Kriteret e aplikimit për fondin 52 milionë euro në bujqësi - Afati i fundit deri më 6 Korrik, rastet kur skualifikohen fermerët
Mbi 40 mijë fermerë kanë aplikuar deri më tani masat e mbështetjes direkte përmes Skemës Kombëtare në Bujqësi, ndërsa afati është shtyrë deri më 6 Korrik nga 26 qershor që ishte parashikuar në udhëzim. Por kush përfiton dhe cilat janë kriteret përjashtuese?
Referuar udhëzimit të Ministrisë së Bujqësisë, përfitues sipas masave mbështetëse mund të jenë fermerët individualë, personat fizikë, personat juridikë dhe Shoqëritë e Bashkëpunimit Bujqësor (SHBB).
Fermerët individualë duhet të jenë të pajisur me NIPT-in e fermerit me status aktiv, ndërsa SHBB-të, personat fizikë dhe juridikë të jenë të pajisur me NIPT/NUIS me status aktiv, sipas fushës së veprimtarisë që përfshin aktivitetin për të cilin aplikojnë.
Për masat mbështetëse 1-8, përfituesi me status fermer individual duhet të ketë bërë shlyerjen korente të sigurimeve shoqërore. Faturat për masat mbështetëse direkte në përputhje me kriteret përkatëse, duhet të jenë të lëshuara gjatë periudhës 2025-2026.
Financimi i shumës së përfituar bëhet në banka e nivelit të dytë, në llogarinë bankare të deklaruar nga përfituesi në formularin e aplikimit dhe përfituesi nuk duhet të jetë debitor ndaj Agjencisë së Zhvillimit Bujqësor dhe Rural dhe Ministrisë së Bujqësisë.
Aplikanti angazhohet të përmbushë kushtëzimet (SMR dhe GAEC) e përfitimit të pagesave, sipas masave mbështetëse dhe përmbushja e angazhimeve kontrollohet në terren nga specialisti/inspektori i ngarkuar. Mospërmbushja e angazhimeve për vitin 2026, nuk përbën kriter skualifikues dhe nuk shoqërohet me zvogëlim të pagesave për masën përkatëse. Megjithatë, sipas rastit, specialisti/inspektori paralajmëron aplikantin për zvogëlim potencial të pagesave në të ardhmen dhe aplikim sanksionesh, sipas kuadrit ligjor kombëtar në fuqi.
Për masat mbështetëse të investimeve nr. 10, nr. 11 dhe nr. 12, punimet e ndërtimit, pajisjet, makineritë dhe faturat/aktet e zhdoganimit duhet të jenë pas datës së lidhjes së kontratës. Të gjitha mallrat, makineritë dhe pajisjet duhet të jenë të reja dhe të papërdorura. Financimi për masat e investimeve jepet deri në vlerën e tregut të përllogaritur nga AZHBR, pa përfshirë TVSH-në.
Përfituesi nga masat e investimeve me statusin fermer individual të ketë shlyer sigurimet shoqërore.
Aplikantët për masat e investimeve do të përjashtohen nga përfitimi i fondeve publike nëse janë dënuar, me vendim gjyqësor të formës së prerë për: pjesëmarrje në një organizatë kriminale, korrupsion aktiv ose pasiv, mashtrim, pastrim të parave, falsifikim dokumentesh, shpërdorim detyre, përvetësim fondesh publike ose private, evazion fiskal, pjesëmarrje në një organizatë terroriste ose kryerje të veprave me qëllime terroriste, fshehje të ardhurash ose deklarim i rremë financiar, falimentim i rremë (falimentim mashtrues), kontrabandë ose tregti e paligjshme dhe çdo veprimtari tjetër të paligjshme që dëmton interesat ekonomike ose financiare publike.
Aplikimet për masat 1-8 bëhen përmes e-Albania, ndërsa për masat 10-12 bëhet me dorëzim të dosjeve fizike pranë AZHBR.
Gara për universitetin nis në korrik - Maturantët zgjedhin deri në 10 degë në 3 raunde konkurrimi
Pas përfundimit të provimeve të Maturës Shtetërore, maturantët dhe kandidatët që synojnë të ndjekin studimet e larta duhet të përgatiten për fazën e......
Kordinimi rajonal i energjisë, OST nënshkruan në Selanik marrëveshjen e bashkëpunimit me SEleNe CC
Operatori i Sitemit të Transmetimit, OST ka nënshkruar në Selanik një marrëveshje bashkëpunimi me SEleNe CC, e cila është Qendra e Koordinimit Rajonal (RCC)......
Banka e Shqipërisë me plan të ri për pagesat digjitale, Sejko: Cash-i mbetet sfidë për ekonominë
Nga ulja e kostove të transfertave në euro pas anëtarësimit në SEPA, te rritja e pagesave digjitale dhe projektet për pagesa të menjëhershme, Guvernatori i......
Plazhet publike, ministri Gonxhja: Tipologji të ndryshme dhe pagesa të ndryshme sipas kostos
Ministri i Turizmit, Kulturës dhe Sportit, Blendi Gonxhja, foli pas mbledhjes së Qeverisë, për plazhet publike me pagesë. Gonxhja tha se plazhet publike po......
Vendimi i Qeverisë: Nga 1 korriku 2026 pensionet indeksohen me 2.7%, përfitojnë 900 mijë qytetarë
Sipas vendimit, pensionet urbane të pleqërisë shtohen me afro 543 lekë në muaj, nëse marrim si referencë vlerën mesatare të kësaj kategorie që në fund të......
AKSK paralajmëron qytetarët: Kujdes nga mesazhet mashtruese për gjoba trafiku
Autoriteti Kombëtar për Sigurinë Kibernetike (AKSK) ka paralajmëruar qytetarët të tregojnë kujdes ndaj një skeme mashtrimi që po qarkullon përmes mesazheve......
Të ardhurat nga qiradhënia në 2025 ishin 221 milionë lekë - AAPSK: Fondet po mbështesin drejtësinë
Agjencia e Administrimit të Pasurive të Sekuestruara dhe të Konfiskuara (AAPSK) mori pjesë sot në Simpoziumin Kombëtar “Nga Konfiskimi te Interesi Publik:......
Cilat qarqe kanë punësimin më të lartë? Durrësi kryeson në industri, ndërsa Tirana mbetet qendra e shërbimeve
Struktura e punësimit në Shqipëri gjatë vitit 2025 tregon një ndarje të qartë mes qarqeve sa i përket sektorëve kryesorë të ekonomisë. Të dhënat tregojnë se......
