Ligji për investimet strategjike shtyhet 2 vjet - Debatet/ Deputetët e PD, kundër. Pëllumbi: Në 2026-ën, gati ligji me asistencën e BE
Efektet e ligjit “Për investimet strategjike” do të shtyhen me 2 vjet. Komisioni i Veprimtarive Prodhuese ka miratuar projektligjin e deputetes së Partisë Socialiste Pranvera Resulaj, e cila propozoi që ligji të jetë në fuqi deri në 31 dhjetor të vitit 2026. Përveç afatit kohor, ndryshime parashikohen edhe në kriteret e përfitimit të statusit “investitor strategjik”, duke specifikuar se kapitali investues i projektit tashmë do jetë mbi 50 mln euro.
“Do të përfitojnë edhe investitorë ose projekte investuese për të cilat, edhe pse nuk janë të parashikuar në sektorët strategjikë të ligjit ekzistues do të mundësohet dhënia e statusit me procedurë të asistuar, nëse këto kanë një vlerë të kapitalit të investuar fillestare 50 mln euro ose më tepër”, - tha Resulaj.
Shtyrja për të disatën herë e efekteve të ligjit u kundërshtua nga deputetët e opozitës, teksa kreu i komisionit bëri me dije se në vitin 2026 do të jetë gati ligji i ri, që po hartohet me ndihmën e Bashkimit Evropian.
“Ky projektligj vjen për të disatën herë në këtë parlament me shtyrje afati. Cila është arsyeja që doni të shtyni afatin?! Nga 2018-a, që ka qenë afati final i këtij ligji, e sillni sot për në 2026. Keni 8 vjet e shtyni vit pas viti”, - tha deputeti i PD, Lefter Gështenja.
“Komisioni Europian po asiston ligjin e ri të investimeve në Shqipëri, në përputhje me atë që është edhe ligji i investimeve të Bashkimin Evropian. Deri në 2026-ën do ta kemi ligjin e ri”, - tha Arben Pëllumbi, kryetar i Komisionit të Veprimtarive Prodhuese
Përfitimi i statustit “investitor strategjik” iu mundëson kompanive tokë publike përmes kontratave të qirasë 1 euro, infrastrukturë ndihmëse, furnizim dhe përshtatje të rrjetit elektrik, furnizim me ujë të pijshëm, etj. Ligji konsideron strategjikë sektorin energjetik dhe minerar, transportin, turizmin, bujqësinë apo peshkimin, ndërsa vendos kritere mbi vlerën e investimit për të përfituar statusin, sipas secilit sektor.
Sondazh
Biblioteka e Re Kombëtare me 0 kosto nga buxheti - Thirrja për të paraqitur projekt-idetë deri në 10 shkurt
“Thirrja për projektin e bibliotekës Kombëtare është hapur, ndërsa projekti do të zhvillohet pranë Parkut të Liqenit Artificial të Tiranës, krah ndërtesës së......
“Të vendoset tatim për bizneset e vogla” - FMN: Më shumë të ardhura, të përshpejtohet reforma e taksimit të pronave
Fondi Monetar Ndërkombëtar rekomandon qeverinë shqiptare që të rrisë performancën në mbledhjen e të ardhurave dhe të zgjerojë bazën e......
“Shqipëria, përformancë të fortë ekonomike” - FMN: Sfidat, plakja e shpejtë e popullsisë, emigracioni, produktiviteti i ulët
Bordi Ekzekutiv i Fondit Monetar Ndërkombëtar (FMN) ka vlerësuar së fundmi performancën e fortë ekonomike të Shqipërisë, të mbështetur nga politikat e......
Albpetrol nxjerr 70.250 ton naftë/ Prodhimi, kompania shtetërore ruan tendencën e 3 viteve të fundit
Rreth 70.250 ton naftë u prodhua nga kompania publike e nxjerrjes të naftës Albpetrol gjatë vitit 2024, një sasi thuajse e njëjtë në raport me 2 vitet e......
Britania zbut rregullat tatimore për të huajt e pasur - Masa synon të parandalojë largimin e miliarderëve nga vendi
Mbretëria e Bashkuar do të zbusë disa ndryshime të planifikuara në rregullin e saj të diskutueshëm të taksave për të huajt, pas shqetësimeve për një eksod......
Ku i blejmë veglat e punës? Nga Kina tek SHBA, 64 vende të botës furnizojnë Shqipërinë
Shqipëria importon vegla dhe pajisje pune nga 64 vende të ndryshme të botës, duke përfshirë disa prej ekonomive më të mëdha globale. Të dhënat tregojnë një......
“Rrëzohet” miti i kulturës financiare/ Shqiptarët zotërojnë njohuri të mira, por kanë përfshirje të ulët
Sipas “Vrojtimit mbi Kulturën Financiare të të Rriturve në Shqipëri”, zhvilluar nga Banka e Shqipërisë rezulton se indeksi i kulturës finaciare të individëve......
Banka e Zhvillimit, shteti me 51% të aksioneve/ Pr/ligji: Do të operojë si shoqëri tregtare me degë brenda dhe jashtë vendit
Banka e Zhvillimit do të operojë si shoqëri tregtare dhe do të përjashtohet nga zbatimi i dispozitave të ligjit që rregullon bankat. Sipas projektligjit,......
