Kredi me 2% interes dhe 70% kolateral të mbuluar - Kush përfiton nga instrumenti i Garancisë Sovrane në bujqësi?
Fermerëve dhe agrobizneseve të cilët kanë një plan investimi në bujqësi, blegtori, agropërpunim, mekanizimin e bujqësisë, turizëm rural dhe akuakulturë detare, u jepet mundësia për të aplikuar pranë bankave të nivelit të dytë për Kredi të butë me normë interesi 2% si dhe Garanci Sovrane me 70 % kolateral të mbuluar.
Garancia Sovrane me fond prej 3 miliardë lekësh, ose 30 milionë euro është një instrument i cili është vendosur në shërbim të sektorit privat me qëllim lehtësimin e aksesit në financë për fermerët dhe Ndërmarrjet e Vogla dhe të Mesme.
Synimi i këtyre instrumenteve është akses më i lartë financiar me fokus investimet që rrisin kapacitetin dhe cilësinë prodhuese në aktivitetet bujqësore.
Qeveria shqiptare ka lidhur marrëveshje me 11 banka tregtare në vend për të bërë të mundur aplikimin e garancisë sovrane në sektorin bujqësor.
Garancia stimulon huadhënien nga bankat për ti mundësuar ndërmarrjeve mikro, të vogla dhe të mesme në sektorin e bujqësisë si dhe fermerëve të pajisur me NPT, investime për asete fizike dhe teknologjike që rritin kapacitetet prodhuese, cilësinë e prodhimit dhe eficiencën operacionale të tyre.
Sipas marrëveshjes, qeveria merr përsipër të paguajë 70 % të huasë së marrë nga bankat në rastin kur nuk shlyhet nga huamarrësi, por nuk merr përsipër garantimin e interesave, kamatëvonesave dhe penaliteteve apo çdo lloj detyrimi tjetër monetar që buron nga huatë.
Referuar marrëveshjes, totali i kredive të dhëna nga bankat për një huamarrës nuk duhet të kalojë vlerën prej 250 mijë euro dhe afati i kredisë nuk mund të jetë më i ulët se tre vjet dhe më i lartë se 5 vjet.
Që të kualifikohen për kredi, subjektet duhet të plotësojnë disa kritere të përcaktuara në marrëveshje.
Konkretisht, aplikanti duhet të jetë subjekt që zhvillon aktivitetin si ndërmarrje mikro, e vogël, e mesme apo fermer me nipt aktiv; të jetë i regjistruar në Qendrën Kombëtare të Biznesit; nuk duhet të ketë detyrime të papaguara në momentin e aplikimit; nuk duhet të ketë kredi me probleme; përfaqësuesi i subjektit nuk duhet të jetë gjykuar me vendim të formës së prerë për mashtrim, korrupsion përfshirje në një organizatë kriminale apo çdo lloj veprimtarie tjetër të paligjshme që dëmton interesat financiare të fondeve publike si dhe nuk duhet të ketë detyrime në historik dhe në momentin aktual ndaj Ministrisë së Financave që rrjedhin nga skema të mëparshme të garancive shtetërore.
Kriteret që duhet të plotësojnë aplikantët
Të jetë ndërmarrje mikro, e vogël, e mesme, apo fermer me nipt aktiv
Të jetë i regjistruar në Qendrën Kombëtare të Biznesit
Nuk duhet të ketë detyrime të papaguara në momentin e aplikimit
Përfaqësuesi i subjektit nuk duhet të jetë gjykuar me vendim të formës së prerë
Nuk duhet të ketë detyrime në historik dhe në momentin aktual
Kursi i këmbimit/ Çfarë po ndodh me Dollarin amerikan?
Dollari amerikan ka vijuar edhe këtë të mërkurë të ndjekë një trend rënës duke regjistruar sërish pikë nga dita e djeshme teksa është blerë sot me 80.5 lekë......
Garancia sovrane në bujqësi, interes të ulët - Financat, Bujqësia dhe BSH, takim me bankat: Orientoni fermerët drejt skemës
Disa muaj pas hapjes së dritës jeshile të garancinë sovrane në bujqësi, ka nisur dhe interesi i biznese agro-përpunuese për të përfituar nga kjo skemë me......
Në Tiranë, 80% e banesave shiten 80 mijë-250 mijë euro/ Dinamika të reja në tregun imobiliar. Por, si ka nisur viti 2026?
Sipas studimit të Investropa, bazuar në të dhënat e mbledhura nga burime autoritative si Banka e Shqipërisë dhe INSTAT, çmimi mesatar i një shtëpie në Tiranë......
Vendimet e legalizimit tashmë online në e-Albania - ASHK: Procedurë e shpejtë drejt titullit të pronësisë
Agjencia Shtetërore e Kadastrës njofton se vendimet për legalizimin e ndërtimeve informale do t’u dërgohen qytetarëve drejtpërdrejt në profilin e tyre në......
SHBA forcon lidhjet me Azerbajxhanin dhe Armeninë - Synimi, korridori i tranzitit “Rruga Trump për Paqe dhe Prosperitet Ndërkombëtar”
Zëvendëspresidenti i SHBA-së, JD Vance, nënshkroi një partneritet strategjik me Presidentin e Azerbajxhanit, Ilham Aliyev, në Baku gjatë një vizite historike......
Zero hua për çelje biznesi në 2025/ Bizneset mbështeten te overdrafti, 42% e kredisë shkon për likuiditet
Në vitin 2025, kreditimi për bizneset në Shqipëri ka shënuar rritje të ndjeshme, duke arritur në 296.2 miliardë lekë, nga 268.9 miliardë lekë një vit më......
IA rrëmben investitorët, shitja e obligacioneve 20 mld USD - Alphabet financon shpenzimet në inteligjencën artificiale
Kompania mëmë e Google- Alphabet, bëri me dije për publikun e gjerë se ka shitur obligacione me vlerë 20 miliardë dollarë në një ofertë me shtatë pjesë, duke......
“Të ulen urgjentisht çmimet e energjisë” - Apeli i kancelarit austriak për Komisionin Europian
“Udhëheqësit e BE-së duhet të përqendrohen urgjentisht në uljen e çmimeve të energjisë që po e dobësojnë industrinë”, tha kancelari i Austrisë përpara një......
