“Inteligjencë artificiale në prokurime” - Rama: Do të nisim në fund të vitit të ardhshëm
Shqipëria po bëhet gati të “përqafojë” inteligjencën artificiale në të gjitha fushat, duke përfshirë edhe prokurimet publike. Gjatë konferencës “Java Franko-Shqiptare për Inteligjencën Artificiale, kryeministri Edi Rama u shpreh se së shpejti do të realizohet edhe arritja kampione e prokurimit me AI, pa kontakt njerëzor, si i vetmi vend në Europë që e implementon këtë model.
"Kjo platformë është e aftë t'u japë mundësinë institucioneve shqiptare të përshtatin legjislacionin e BE-së me atë të Shqipërisë. Po punohet për mbivendosjen e ligjeve të BE-së me ato shqiptare. Në prokurime ishim vendi i fundit në rajon, por tani, sipas BE-së, jemi kryesues, me 80 pikë nga 100, ndërsa vendi i dytë ka 70 pikë. Por kjo është më shumë se kaq; po punojmë me Microsoft për prokurimin me inteligjencë artificiale."
Kryeministri theksoi se ky projekt i AI do të ndihmojë jashtëzakonisht institucionet shqiptare me platformën e teknologjisë së avancuar, për të përshtatur dhe adoptuar ligjet e BE-së në sistemin administrativ shqiptar. Gjithashtu, synohet zhvillimi teknologjik i zyrave, ku shërbimet do të ofrohen në mënyrë digjitale, pa kontakte njerëzore.
"Platformë që qytetarët të mos qëndrojnë në radhë. Shërbimet do të merren nga kudo që ndodhet një qytetar shqiptar. Hoqëm zyrat e pritjes dhe radhët, ku jepej edhe bakshish. Kemi një plan ambicioz për të përmbyllur negociatat me BE-në brenda vitit 2027. Projekti dhe plani kryesor është integrimi në BE dhe përmbyllja e negociatave. Kjo dritare nuk do të qëndrojë e hapur për shumë kohë, ndaj duhet të nxitojmë për ta shfrytëzuar. Jam krenar për atë që kemi bërë deri tani. Po bëhet një punë e jashtëzakonshme me ndihmën e inteligjencës artificiale. Kemi një ekip të madh hartuesish dhe ligjshkruesish që po punojnë për këtë transformim. Për Kroacinë, që ka rekord, negociatat zgjatën 7 vjet, ndërsa ne po kërkojmë një model tjetër, duke përdorur AI për përshtatjen e legjislacionit tonë me ndihmën e kësaj platforme."
Kryeministri Rama u shpreh se qëllimi i këtyre projekteve është që Shqipëria të bëhet një vend kampion në qeverisjen elektronike.
Sondazh
Miratohet hapja e zyrës së BEI në Shqipëri - Yzeiri: Ofrohen kredi me interesa më të ulëta se institucionet e tjera
Komisioni parlamentar i Ekonomisë ka miratuar marrëveshjen me Bankën Evropiane të Investimeve për hapjen e përfaqësisë së këtij institucioni në......
TVSH-ja për fermerët mbetet “pezull” - Debate në Komisionin e Ekonomisë mbi propozimin e Braçes
Propozimi i deputetit Erion Braçe për shfuqizimin e skemës së vitit 2018 të TVSH-së për fermerët e cila është 0% në blerje dhe 20% në shitje, ka ngjallur......
Rreth 464 mln euro pagesa me sistemin AIPS - BSH: Dy muajt e parë të vitit shënuan rekord transaksionesh në krahasim me 2024
Sistemi AIPS-EURO po përdoret gjithnjë e më tepër për të realizuar pagesa shumë të mëdha në euro. Dy muajt e parë të këtij viti kanë shënuar një rritje të......
Vetëm 7 vende përmbushën standardet e cilësisë së ajrit të OBSH-së në vitin 2024!
Vetëm shtatë vende përmbushën standardet e cilësisë së ajrit të Organizatës Botërore të Shëndetësisë (OBSH) vitin e kaluar, treguan të dhënat të martën, pasi......
Skemë e re sigurimi në bujqësi, nisin përgatitjet - Si do të aplikohet modeli turk TARSİM në Shqipëri?
Këtë vit do të përcaktohet në detaje skema që do të ndiqet për sigurimin e detyrueshëm në bujqësi. Aktualisht, fermerët shqiptarë janë tërësisht të......
Kredi me 0 % interes për banesë – MEKI: Hapen aplikimet për 530 punonjës të administratës publike!
Ministria e Ekonomisë, Kulturës dhe Inovacionit njoftoi sot hapjen e aplikimeve për kredi me 0% interes për blerjen e një banese për 530 punonjës të......
Industria ushtarake, edhe një hap drejt ringritjes - Kompania shtetërore “KAYO” sh.a merr në pronësi uzinën e përpunimit të bakrit
Industria e prodhimit të armëve në Shqipëri ka hedhur së fundmi edhe një hap tjetër drejt ringritjes së saj. Ish-uzina e përpunimit të bakrit në Rubik, ka......
Sa u “goditën” kursimet tona nga kursi i këmbimit? - BSH: Depozitat në valutë mbeten në nivele të larta. Kredia, më e prekura
Si rrjedhojë e të ardhurave nga turizmi, dërgesave të emigrantëve dhe investimeve të huaja direkte, flukset e euros vijojnë të vërshojnë në nivele të......
