“Jeta dhe Vdekja” / “GOCAT” sjell përjetimet personale të Faton Kryeziut për Luftën e Kosovës!
Galeria më e madhe e artit bashkëkohor në Tiranë, “GOCAT”, krijuar nga Fondacioni Mane, ka hapur dyert për ekspozitën më të re, “Jeta dhe Vdekja”, nga Faton Kryeziu. Një ekspozitë e parë personale e artistit nga Kosova në Shqipëri, që do të qëndrojë e hapur deri më 25 maj.
Vetë titulli flet shumë për këtë ekspozitë; trajton dualizimin e jetës dhe të vdekjes, peshën që këto dy nocione kanë tek vetë njeriu, por mbi të gjitha të vërtetën e pakundërshtueshme, se fillesa dhe fundi i rrugëtimit të tij qëndron mbi çdo mister tjetër.
Fatoni ndalet në jetë-vdekje duke sjellë përjetimet e tij personale gjatë dhe pas Luftës së Kosovës – si një individ dhe artist që ka parë “fusha, shtëpi që digjen dhe bimë që mbijnë pikërisht mbi tokë të shkrumbuar”. Për të, Lufta e Kosovës lidhet pashmangshmërisht me vdekjen, ashtu sic lidhet me jetën pavarësia e fituar e Kosovës më 17 shkurt të 2008-s.
Në ceremoninë e hapjes, artisti Faton Kryeziu ndau të gjithë procesin e tij krijues, ndërsa e cilësoi si një proces të shtrirë në kohë, me vëzhgimin kureshtar të njeriut dhe artistit.
“Jam me të vërtetë një vrojtues i mirë dhe them se edhe kam patur se ç’të shoh në vendin tim, në Kosovë. Gjithçka që kam vrojtuar, që fëmijë dhe deri në momentin kur Kosova është shpallur e pavarur, është hedhur në telajo me objektivitet dhe sinqeritet”, - u shpreh Fatoni.
Suzana Varvarica Kuka, kuratorja e ekspozitës “Jeta dhe Vdekja”, e cilësoi Galerinë “GOCAT” si hapësirën më ideale për promovimin e ekspozitës së Kryeziut dhe jo vetëm.
“ “GOCAT” është një nga galeritë më të bukura që ka Tirana dhe jo në konceptin fillestar të saj… Është një nga galeri i përçon ndjesi emocionale jo vetëm artistit, por edhe kuratorit, jo vetëm kritikës, por edhe publikut”, - tha Suzana Varvarica ndërsa nuk ngurroi ta krahasonte galerinë me galeritë e botës.
Të gjjitha pikturat e ekspozuara në ambientet e galerisë, të cilat janë 25 në total, vijnë si rezultat i harmonisë së arrirë mes mendimit të thellë, ngjyrës dhe përmbajtjes figurative.
Ndërsa së bashku lëshojnë ftesën për të përjetuar doza ekspresive arti, mes tyre pikaset autoportreti i Kryeziut dhe portreti i shkrimtarit të shquar shqiptar Ismail Kadare.
Këto punime përbëjnë qëllimshëm diptikun e fundit të ekspozitës “Jeta dhe Vdekja”. Ndërsa përçohet më së miri karakteri i personaliteteve të përzgjedhura, komunikohet bindja e artistit, se puna dhe vepra e lënë pas nuk e njohin kurrë vdekjen.
“GOCAT” vjen si një hapësirë ku artdashësve nuk u duhet të paguajnë biletë dhe ku artistëve u kërkohet vetëm pasioni dhe origjinaliteti i tyre krijues.
Ekspozita e Faton Kryeziut në Galerinë “GOCAT” pason 20 ekspozita të mëparshme personale të artistit, të hapura në vende si Prizreni, në Galerinë Kombëtare të Arteve, Prishtinë, në Galerinë “Brucke”, Gjermani, dhe Galerinë “Dalek”, Belgjikë.
Mbi 400 vepra të tij janë pjesë e koleksioneve private në vende të ndryshme të botës, përfshirë Shtetet e Bashkuara, Bahrein, Korenë e Jugut, Gjermani, Zvicër dhe Maqedoninë e Veriut.
Sondazh
Qiradhënia e pasurive të konfiskuara - Interesi i qytetarëve sa vjen e rritet. Dyfishohen të ardhurat në tremujorin e parë
Është shtuar interesi i qytetarëve për të marrë me qira pasuritë e sekuestruara dhe konfiskuara nga shteti. Në tre muajt e parë të 2025 rezulton të jenë......
Gonxhja: Shqipëria me nivelin më të ulët historik të papunësisë!
Ministri i Ekonomisë, Kulturës dhe Inovacionit, Blendi Gonxhja, njoftoi sot se bazuar në statistikat zyrtare “Shqipëria ka shënuar një tjetër arritje......
BE dhe Kina, në bisedime për makinat elektrike - Shqyrtojnë vendosjen e çmimeve minimale dhe eleminimin e tarifave
Bashkimi Evropian dhe Kina kanë rënë dakord të shqyrtojnë vendosjen e çmimeve minimale për automjetet elektrike të prodhuara në Kinë, në vend të tarifave të......
Rreth 1.3 mld pagesa në euro me AIPS - BSH: Në tremujorin e parë, 20% më shumë veprime përmes këtij sistemi
Tre muajt e parë të 2025 kanë qenë mjaft pozitivë për sistemin AIPS EURO, me një numër dhe vlerë transfertash konsiderueshëm më të lartë se në......
Më pak ndërtime pa leje në 2024-ën - Në të gjithë vendin u verifikuan zyrtarisht 1130 objekte të paligjshme
Gjatë vitit të kaluar janë konstatuar zyrtarisht 1130 ndërtime pa leje në të gjithë vendin. Referuar raportit të Prokurorisë së Përgjithshme, kjo shifër......
Tarifat e automjeteve “ndëshkojnë” amerikanët - Kostot e prodhuesve në SHBA do të rriten me 108 miliardë dollarë
Një analizë e re nga Qendra për Kërkime Automobilistike ka zbuluar se tarifat prej 25% të Presidentit Donald Trump për automjetet, të vendosura në fillim të......
Cilat janë ndihmat financiare për ndërmarrjet? - Nga mbështetja e grave sipërmarrëse, te inovacioni. Skemat zbatohen gjatë vitit 2025
Në Fletoren Zyrtare është botuar dokumenti i autorizimit të ndihmës shtetërore “Fondi për ndërmarrjet e Mikro, të vogla dhe të mesme për vitin......
Tarifat “frenojnë” rritjen ekonomike të Kinës - Goldman Sachs ul parashikimin për vitet 2025-2026
Banka amerikane e investimeve Goldman Sachs uli parashikimet e saj për rritjen e Prodhimit të Brendshëm Bruto të Kinës në 4% në vitin 2025 dhe 3.5% në vitin......
