Shqipëria Postuar më 4 Mars 2025, 13:27

Investime të reja për rrugët, urat e sigurinë publike - 10 milionë euro për parandalimin dhe menaxhimin e fatkeqësive natyrore

Nga Hamit Yzeiraj

Investime të reja për rrugët, urat e sigurinë publike - 10

Është miratuar lista e projekteve fituese që do të realizohen gjatë vitit 2025 për parandalimin dhe menaxhimin e fatkeqësive natyrore.

Vendimi është botuar në Fletoren Zyrtare dhe përfshin 53 investime me një vlerë totale prej rreth 10 milionë euro. Për vitin 2025, parashikohet që të realizohen rreth 33% e punimeve, ndërsa fondi për këtë vit është 344 milionë lekë, ose afërsisht 3.4 milionë euro.

Autoritetet kontraktore për këto projekte do të jenë bashkitë përkatëse, ku do të kryhen investimet. Projektet përfshijnë ndërtimin e urave në disa bashki, si Gjirokastra, Kavaja dhe Selenica, për të lehtësuar qarkullimin dhe përmirësuar infrastrukturën.

Gjithashtu, një pjesë e financimit do të përdoret për blerjen e mjeteve të reja rrugore, si makina zjarrfikëse, borëpastruese dhe mjete të tjera të nevojshme për emergjenca civile. Një segment i rëndësishëm i investimeve do të shkojë për ndërtimin e mureve mbajtëse përgjatë shtretërve të lumenjve, me synimin për të parandaluar përmbytjet gjatë reshjeve të dendura.

Përveç Parandalimin dhe Menaxhimin e Fatkeqësive Natyrore do të realizohen gjithashtu dhe 5 projekte për rehabilitimin e digave dhe ujëmbledhësve. Vlera totale e këtyre projekteve do jenë 300 milionë lekë, ku përgjatë vitit 2025 do financohen 132 milionë lekë.

Në zbatimin dhe mbikëqyrjen e këtyre projekteve do të jenë të angazhuara Ministria e Financave, Ministria e Mbrojtjes, Agjencia Kombëtare e Mbrojtjes Civile dhe bashkitë përkatëse.

 

Sondazh

Poll

Live TV

Të fundit
Të gjitha lajmet

Më të vizituarat