Informalitet i lartë te qiratë afatshkurtra - Vetëm 17.5% të regjistruara. Mbizotërimi i tyre, sfidë për rritjen e turizmit
Strategjia e re e turizmit 2025 -2030 nxjerr në pah nivelet e larta të informalitetit në sektorin e akomodimit afatshkurtër.
Sipas dokumentit, zhvillimi i ofertës së turizmit në Shqipëri ka sjellë rritje të ndjeshme të kapaciteteve të akomodimit, duke arritur në 57 778 dhoma dhe mbi 129 mijë shtretër në vitin 2023, ndërsa pjesa dërrmuese e kësaj rritjeje i atribuohet strukturave me qira afatshkurtra.
Më konkretisht, sipas një studimit të kryer për Booking.com në korrik të vitit 2023, kategoria mbizotëruese e strukturave akomoduese janë ato me qira afatshkurtër, të cilat numërojnë 9 040 nga një total prej 10 526 strukturash akomoduese të listuara në Booking.com. Po ashtu, të dhënat nga AllTheRooms.com, që është tregu i strukturave akomoduese me qira afatshkurtër, tregojnë se në vitin 2023, në platforma të ndryshme rezervimi, figuronin mbi 18 200 njësi me qira afatshkurtër aktive, një rritje kjo me 80% krahasuar me një vit më parë.
Por, sipas Ministrisë së Turizmit dhe Mjedisit, në vitin 2023 janë licencuar dhe certifikuar zyrtarisht vetëm 1 850 struktura apo 17.5% e totalit të listuar në Booking.com. Këto të dhëna tregojnë se një pjesë e konsiderueshme e strukturave akomoduese në Shqipëri funksionojnë pa regjistrim ose pa rregullimin e duhur, duke u përfshirë kësisoj në kategorinë e atij që njihet gjerësisht si sektori informal i ekonomisë”, - thuhet në dokument.
Strategjia e konsideron mbizotërimin e tyre si sfidë për rritjen e qëndrueshme, duke theksuar nevojën për rregullim më të fortë të këtij tregu dhe integrimin e këtyre strukturave në sistemin formal. Ajo vendos theks të veçantë edhe te monitorimi, taksimi i drejtë dhe përfshirja në politikat e planifikimit të qëndrueshëm turistik.
21 vatra zjarri në vend, 3 janë ende aktive - AKMC: Pritet rrezik i lartë në qarkun Fier
21 vatra zjarri janë shënuar në 24 orët e fundit në vend, nga të cilat 3 janë ende aktive sipas......
Çfarë po ndodh me të rinjtë në Shqipëri? Vendi ynë humbet 6.4% të meshkujve 25-29 vjeç brenda një viti
Analiza e ndryshimit vjetor të popullsisë në Shqipëri e kryer më herët nga “Scan Intel” dhe ndarë sipas grupmoshave nxirrte në pah një çekuilibër demografik......
Turistët që po blejnë flori në Shqipëri - Britanikë dhe Gjermanë tërhiqen nga floriri me karat të lartë
Jo vetëm për të shijuar plazhet e vendit në jug apo bukuritë e maleve shqiptare, por edhe pse jo për të blerë aksesorë të ndryshëm ari, argjendi apo metaleve......
“Banka e re Ziraat do të rrisë konkurrencën në treg” - Zefi: Qytetarët do të përfitojnë nga produkte të reja dhe ulje të normave të interesit
Pas vitesh të tëra konsolidimi, tregu bankar pritet të pësojë tashmë ndryshime të rëndësishme me dhënien nga ana e Bankës Qendrore, të miratimit paraprak për......
“6.7 mld euro të ardhura nga turizmi” - Strategjia 2030, “luftë” informalitetit. Rritje e shtretërve, por jo për qiratë afatshkurtra
Strategjia e re Kombëtare për Turizmin 2025–2030 vendos objektiva ambiciozë për transformimin e sektorit në një shtyllë të zhvillimit ekonomik të......
Korriku 2025, i treti më i nxehtë në histori - Ndryshimet klimatike nuk janë ndalur, pavarësisht fundit të valës “rekord”
Korriku i këtij viti ishte i treti më i nxehtë i regjistruar në nivel global, sipas të dhënave të fundit nga Shërbimi i Ndryshimeve Klimatike Copernicus......
Rënie përgjithshme në tregun valutor – Dobësohen monedhat e huaja!
Dollari amerikan ka vijuar edhe këtë të enjte të pësojë rënie kundrejt monedhës vendase pasi në raport me një ditë më parë është blerë sot me 82.5 lekë dhe......
Britania, në kërkim të “frymëmarrjes” financiare - Qeveria duhet të rrisë taksat për të ulur deficitin buxhetor
Britania e Madhe do të duhet të rrisë taksat për të mbuluar një hendek në shpenzimet qeveritare që pritet të arrijë mbi 40 miliardë paund, për shkak të......
