Karta e identitetit, tashmë brenda 3 ditësh - Nga 14 ditë që ishte më parë. Tarifa 3 mijë lekë. IdentiTek lançon shërbimin e ri
Koha e pajisjes me kartë ID tashmë zbret nga 14 ditë, në vetëm 3 ditë. Risia është lançuar nga IdentiTek, kompania shtetërore e prodhimit të dokumenteve biometrike, duke sjellë një shërbim të ri për qytetarët shqiptarë.
Falë këtij shërbimi, përmes një pagese prej 3 mijë lekësh, çdo qytetar mund të pajiset me letërnjoftim elektronik brenda 3 ditësh.
Shërbimi është krijuar për të lehtësuar dhe përshpejtuar procesin e aplikimit, duke u ardhur në ndihmë qytetarëve që kanë nevojë urgjente për dokumentin e tyre të identifikimit. Procedura e përshpejtuar është veçanërisht e dobishme për emigrantët, të cilët qëndrojnë për pak ditë në Shqipëri, si edhe për të gjithë ata që kanë nevojë të marrin shpejt kartën e tyre të identitetit, qoftë për arsye personale, profesionale apo administrative.
Aplikimi kryhet në çdo zyrë IdentiTek në të gjithë Shqipërinë, ndërsa procedura është e thjeshtë me katër hapa. Blini kuponin me procedurë të përshpejtuar, merrni me vete dokumentin e vjetër ose vetëdeklarimin e humbjes apo vjedhjes nga e-Albania, bëni aplikimin në një nga zyrat e IdentiTek dhe në fund tërhiqni kartën e re po aty ku keni bërë aplikimin.
Ky shërbim është i aksesueshëm për të gjithë qytetarët shqiptarë, duke përfshirë ata që pajisen për herë të parë me letërnjoftim elektronik, ata që rinovojnë dokumentin e skaduar dhe ata që kërkojnë zëvendësim për shkak të skadimit, dëmtimit apo humbjes.
Historia e prodhimit të dokumenteve biometrike në Shqipëri daton në maj 2009. Kompania koncesionare ushtroi aktivitetin deri në mesin e vitit 2023, kur përfundoi kontrata dhe qeveria vendosi të krijonte kompaninë shtetërore. Pas gushtit 2023, stafetën e mori “IdentiTek”, shoqëri me kapital shtetëror.
Kompania prodhon karta identiteti e pasaporta biometrike për shtetas shqiptarë, por njëherësh edhe pasaporta diplomatike e shërbimi. Ajo prodhon gjithashtu dokumente udhëtimi, leje qëndrimi dhe letërnjoftim elektronik enkas për shtetasit e huaj me qëndrim të përhershëm ose të përkohshëm, brenda territorit të Republikës së Shqipërisë, ose që kanë fituar statusin e refugjatit e kanë përfituar azil në Shqipëri.
Sondazh
Hyjnë në fuqi çmimet e reja të pullave fiskale për mallrat e akcizës. Tarifat ulen deri në 25%!
Qeveria ka miratuar çmimet e reja për pullat fiskale duke botuar në Fletoren Zyrtare vendimin “Për përcaktimin e elementeve të sigurisë dhe çmimit të pullave......
Si është mbyllur kjo javë e ‘trazuar’ për valutat kryesore?
Dollari amerikan edhe pse ka fituar pikë në bursat globale si pasojë e vendimeve të fundit të qeverisë së re amerikane në raport me monedhën vendase e ka......
Zhvillimi i gjelbër dhe i qëndrueshëm -Qeveria miraton kredinë 113.6 milionë euro
Në mbledhjen e saj të fundit qeveria ka miratuar në parim marrëveshjen e huasë mes Shqipërisë dhe BERZH, për pjesën e dytë të programit “Aftësia......
Mastercard, program në Shqipëri për pagesat elektronike - Nga 1 maji, 4750 terminale POS falas për tregtarët
Kompania amerikane e kartave Mastercard ka prezantuar një program të ri në Shqipëri për përshpejtimin e pranimit të pagesave elektronike. Përmes programit......
Asambleja e Përgjithshme e Confindustria Albania/ Ministri Hasani: “MEPJ, urë e fortë lidhëse për tërheqjen e investitorëve të huaj dhe mbështetjen e diasporës shqiptare”
Ministri për Evropën dhe Punët e Jashtme, Igli Hasani mori pjesë sot në Asamblenë e Përgjithshme 2025 të “Confindustria Albania”, e cila organizoi......
Zbulohet rezerva më e madhe e hidrogjenit në botë - Depozita me vlerë 92 mld USD, Franca në krye të tregut energjetik
Rezerva më e madhe në botë e hidrogjenit është zbuluar në Francë. Ky zbulim mund të transformojë tregun global të energjisë dhe t’i japë një hov Parisit në......
“Revolucioni fiskal, TVSH-ja do ulet në 15%” - Berisha, me biznesin: Taksë e sheshtë dhe ulje e sigurimeve shoqërore
Ulje e TVSH-së në 15% dhe rikthimi i taksës së sheshtë 10%”. Këto janë dy nga pikat e programit të Partisë Demokratike, që sipas kryetarit Sali Berisha do i......
Raporti: Stoku aktual i ndërtesave më i ulët se kërkesa - Rritja e shpejtë e turizmit ka shtuar nevojën për njësi akomodimi
Në Shqipëri, sektori i ndërtimit ka pësuar një rritje të shpejtë, duke dhënë kontribut të konsiderueshëm edhe në zhvillimin ekonomik të vendit. Por, me......
