Ligji i ndihmës shtetërore në konsultim publik, mbikqyrje nga një autoritet i pavarur
Qeveria synon të kalojë kontrollin e ndihmës shtetërore në një autoritet të pavarur, që do të ngrihet pas ndryshimeve në ligjin “Për ndihmën shtetërore”, të nxjerra tashmë për konsultim publik. Relacioni shpjegon se ndryshimet synojnë afrimin e sistemit vendas me standardet e Bashkimit Europian.
Sipas draftit, “Autoriteti për Kontrollin e Ndihmës Shtetërore është organ publik, i pavarur në kryerjen e detyrave të veta”.
Drafti parashikon shfuqizimin e Komisionit të Ndihmës Shtetërore dhe transferimin e kompetencave te një strukturë e re e organizuar me Këshill Drejtues dhe Sekretariat.
Këshilli Drejtues do të përbëhet nga pesë anëtarë me mandat 5-vjeçar, të zgjedhur nga Kuvendi, ndërsa kandidaturat do të propozohen nga Presidenti, Këshilli i Ministrave dhe Kuvendi.
Projektligji vendos kritere të reja për anëtarët, përfshirë minimumi 10 vite eksperiencë profesionale dhe njohuri të dokumentuara të legjislacionit të Bashkimit Europian për ndihmën shtetërore.
Drafti kërkon gjithashtu vetëdeklarim për mungesë funksionesh drejtuese në parti politike gjatë pesë viteve të fundit, deklarim të interesave ekonomikë dhe verifikim pranë ILDKPKI-së dhe organeve tatimore.
Në dokument përcaktohet se anëtarët e Këshillit “nuk mund të ushtrojnë asnjë funksion tjetër publik ose privat” që cenon pavarësinë dhe paanshmërinë e tyre.
Një nga ndryshimet e ligjit lidhet me vendosjen e gjobave administrative ndaj ndërmarrjeve që nuk bashkëpunojnë me autoritetin ose japin informacion të pasaktë.
Sipas draftit, Këshilli Drejtues mund të vendosë gjoba deri në 1% të qarkullimit total vjetor të ndërmarrjes ose grupit të ndërmarrjeve, në rastet kur subjektet japin “informacion të pasaktë ose mashtrues”.
Projektligji parashikon gjithashtu gjoba periodike deri në 5% të xhiros mesatare ditore për çdo ditë vonese deri në dorëzimin e informacionit të kërkuar.
Gjoba do të konsiderohen titull ekzekutiv dhe do të zbatohen sipas dispozitave të Kodit të Procedurave Civile.
Drafti i jep autoritetit kompetenca për të “urdhëruar kthimin e ndihmës së paligjshme dhe të palejueshme”, si dhe për të mbikëqyrur përdorimin dhe rezultatet ekonomike të ndihmës shtetërore. Po keshtu drafti parashikon edhe nje term per ndihmen per shpetim qe i referohet një ndërmarrje në vështirësi, për një periudhë kohore, gjatë së cilës duhet të përgatitet plani i ristrukturimit ose i likuidimit.
Projektligji parashikon që autoriteti të financohet përmes një zëri të veçantë në Buxhetin e Shtetit, ndërsa Kuvendi do të miratojë nivelet e tarifave për shërbimet e tij.
Në draft thuhet se shteti garanton “burime njerëzore, financiare dhe teknike të mjaftueshme” për funksionimin e institucionit.
Ndryshimet përfshijnë edhe forcimin e rregullave për konfliktin e interesit dhe ndalimin për ish-anëtarët që të përfaqësojnë subjekte private përpara autoritetit për një periudhë dyvjeçare pas largimit nga detyra.
Projektligji ngarkon gjithashtu Këshillin Drejtues të miratojë udhëzimet për zbatimin e ligjit “në përputhje me angazhimet e marra nga Republika e Shqipërisë në marrëveshjet ndërkombëtare”, duke përfshirë Traktatin për Funksionimin e Bashkimit Europian.
“ECOFIN, dialogu vjetor me BE, zv.guvernatorja Ahmetaj: Ekonomia shqiptare po i përballon goditjet e jashtme
Zëvendësguvernatorja e Bankës së Shqipërisë, zj. Natasha Ahmetaj, mori pjesë në takimin e nivelit të lartë “Dialogu vjetor Ekonomik dhe Financiar midis BE-së......
Hendeku financiar për klimën, 93% - Plani i përshtatjes 9.8 mld USD, Jaupaj: Gjetja e financimit është sfidë
Vendi ynë përballet me një hendek të madh financiar për përballimin e efekteve të ndryshimeve klimatike. Sipas Planit Kombëtar për Përshtatjen ndaj......
5.8 mld lekë për bypass-in e Elbasanit - ARRSH hap tenderët për 2 fazat e para, synohet ulja e trafikut në Bradashesh
Me nje fond limit prej gati 5.8 mld lekë, Autoriteti Rrugor Shqiptar ka hapur 2 procedura tenderuese për ndërtimin e rrugës lidhëse Tiranë – Elbasan, me......
“Nëse çmimet rriten, masa për pensionistët”/ Akti për akcizën e naftës, Malaj: E kemi aplikuar dy herë
Nga 16 mbledhje të Bordit të Transparencës, për vendosjen e çmimit tavan të shitjes së karburanteve, në dy raste është aplikuar niveli i reduktuar i akcizës......
“Shqipëria nuk rrezikohet nga mungesa e naftës” - Karakaçi: Synojmë që rezervat të manaxhohen nga shteti
Shqipëria nuk rrezikohet nga mungesa e furnizimit me hidrokarbure. Këtë e garantoi ministri i Infrastrukturës dhe Energjisë, Enea Karakaçi gjatë një......
Sa fitohet nga Airbnb në Durrës? Vollga, Currila dhe Gjiri i Lalëzit kryesojnë tregun e qirave ditore
Tregu i apartamenteve me qira ditore në Durrës po shfaqet gjithnjë e më fitimprurës gjatë sezonit veror, me listimet premium në Airbnb që arrijnë të......
Jet Bank në qendër të debatit në Kuvend - Ismaili: Licencimi nuk është kompetencë e qeverisë, por e Bankës së Shqipërisë
Siguria e bankës së parë 100% digjitale në Shqipëri, Jet Bank, ka qenë fokusi i interpelancës së parë të seancës plenare të Kuvendit, e kërkuar nga deputeti......
Kongresi Botëror i Ligjit në Tiranë - Rama: Jemi të vendosur për të mbështetur vazhdimësinë e drejtësisë së re
Në Tiranë ka nisur Sesioni i hapjes së Kongresit Botëror të Ligjit, ngjarja e cila do të mbledhë vitin e ardhshëm në Shqipëri personalitetet më të......
