“Lirim para kohe me kusht për të dënuarit përjetë”/ Diskutohet drafti i Kodit të Ri Penal. Manja: Nevojë e një shteti që evoluon
Është zhvilluar diskutimi i parë publik për draftin e Kodit të Ri Penal të Shqipërisë. Ky Kod përfaqëson një riformulim dhe riformatim konceptual në drejtësinë shqiptare, duke kombinuar modernizimin ligjor me parimet humane të drejtësisë restauruese.
Sipas Ministrit të Drejtësisë, Ulsi Manja, Kodi i Ri Penal duhet të ketë si bazë kushtetuese Kushtetutën e vitit 1998.
“Kodi Penal në fuqi u miratua në 1995, në një kohë kur Shqipëria sapo kishte dalë nga regjimi totalitar. Kërkesa për të pasur një Kod Penal të ri është nevojë e një shteti që po evoluon. Kodi që kemi në fuqi i 1995 kishte 285 nene dhe 550 paragrafë, ndërsa sot ka 327 nene dhe mbi 750 paragrafë. Janë ndryshuar shpesh në mënyrë të fragmentarizuar. Kodi aktual nuk i përgjigjet më sfidave të kohës dhe zbatimi i tij paraqet vështirësi reale për gjyqtarët, prokurorët dhe avokatët. Riformatimi konceptual dhe strukturor është jo vetëm i domosdoshëm, por i pashmangshëm,”- u shpreh Manja.
Drejtori i Shkollës së Magjistraturës, Arben Rakipi, ka qenë drejtuesi i grupit të punës për hartimin e këtij Kodi të ri. Ai u shpreh se ndër risitë e këtij Kodi është lirimi para kohe me kusht për personat e dënuar me burgim të përjetshëm.
“Lirim para kohe me kusht. Ne kemi pasur disa pengesa që lidhet me aplikimin e lirimit me kusht për burgimin e përjetshëm. Përfundimisht diskutimi i gjatë është se mund ta aplikojmë lirimin me kusht për dënimin e përjetshëm. Është propozim shumë i guximshëm, debati ka qenë i fortë sepse këtu mpleksen shumë gjëra një pjesë e të cilave i përmenda, paqja sociale, viktima, rendi publik, shkalla e kriminalitetit etj, por nisur nga besimi që edhe personalisht kam, që njerëzit ndryshojnë dhe përmirësohen nëse puna me ta është e efektshme. Kjo nuk është parrullë e thënë për shkak të formimit tim, por eksperiencë e përditshme që ndodh gjithandej ndaj përfundimisht e propozuam këtë zgjidhje,”- deklaroi Rakipi.
Grupi i punës për hartimin e Kodit të ri është ngritur që në vitin 2023. Ky Kod vjen në një kohë kur janë shfaqur forma të reja kriminaliteti, ndaj dhe janë shtuar shumë elemente lidhur me krimin mjedisor, financiar, mbrojtjen e viktimës dhe të tjera. Kodi Penal është hartuar edhe në kuadër të përafrimit të legjislacionit shqiptar me atë të Bashkimit Evropian.
Rreth 4.7 milionë të huaj vizituan Shqipërinë në 6 muaj/ Në rritje vjetore me 4,8%. Më shumë europianë dhe vizita biznesi
Gjatë muajit qeshor, në territorin e Shqipërisë kanë hyrë gjithsej rreth 2.062.775 shtetas, përfshirë si qytetarë shqiptarë, ashtu edhe të huaj. Këto të......
Tërmetet, si bëhet dëmshpërblimi kur ke dy sigurime? Drafti/ Mbulohen ato me fuqi mbi 5 ballë. Me shitjen e pronës transferohet polica
Individët që kanë bërë sigurim vullnetar të banesave të tyre, nuk do t’i “shpëtojnë” sigurimit të detyrueshëm të pronave nga tërmetet. Në këtë kategori......
BE mbikëqyr tregtinë e skrapit të metaleve/ Rënia e furnizimeve dhe tarifat amerikane kërcënojnë industrinë evropiane
Komisioni Evropian ka filluar monitorimin e importeve dhe eksporteve të skrapit të metaleve, duke përfshirë çelikun, aluminin dhe bakrin, pas paralajmërimeve......
BE dhe Kina, marrëveshje paraprake për metalet e rralla/ Von der Leyen kërkon balancim të tregtisë, më shumë akses në tregun kinez
Bashkimi Evropian njoftoi një marrëveshje paraprake me Kinën për të lehtësuar kufizimet që vendi kishte vendosur mbi eksportet kritike të metaleve të rralla,......
Bizneset në anë të rrugëve, afat deri më 31 korrik për largimin e materialeve
Ka nisur aksioni për pastrimin e rrugëve kombëtare nga rrëmuja e bizneseve buzë rrugës, për të kthyer hapësirat publike në funksion të sigurisë dhe......
Britania dhe India nënshkruajnë paktin e tregtisë së lirë/ Marrëveshja pritet të ulë tarifat për tekstilet, pijet alkoolike, automjetet
Britania dhe India nënshkruan një marrëveshje të tregtisë së lirë gjatë një vizite nga kryeministri indian Narendra Modi. Pakti përfshin uljen e tarifave për......
Trump “përplaset” me kreun e Fed/ Normat e interesit dhe kostot e rinovimit të selisë, në fokus të takimit
Presidenti Donald Trump pati përplasje me kryetarin e Rezervës Federale, Jerome Powell, gjatë një vizite të rrallë presidenciale në selinë e bankës......
BE do të thjeshtojë ligjet mjedisore/ Nis konsultimet pas kritikave të industrisë
Bashkimi Evropian ka filluar konsultimet për të thjeshtuar më tej politikat mjedisore, pasi shkurtoi një grup fillestar ligjesh për qëndrueshmërinë në fillim......
