Konglomeratet financiare “nën lupë” - Kontroll i përbashkët për grupet që operojnë në disa sektorë financiarë njëkohësisht
Grupet e mëdha financiare do të jenë tashmë nën mbikëqyrje të integruar nga Banka e Shqipërisë dhe Autoriteti i Mbikëqyrjes Financiare (AMF). Të ashtuquajtura konglomerate financiare ekzistojnë edhe në Shqipëri, dhe përfshijnë rastet kur brenda një grupi financiar operojnë banka, kompani sigurimi, fonde investimi dhe institucione të tjera që ofrojnë shërbime financiare.
Ministria e Financave sapo ka publikuar për konsultim publik një projektligj që synon të përmirësojë klimën e përgjithshme të sigurisë financiare në vend dhe të përafrojë legjislacionin tonë me atë të Bashkimit Evropian në këtë fushë.
Aktualisht, korniza ligjore shqiptare nuk parashikon mbikëqyrje të konsoliduar për konglomeratet financiare, pasi Banka e Shqipërisë mbikëqyr veçmas institucionet bankare dhe subjekte të tjera financiare jo bankare, ndërsa Autoriteti i Mbikëqyrjes Financiare mbikëqyr tregun e sigurimeve, tregun e titujve dhe tregun e fondeve. Pra, mungon një mekanizëm i integruar për të mbikëqyrur tërësinë e një grupi kur ky grup operon në disa sektorë njëkohësisht.
Me anë të këtij projektligji synohet të parandalohet “përdorimi i dyfishtë i kapitalit”, pra situata kur i njëjti kapital llogaritet njëkohësisht si kapital rregullator në disa subjekte të grupit, si dhe të kufizohet leverazhi i tepruar brenda grupit, që mund të krijohet kur një shoqëri mëmë huazohet për të financuar kapitalin e shoqërive bija. Ngritja e një sistemi efektiv bashkëpunimi midis Bankës së Shqipërisë (BSH) dhe Autoritetit të Mbikëqyrjes Financiare (AMF), dy rregullatorët kryesorë sektorialë, për mbikëqyrjen e integruar të konglomerateve, është gjithashtu pjesë e këtij projektligji.
Mungesa e një ligji të tillë deri më tani ka krijuar hapësirë për pasiguri juridike dhe rreziqe të pa menaxhuara në sektorin financiar. Miratimi i tij do të krijojë kushte të barabarta loje midis grupeve financiare shqiptare dhe atyre të vendeve të BE-së, duke u mundësuar subjekteve tona të operojnë në përputhje me të njëjtat standarde prudenciale, si dhe duke e afruar sistemin tonë financiar me tregun e brendshëm evropian.
Hekurudha, 1 mld lekë shpenzime - Realizimi i buxhetit, projektet që u financuan gjatë vitit 2025
Hekurudha shqiptare shpenzoi rreth 1 mld lekë gjatë vitit 2025, sipas pasqyrës së realizimit të buxhetit të publikuar nga ky dikaster. Sipas dokumentit,......
Koçiu: Aksione pastrimi nga pikat kufitare deri në destinacionet kryesore turistike
Zëvendëskryeministrja Albana Koçiu informoi sot përmes rrjeteve se në prag të nisjes së sezonit të ri turistik, në të gjithë Shqipërinë kanë nisur aksione të......
Mali i Zi, Maqedonia dhe Turqia “heqin dorë” nga Shqipëria/ Fluksi i të huajve zbehet në fillimvit, rajoni jep goditjen kryesore
Pas sinjalit të dhënë nga shifrat e përgjithshme të INSTAT për ngadalësimin e hyrjeve të shtetasve të huaj në Shqipëri, statistikat sipas shteteve tregojnë......
Demo: Pas sulmit kibernetik shërbimet e Postës Shqiptare vijojnë normalisht
Ministri i Shtetit për Pushtetin Vendor, Ervin Demo, bëri të ditur se institucionet përgjegjëse po zhvillojnë një analizë të detajuar mbi ngjarjen e ndodhur......
“Rivlerësim i shpejtë i çmimit të barnave” – Sala: Shmangim rrezikun për mungesa në listën e rimbursimit
Këshilli i Ministrave miratoi sot disa ndryshime në vendimin “Për ngritjen dhe mënyrën e funksionimit të Komisionit të Çmimit të Barnave”. Në një prononcim......
Miratohen zonat prioritare në Pukë, Lezhë dhe Bulqizë/ Demo: 500 aplikime deri tani për Paketën e Maleve
Qeveria miratoi sot përfshirjen edhe të tre bashkive të tjera, Pukë, Lezhë dhe Bulqizë, në Paketën e Maleve, duke zgjeruar më tej këtë nismë për zhvillimin e......
Blendi Gonxhja: Prioritet, konsolidimi i rritjes së turizmit në mënyrë cilësore dhe përmes investimeve
Gjatë fjalës së tij në forumin e biznesit “Match-maker Albania”, Ministri i Turizmit, Kulturës dhe Sporteve, Blendi Gonxhja, tha se gjatë viteve të fundit,......
Tarifat e Trump, pak ndikim në ekonomi - Studimi akademik: Rritën të ardhurat në buxhetin federal të SHBA
Breshëria e tarifave tregtare të Presidentit Donald Trump vitin e kaluar pati vetëm një ndikim minimal në prodhimin ekonomik të SHBA-së, por rriti të ardhura......
