Korridori VIII, miratohet kontrata financiare me BEI - Këshilli i Ministrave, miraton edhe marrëveshjen e grantit
Në mbledhjen e fundit të Këshillit të Ministrave, është miratuar në parim, kontrata financiare, ndërmjet Republikës së Shqipërisë dhe Bankës Evropiane për Investime, për projektin “Infrastruktura hekurudhore e Korridorit VIII, faza 1–Shqipëri”. Në këtë vendim thuhet se:
Në mbështetje të nenit 100 të Kushtetutës, të neneve 26 e 27, të ligjit nr.9665, datë 18.12.2006, “Për huamarrjen shtetërore, borxhin shtetëror dhe garancitë shtetërore të huas në Republikën e Shqipërisë”, të ndryshuar, dhe të nenit 10, të ligjit nr.43/2016, “Për marrëveshjet ndërkombëtare në Republikën e Shqipërisë”, të ndryshuar, me propozimin e Zëvendëskryeministrit dhe ministër i Infrastrukturës dhe Energjisë dhe të ministrit të Financave, Këshilli i Ministrave vendosi:
1. Miratimin, në parim, të kontratës financiare, ndërmjet Republikës së Shqipërisë dhe Bankës Evropiane për Investime, për projektin “Infrastruktura hekurudhore e korridorit VIII, faza I-Shqipëri”, sipas tekstit që i bashkëlidhet këtij vendimi.
2. Miratimin, në parim, të Deklaratës së Nderit, sipas tekstit që i bashkëlidhet këtij vendimi.
Gjithashtu është miratuar në parim dhe marrëveshja e grantit, ndërmjet Republikës së Shqipërisë dhe Bankës Evropiane për Investime, për projektin “Infrastruktura hekurudhore e Korridorit VIII, faza I– Shqipëri”
Në mbështetje të nenit 100 të Kushtetutës dhe të nenit 10, të ligjit nr.43/2016, “Për marrëveshjet ndërkombëtare në Republikën e Shqipërisë”, të ndryshuar, me propozimin e Zëvendëskryeministrit dhe ministër i Infrastrukturës dhe Energjisë dhe të ministrit të Financave, Këshilli i Ministrave
Miratimin, në parim, të marrëveshjes së grantit, ndërmjet Republikës së Shqipërisë dhe Bankës Evropiane për Investime, për projektin “Infrastruktura hekurudhore e korridorit VIII, faza I-Shqipëri”, sipas tekstit që i bashkëlidhet këtij vendimi.
BE është duke zbatuar strategjinë “Global Gateway” që lidh vendet dhe rajonet në mbarë botën, duke nxitur investimet publike dhe private në një rrjet global të transportit dhe zinxhirëve të furnizimit. Linja hekurudhore e projektit të rehabilitimit, ndjek atë ekzistuese dhe pas përfundimit të punimeve parashikohet që trenat të kenë një shpejtësi 120 kilometra/orë.
Ky korridor u përfshi në rrjetin kryesor të transporit transeuropian, i njohur si TEN T, duke i dhënë prioritet financimit të tij. Maqedonia e Veriut dhe Shqipëria po përmirësojnë linjat ekzistuese dhe po ndërtojnë hallkat që mungojnë përgjatë korridorit, me qëllim shkurtimin e distancave fizike dhe zhvendosjen e sa më shumë pasagjerëve dhe mallrave përmes mënyrave të qëndrueshme të transportit.
Këto investime po shoqërohen me masa reformuese për përmirësimin e konkurrueshmërisë së sektorit hekurudhor. Strategjia e Portës Globale lidh vendet dhe rajonet në mbarë botën duke inkurajuar investimet publike dhe private në një rrjet global të transportit dhe zinxhirëve të furnizimit, energjisë së gjelbër, telekomunikacionit modern, arsimit dhe kërkimit. Korridori VIII është një nga korridoret pan-evropiane, i cili përfshin si infrastrukturën rrugore dhe hekurudhore, dhe është konceptuar për të lehtësuar shkëmbimin e mallrave dhe pasagjerëve midis vendeve të BE-së, shteteve të Ballkanit që kanë dalje në Detin e Zi dhe Detin Kaspik.
Në buxhetin 2025 u parashikua të financohen rreth 88 milionë euro për Korridorin VIII, nyja më e rëndësishme rrugore në vend. Financimi për 14 lote të Korridorit VIII zë 26.6% të fondeve të brendshme për transportin rrugor. 8 lote punimesh do të financohen për zgjerimin e Elbasan -Qafë Thanë që kushtojnë 3,4 miliardë lekë.
Ndërsa 6 lote të tjera financohen për ndërtimin e segmenteve me drejtim nga Durrësi, Elbasan -Papër dhe Papër -Ura e Grykshit me 5,4 miliardë lekë financim. Vlera e plotë e këtyre 6 loteve është 15 miliardë lekë ose 150 mln euro në një gjatësi rreth 35 km.
Aksi tjetër vijues i Korridorit VIII është rruga Tiranë – Elbasan që ka përfunduar tashmë, ndërkohë që kanë përfunduar ndërtimi i By-pass-it të Fierit dhe të Vlorës që ndihmojnë qarkullimin lindje perëndim. Në pjesën shqiptare, pika dalëse në Maqedoni e Korridorit VIII do të jetë Ura e Bushtricës në Përrenjas, për të shmangur lartësinë që krijon dalja në Qafë-Thanë.
Pak dite më par, kryeministri Edi Rama dhe zëvendëskryeministrja Belinda Balluku, inspektuan një nga kantierët më të rëndësishëm të Korridorit VIII, ku po ndërtohen dy tunele me gjatësi totale prej 1.1 km. Këto tunele do të lidhin qytetet e Elbasanit dhe Librazhdit, duke mundësuar përmirësimin e infrastrukturës dhe lidhjen më të mirë midis këtyre dy zona. Zv.kryeministrja Balluku, e cilësoi këtë projekt si një nga kantierët më të rëndësishëm të korridorit, duke theksuar rëndësinë e ndërtimit të këtyre tuneleve.
Projekti konsiderohet një investim strategjik për infrastrukturën e vendit, duke lehtësuar kështu dhe lidhjet rrugore. Korridorit VIII do të lidhë portet e Italisë, me portet e Varnës dhe Burgasit duke kaluar përmes Shqipërisë, Maqedonisë së Veriut dhe Bullgarisë. Në territorin shqiptar ai shtrihet në rreth 154 km.
Sondazh
Rreth 2.2 mld lekë për sigurimin e makinës - AMF: 12% më shumë prime në dy muajt e parë të vitit
Gjatë dy muajve të parë të vitit, shqiptarët kanë paguar 2.2 miliardë lekë për sigurimin e makinës. Të dhënat më të fundit nga Autoriteti i Mbikëqyrjes......
Çfarë është “Karta Blu” për të huajt që duan punë? - Aplikimi përmes e-Albania edhe për punonjës sezonalë
Qeveria ka propozuar lehtësira për të huajt që dëshirojnë të punësohen në Shqipëri. Dokumenti parashikon dhënien e kartës blu për profesionistët, por jnë......
Shqipëria, pjesë e rrjetit të vendeve që zbatojnë ISO 20022 - Standard i ri ndërkombëtar, hap drejt modernizimit të sistemit financiar
Banka e Shqipërisë ka hedhur një hap të rëndësishëm drejt modernizimit të sistemit financiar, duke u bërë pjesë e listës së institucioneve financiare në......
3 frekuenca në javë me fluturime direkte Tiranë - Tel Aviv - Diskutime për fluturime direkte edhe me Slloveninë
Shqipëria dhe Izraeli kanë nisur zyrtarisht fluturimet direkte me një frekuencë prej 3 fluturimesh në javë. Ndërkohë, pas lidhjes ajrore Tiranë - Tel Aviv,......
Gazsjellësi TAP ndryshon aksionerët - Zviceranët blejnë 5%, ndarja e re e aksioneve mes 6 kompanive
Gazsjellësi Trans Adriatik ka shitur aksione jokontrolluese gjatë vitit 2024, duke ndryshuar strukturën e aksionerëve. Sipas të dhënave nga Enti Rregullator......
Sa “kujdeset” administrata për të dhënat e qytetarëve? - Anketa në institucionet publike në vend, vetëm 44 % zbatojnë ligjin
Ruajta e të dhënave personale të qytetarëve vijon të jetë sfidë për vendin sa i takon zbatimit të legjislacionit nga ana e institucioneve publike dhe......
Gara në shtet, 17 aplikime për një “karrige”/ 34 vjeç mosha mesatare e aplikantit, 40 vjeç për t’u ngritur në detyrë
Sipas shifrave referuar raportit vjetor të Departamentit të Administratës Publike, për vitin 2024 ka patur mesatarisht rreth 17.55 aplikime për një pozicion......
452.8 mln lekë shtesë për Samitin e Komunitetit Politik Evropian - Organizimi më 16 maj 2025, Shqipëria rol qendror në axhendën evropiane
Këshilli i Ministrave ka miratuar fonde shtesë për përballimin e shpenzimeve të organizimit të takimit të nivelit të lartë të Komunitetit Politik Evropian në......
