Interesat e ulëta “largojnë” qytetarët nga depozitat - Kursimet e individëve në banka u rritën me një ritëm më të ngadaltë në korrik-shtator
Interesat e depozitave me afat në lekë kanë shënuar ulje në tremujorin e tretë të vitit. Në terma mesatarë, ato rezultuan 2.0%, nga 2.2% që ishin në tremujorin e dytë. Sipas të dhënave nga Banka e Shqipërisë, interesat janë ulur më shumë për depozitat me maturitet mbi një vit.
Kjo ulje e interesave, a e ka zbehur interesin e individëve për hapjen e një depozite të re?
Si rrjedhojë e interesave më të ulëta, depozitat në sektorin bankar kanë vijuar të rriten me një ritëm më të ngadaltë gjatë tremujorit të tretë. Rritja vjetore e depozitave në këtë periudhë ishte 10.3% nga 11.1% në tremujorin e dytë.
Kjo ecuri u ndikua më së shumti nga ngadalësimi në 10.4% i normës së rritjes së depozitave në valutë, ndërkohë që ato në lekë u përmirësuan lehtas në 9.8%. Ecuria e depozitave në lekë vijon të pasqyrojë, ndër të tjera, edhe akumulimin e lartë të likuiditetit të qeverisë në llogarinë pranë Bankës së Shqipërisë.
Nga ana tjetër, interesat për depozitat me afat në euro kanë regjistruar një ulje margjinale, duke zbritur në 1.3% nga 1.4% që ishin në tremujorin e mëparshëm. Nga shifrat rezulton se diferenca midis interesave të depozitave në lekë dhe atyre në euro vijon të mbetet e qëndrueshme.
Në total, megjithëse më e ngadaltë se në tremujorin paraardhës, rritja e depozitave ishte e pranishme si në segmentin e depozitave me afat, ashtu dhe në atë të depozitave pa afat.
Normat përkatëse të rritjes vjetore ishin respektivisht 9.4% dhe 11.3%. Në kategorinë e depozitave me afat vihen re norma të qëndrueshme rritjeje për depozitat deri në dy vjet dhe ngadalësim i normave rritëse të depozitave mbi dy vjet, ndonëse këto të fundit mbeten në nivele të larta rreth 17%, pasi janë më të preferuara nga individët.
Pesha e depozitave mbi dy vjet ndaj totalit shënoi rritje të mëtejshme në 18.4%, ose 1 pikë përqindje më shumë se në fund të vitit 2023.
Sondazh
401 fermerë aplikuan për Skemën Kombëtare të Investimeve - Masa e përfitimit, 50% e vlerës totale të investimit
Janë mbyllur aplikimet për Skemën Kombëtare të Investimeve, ku sipas Ministrisë së Bujqësisë dhe Zhvillimit Rural kanë aplikuar 401 fermerë. Rreth 75% e......
Forcohen Dollari dhe Paundi – Sa këmbehen sot Euro dhe Franga?
Dollari amerikan e ka nisur ditën pozitivisht duke regjistruar kështu rritje nga dita e djeshme teksa është blerë sot me 92.7 lekë dhe është shitur me 94......
Ulje çmimesh deri në 35%, oferta e festave të Nëntorit nga DigitAlb
Për festat kombëtare të Nëntorit nuk ka se si të mungojë një ofertë e dedikuar nga DigitAlb, platforma televizive e të gjithë shqiptarëve. Për të gjithë......
Euro bie në nivelin më të ulët të një viti ndërsa SHBA publikon shifrat e inflacionit!
Euro vazhdoi të dobësohej kundrejt dollarit amerikan, duke arritur nivelin më të ulët në një vit pasi Shtetet e Bashkuara publikuan Indeksin e Çmimeve të......
Italia vendi më i keq i BE-së për të sapo diplomuarit? - Ja si renditen vendet e tjera europiane!
Ngadalë por me siguri, shkalla e të diplomuarve të fundit në BE që punësohen brenda tre viteve po rritet. Të dhënat e fundit të Eurostat zbuluan se përqindja......
A do të tkurret tregu global i mallrave luksoze në vitin 2025 për shkak të tarifave të Trump?
Shitjet globale të mallrave të luksit personal parashikohen të tkurren në vitin 2025 për herë të parë që nga Recesioni i Madh, sipas një studimi të......
A do të forcojë Euro Dixhitale sigurinë financiare?
Euro dixhitale po konsiderohet nga Banka Qendrore Evropiane si një metodë e re pagese e disponueshme në një kartë të rikarikueshme, një portofol dixhital ose......
Për të mbajtur mbështetjen e SHBA-së për Ukrainën nën Trump, BE-ja 'fut në lojë' Kinën!
Në një përpjekje për të mbajtur të lartë mbështetjen e SHBA për Ukrainën nën administratën e ardhshme të Trump, Brukseli po e lidh tani gjithnjë e më shumë......
