Kompensimi 10% i TVSH-së për fermerët në fuqi/ Skema mbështet kostot e prodhimit dhe rrit transparencën
Prej fillimit të vitit, fermerët që tregtojnë prodhimet e tyre përmes kanaleve formale përfitojnë skemë të re mbështetjeje financiare. Bëhet fjalë për kompensimin 10% të TVSH-së, i cili zbatohet për shitjet te grumbulluesit, përpunuesit dhe agroturizmin e certifikuar, kjo duke u bazuar në sistemin e autofaturimit dhe verifikimin elektronik të të dhënave. Ndryshe nga praktikat e mëparshme, përllogaritja e kompensimit nuk kryhet nga vetë fermeri, por nga subjekti blerës. Autofatura e lëshuar shërben si dokumenti kryesor mbi të cilin aplikohet norma 10%, e cila i kthehet fermerit pas përfundimit të procedurave të kontrollit. Kjo qasje, synon të thjeshtojë procesin dhe të reduktojë informalitetin në tregtinë e produkteve bujqësore.
Skema është konceptuar për të lehtësuar barrën financiare të fermerëve, të cilët përballen me kosto të larta për furnizimin me inpute bujqësore, përfshirë farat, fidanët dhe plehrat kimike. Rimbursimi i pjesshëm i TVSH-së, pritet të ndikojë drejtpërdrejt në uljen e kostos së prodhimit dhe në rritjen e konkurrueshmërisë së këtij sektori.
Për fermerët e pajisur me NIPT tatimor, por të paregjistruar në QKB, dokumentimi financiar kryhet nga pala blerëse, e cila mban përgjegjësinë për lëshimin e autofaturës sipas legjislacionit në fuqi. Ndërkohë, fermerët kanë detyrimin të verifikojnë dhe konfirmojnë elektronikisht çdo faturë të regjistruar në emrin e tyre, si një mekanizëm mbrojtës kundër keqpërdorimeve. Pas kontrollit nga administrata tatimore, shuma e kompensimit transferohet drejtpërdrejt në llogarinë bankare të fermerit. Sipas autoriteteve, digjitalizimi i gjithë procesit rrit transparencën dhe garanton gjurmueshmërinë financiare në çdo hallkë të zinxhirit të furnizimit.
Të dhënat zyrtare tregojnë se mijëra fermerë janë tashmë pjesë e sistemit tatimor, duke e shtrirë efektin e kësaj skeme në bazë më të gjerë prodhuesish. Kompensimi 10% i TVSH-së konsiderohet një ndër masat kyçe për mbështetjen e bujqësisë dhe për forcimin e ekonomisë rurale nëpërmjet formalizimit të tregut.
Paga minimale, sa rriten sigurimet për të punësuarit? Ndryshon edhe maksimalja, preken negativisht pagat e larta
Duke filluar nga 1 janari 2026, paga bazë minimale mujore, e detyrueshme për çdo punëdhënës, do të jetë 50,000 lekë (nga 40,000 lekë që ishte më parë). Ky......
Nevoja apo suksesi? Pse kthehen emigrantët shqiptarë? Dominojnë arsyet familjare. Vetëm 6% i kanë arritur objektivat financiare
Shqipëria po përjeton një rritje të ndjeshme të emigrantëve që kthehen në vend, por integrimi i tyre në tregun e punës mbetet një sfidë serioze. Të dhënat më......
Nis zbatimi i ligjit për formalizimin e punëtorëve sezonalë/ Synim, ulja ekonomisë gri dhe rritje e sigurisë
Në Maqedoninë e Veriut nisi zbatimi i ligjit për punonjësit sezonalë, me qëllim uljen e ekonomisë gri dhe rritjen e sigurisë. Sipas Ministrit të Ekonomisë......
Shpërthime të forta, Venezuela shpall gjendjen e jashtëzakonshme/ Qeveria Maduro: Donald Trump urdhëroi sulmin
Të paktën shtatë shpërthime u dëgjuan rreth orës 02:00, sipas orës lokale, në kryeqytetin e Venezuelës, Karakas si dhe avionë që fluturonin ulët. Sipas......
“Harta shqiptare e inovacionit”/ Cilat janë hapat e vendit për t'u shndërruar në një qendër rajonale të teknologjisë?
Me synimin për t'u shndërruar në një qendër rajonale të teknologjisë, Shqipëria ka miratuar planin e veprimit për të përmirësuar pozicionin e saj në Tabelën......
Borë dhe temperatura nën zero/ Vështirësi në disa akse, ARRSH dhe policia në terren
Reshjet e dëborës dhe temperaturat e ulëta kanë vështirësuar qarkullimin e mjeteve në disa akse rrugore të vendit, veçanërisht në verilindje dhe juglindje,......
Paga minimale, nga 1 janari s’ka më rrogë poshtë 50 mijë lekëve, 308 mijë përfitues
Nga dita e djeshme ka hyrë në fuqi vendimi i qeverisë për rritjen e pagës minimale. Mbi bazën e tij nga 40 mijë lekë që ishte, prej 1 janarit të 2026 paga......
Ndryshon mosha e daljes në pension për grate, shkon në 62 vjeç, rritet vjetërsia në punë për burrat
Teksa skema e pensioneve pritet të rishikohet, me nisjen e vitit 2026 ndryshon mosha e daljes në pension për gratë si dhe vitet e vjetërsisë në punë për të......
