Investitorët grekë në Shqipëri - Venetopoulos: Është një perlë e pazbuluar e Mesdheut. Industria e jahteve do të rritet
Pavarësisht se Turqia dhe Italia janë dy shtetet me fluksin më të madh të investimeve në Shqipëri, edhe investitorët nga fqinji ynë juglindor, Greqia, po shfaqin gjithnjë e më tepër interes për Shqipërinë.
Vetëm në vitin që lamë pas, investimet greke kapën shifrën e 14 milionë eurove. Që prej 2021, fluksi i investimeve direkte nga Greqia ka arritur në 69 milionë euro.
Në aktivitetin më të madh të vitit për biznesin, “Match Maker Albania”, në mesin e mbi 700 investitorëve shqiptarë dhe ndërkombëtarë, ishin edhe ata grekë, të cilët e konsiderojnë vendin tonë me shumë potencial për të investuar, por edhe shumë të hapur e serioz në bërjen biznes.
Diogenis Venetopoulos, Investitor Grek në Shqipëri
“Ne kemi zhvilluar ndër vite një program të zgjeruar në Shqipëri, kërkesa po rritet ndjeshëm nga viti në vit, disa vite më parë filluam me Sarandën, sot po telefonojmë çdo port në Shqipëri për të investuar, pra Sarandën, Vlorën dhe Durrësin. Me mbështetjen e Ministrisë së Punëve të Jashtme dhe personalisht Z. Marios Belibasakis nga Ambasada Greke në Shqipëri, tashmë kemi hapur një kompani këtu në Tiranë, për të rritur aktivitetin e jahteve, kroçereve, por edhe turizmin tokësor në Shqipëri. Personalisht, besoj se Shqipëria është një perlë e pazbuluar e Mesdheut që do të lulëzojë në vitet e ardhshme dhe unë me të vërtetë jam duke u fokusuar gjerësisht për të investuar në atë që besoj se do të jetë vërtet një destinacion shumë i fortë udhëtimi.
Para së gjithash, është praktikisht sot i vetmi, do të thosha, vend bregdetar i Mesdheut që nuk është eksploruar vërtet. Unë jam në industrinë e udhëtimeve dhe turizmit gjatë gjithë jetës sime, punoj me njerëz që kanë udhëtuar në shumë vende të botës dhe kur u them Shqipërinë, më thonë, oh, nuk kam qenë në Shqipëri, do të më pëlqente shumë. Pra, një vend në zemër të Evropës, me bregdetet më të bukura, në vijën bregdetare të Adriatikut, me male të bukura, siç tha edhe kryeministri.
Ky vend dhe investimet mund të shkojnë vetëm përpara, dhe unë shoh një vend shumë miqësor për të bërë biznes, një vend të hapur për të bërë biznes dhe jam shumë i kënaqur me gjithçka që kam parë deri tani.
Patjetër, plani ynë është që të investojmë edhe në projekte të tjera. Unë gjithashtu kam rolin e Zëvendëspresidentit në Shoqatën Greke të Pronarëve të Jahteve, besoj se industria e jahteve mund të rritet ndjeshëm. Unë jam edhe në bordin drejtues të Shoqatës së Pronarëve të Kroçereve dhe po nxis shumë linja kroçeresh, linja të tjera lundrimi, që të investojnë në Shqipëri, pra në anën bregdetare.
Në anën tokësore, kur flasim për hotele, kur flasim për ture, kur flasim për shëtitje në mal, pra hiking, mundësitë janë vërtet shumë të mëdha. Sapo isha në Amerikë, në fakt u ktheva të shtunën, isha në një nga shfaqjet më të rëndësishme të udhëtimit dhe turizmit me ish-studentët e Harvardit, të Stanfordit, Yale, National Geographic, po flisja për Shqipërinë dhe pashë interesin që po tregonin edhe këta njerëz për të ardhur në Shqipëri”.
Sipas Agjencisë Shqiptare të Zhvillimit të Investimeve, stabiliteti makroekonomik, hyrja e lirë në tregjet e mëdha, potenciali i fortë i rritjes, vendndodhja gjeografike optimale, popullsia e re, kostoja konkurruese e punës, klima liberale dhe reformiste e investimeve, si dhe taksat dhe incentivat konkurruese, janë elementët që tërheqin më shumë investitorët e huaj.
Marios Belibasakis, Drejtues i Departamentit të Ekonomisë dhe Tregtisë në Ambasadën Greke:
“Enterprise Greece është një institucion i ngjashëm me Agjencinë Shqiptare të Zhvillimit të Investimeve. Enterprise Greece / Invest & Trade dhe AIDA kanë nënshkruar tashmë një memorandum mirëkuptimi, ndaj kemi këtu një delegacion të madh të biznesit grek dhe ky është hapi i parë për të krijuar më shumë sinergji, lidhje dhe mundësi biznesi mes dy vendeve dhe për të tërhequr më shumë investime, si në Shqipëri ashtu edhe në Greqi.
Shqipëria është një treg shumë i mirë dhe ka shumë mundësi për investitorët grekë në sektorët e energjisë, ndërtimit, materialeve të ndërtimit, turizmit dhe shumë e shumë fusha të tjera. E dini, ne jemi vende fqinje, kemi shumë gjëra, agroturizmin, sektorin ushqimor, shumë fusha që mund të punojmë së bashku dhe të krijojmë mundësi për popujt e të dy vendeve.
Projektet në të ardhmen e afërt janë në turizëm, aktualisht kemi një kompani të madhe greke që operon në Shqipëri. Kemi kompani të materialeve të ndërtimit, por edhe disa projekte energjetike.
Në jugun e Shqipërisë është një kompani e madhe greke që bashkëpunon me një kompani shqiptare për një projekt energjetik. Janë gjithashtu edhe disa kompani ushqimi që pritet të investojnë në Shqipëri”.
Marrëdhëniet e Shqipërisë dhe Greqisë lidhen edhe në shkëmbime tregtare. Greqia rezulton të jetë një nga 3 partnerët kryesorë të Shqipërisë, si për sa i përket eksporteve, ashtu edhe importeve. Sipas të dhënave nga INSTAT, në muajin shkurt të këtij viti, vendet me të cilët Shqipëria ka pasur rritjen më të madhe të eksporteve, në krahasim me shkurt 2024 janë Kosova me 63,7%, Greqia me 10,2% dhe Gjermania me 7,5%. Gjithashtu, vendet me të cilët Shqipëria ka pasur rritjen më të madhe të eksporteve që prej fillimit të vitit janë sërish Kosova me 76,8%, Gjermania me 3% dhe Greqia 6,3%.
Nga ana tjetër, për sa i përket importeve, rritja më e madhe në krahasim me një vit më parë rezulton me Italinë, rreth 1,2%, Kina me 31.1% dhe Greqia me 6,3%.
Sondazh
Pronat, në 10 vite janë kompensuar 870 familje - Zbardhet raporti i ATP-së për vitin 2024, vonesat si pasojë e ndryshimeve ligjore
Në më shumë se 26 mijë dosje të arkivuara pranë Agjencisë së Trajtimit të Pronave në harkun e 10 viteve, të dhënat zyrtare tregojnë se janë kompensuar vetëm......
Historia “takon” teknologjinë në Romë - Roboti “ADRIANO” mirëpret vizitorët në Tempullin e Adrianit
ADRIANO, punonjësi i parë robotik i Romës, ka hyrë në shërbim në tempullin ikonik të lashtë romak të Adrianit dhe Vibia Sabina-s, duke mirëpritur turistët......
Rreth 74 milionë euro më pak kursime në Shkurt/ Depozitat u ulën me 0.5% krahasuar me Janarin
Depozitat në paranë e gjerë paraqiten me rënie përgjatë muajit Shkurt të këij viti, sinjalizojnë të dhënat më të fundit nga Banka e Shqipërisë. Kështu,......
“Rritja e shpejtë e prodhimit vendas, rruga drejt Europës” - Berisha: Rroga minimale 500 euro dhe ajo mesatare 1200 euro, rritjet më të mëdha
Kryetari i Partisë Demokratike, Sali Berisha, gjatë një konference për mediat deklaroi edhe një herë se Made in Albania, që do të thotë rritja e shpejtë e......
Grekët zhvillojnë industrinë shqiptare të jahteve - Venetopoulos: Është një vend shumë miqësor për të bërë biznes
Investimet greke në Shqipëri po vërshojnë në sektorin e turizmit. Investitorët grekë i kanë dhënë një hov industrisë së jahteve dhe kroçereve në jugun e......
Tarifat e Trump “trondisin” linjat ajrore amerikane - Kërkesa për udhëtime tkurret, duke shkaktuar “turbulenca ekonomike”
Linjat ajrore amerikane po “fluturonin” lart drejt një epoke të re të artë vetëm dy muaj më parë, pasi kërkesa e fortë për udhëtime rriti perspektivën e......
Transformimi i Parkut Metalurgjik - Rama: Elbasani do të bëhet pjesë e metropolit modern të vendit
Një plan i ri zhvillimi do të vihet në zbatim për qytetin e Elbasanit. Transformimi i Parkut Metalurgjik, nga një trashëgimi industriale në një hapësirë të......
BE “kthen sytë” nga energjia bërthamore - Sa duhet të investojë blloku deri në vitin 2050 për të plotësuar nevojat?
Energjia bërthamore mbetet një nga burimet më të rëndësishme të energjisë në Bashkimin Evropian. Ajo përbën 22.8% të të gjithë energjisë elektrike të......
