Konkurs ndërkombëtar për rehabilitimin e “Aquapark Tirana” - Synohen më shumë hapësira të reja sportive dhe rekreative
Bashkia Tiranë ka shpallur hapjen e tenderit për konkursin e projektimit dhe shërbimet e lidhura për rehabilitimin e “Aquapark Tirana”.
“Aquapark i Tiranës” ndodhet në zonën jugore të qytetit, pranë digës së Liqenit Artificial të Tiranës. Akuadromi dhe pishinat publike të Tiranës kanë qenë gjithmonë një pjesë e rëndësishme e jetës së kryeqytetit, duke shërbyer si qendër për aktivitetet sportive, kulturore dhe rekreative për komunitetin lokal dhe vizitorët.
Sipas dokumentit të publikuar në Agjencinë e Prokurimit Publik, për të ringjallur këtë hapësirë të çmuar dhe për ta përshtatur atë me nevojat bashkëkohore, organizohet një konkurs ndërkombëtar për projekt-ide që do të sjellin një vizion të ri për Akuadromin e Tiranës. Konkursi synon të krijojë një hapësirë shumëfunksionale që do të shërbejë për një gamë të gjerë aktivitetesh sportive, kulturore dhe rekreative gjatë gjithë vitit.
Nëpërmjet rikonceptimit të akuadromit të Tiranës, kërkohet të rikuperohet një aset me vlerë i jetës publike të kryeqytetit, e cila lidhet ngushtë me natyrën, sportin e kohën e lirë në përgjithësi. Projekti i rindërtimit të akuadromit të Tiranës ka në fokus mbi të gjitha të rinjtë, nëpërmjet krijimit të kushteve të përshtatshme për zhvillimin e aftësive të tyre sportive dhe forcimin e ndjenjës komunitare e lidhjeve shoqërore.
Ky projekt paraqet gjithashtu një rast të mirë për të rikonceptuar jo vetëm arkitekturën e ndërtesave por edhe atë të peisazhit dhe hapësirës publike nëpërmjet zgjidhjeve novatore, që favorizojnë fleksibilitetin në përdorim përtej funksionit të përcaktuar të objektit. Gjithashtu, ky konkurs ka për qëllim rivitalizimin e hapësirës së Akuadromit, duke krijuar një ambient që mundëson një shumëllojshmëri aktivitetesh dhe nevojash për vizitorët. Projekti do të sjellë risi bashkëkohore për këtë kompleks, të përshtatshme për të gjitha stinët, duke e bërë Akuadromin një destinacion të gjallëruar dhe të rëndësishëm për qytetarët e Tiranës dhe vizitorët e tjerë.
Ndërkohë, procesi i konkurimit do të zhvillohet në dy faza, ku në fazën e parë do të shqyrtohet procesi i pranueshmërisë, ndërsa në fazën e dytë do të bëhet dorëzimi i propozimeve për ide projektimi. Juria do të shpallë ekipin fitues bazuar në përzgjedhjen e propozimit më të mirë.
Sondazh
Ministri Hoxha merr pjesë në Samitin për Sigurinë Kufitare në Angli
Në dy ditët e ardhshme, në Londër mbahet Samiti për Sigurinë Kufitare, “Krimi i Organizuar i Emigracionit”, ku marrin pjesë përfaqësues nga rreth 40......
Si ka është mbyllur ky muaj për valutat kryesore?
Dollari amerikan ka regjistruar rënie të vlerës këtë fund muaji duke u blerë sot me 90.8 lekë dhe duke u shitur me 92.1 lekë në raport me javën që lamë pas......
Franca dhe Kina, pranë zgjidhjes për konjakun - Pekini shtyn vendimin për tarifat mbi importet evropiane
Ministri i Jashtëm i Francës ka thënë se Franca dhe Kina po bëjnë përparim drejt zgjidhjes së mosmarrëveshjes tregtare për importet e konjakut. Jean-Noël......
Denaj reagon për filetot me salmonelë: S’bëhet politikë me ushqimin, e kemi çuar rastin para institucioneve
Autoriteti Kombëtar i Ushqimit e ka kryer detyrën e saj sipas protokolleve dhe është angazhuar për të garantuar sigurinë ushqimore Ministrja për Bujqësinë......
Kina, lider i energjisë së rinovueshme- Dominon me 64% të zgjerimit total në vitin 2024
Burimet e rinovueshme përbënin mbi 92.5% të zgjerimit të energjisë globale në vitin 2024, me 585 GW shtesa të kapacitetit, tha Agjencia Ndërkombëtare e......
Greqia, 5 miliardë euro për “IA” -Synon ndërtimin e një qendre të dhënash 300 MW
Ndërmarrja e kontrolluar nga shteti grek Public Power Corp. synon të bëhet një lojtar kyç në zhvillimin e qendrave të të dhënave dhe inteligjencës......
“Vetëm 500 miliardë euro për mbrojtjen” -Raporti “kufizon” shpenzimet e mundshme të BE-së deri në 2030
Vendet e Bashkimit Evropian duhet të jenë në gjendje të shpenzojnë vetëm rreth 500 miliardë euro për mbrojtjen në vitet e ardhshme, sipas agjencisë amerikane......
“Qendrat e strehimit të përdoren për riatdhesim”- Italia miraton dekretin për strukturat e emigrantëve në Shqipëri
Këshilli i Ministrave në Itali ka miratuar dekretin për t’i shndërruar qendrat e strehimit në Shqipëri në ambiente riatdhesimi. Operacioni është bllokuar......
