për akuaponinë, aeroponinë dhe hidroponinë
Sektori bujqësor në Shqipëri po hyn në një fazë të re transformimi, si pasojë e nevojës për rritjen e produktivitetit, eficiencës dhe përafrimit me modelet......
Mbi 108 mijë shqiptarë aktivë në tregun e punës në SHBA / Megjithatë, 41.3% e familjeve emigrante përfitojnë nga ndihma sociale e shtetit
Të dhënat e publikuara nga Anketa e Komunitetit Amerikan ofrojnë një panoramë më të thelluar mbi mënyrën se si shqiptarët në Shtetet e Bashkuara janë të......
Vështirësi në qarkullim nga reshjet - ARRSH: Kontraktorët janë në terren për pastrimin e akseve rrugore
Autoriteti Rrugor Shqiptar ka bërë të ditur se gjatë orëve të natës reshjet e shiut kanë vijuar në të gjithë territorin e vendit, duke sjellë problematika në......
Venezuela do të eksportojë naftë në SHBA - Marrëveshja me Uashingtonin arrin në 2 miliardë dollarë
Karakasi dhe Uashingtoni kanë arritur një marrëveshje për të eksportuar deri në 2 miliardë dollarë naftë bruto venezueliane në Shtetet e Bashkuara, tha......
Më shumë kaos në udhëtime - Ndërsa valët e ftohta sjellin më shumë borë në Evropë
Më shumë fluturime do të anulohen, trenat do të vonohen dhe rrugët do të bllokohen nga bora në të gjithë Evropën në ditët në vijim, ndërsa parashikohet që......
