Historike, Shqipëria nis pagesat me SEPA - Maksimumi 3 euro komision për remitancat. Miliona euro kursime për shqiptarët
Nga 7 tetori, çdo emigrant shqiptar mund t'i dërgojë para familjes së tij në Shqipëri duke përdorur SEPA. Po ashtu, edhe shqiptarët brenda vendit mund të nisin transaksione në euro drejt vendeve të tjera nëpërmjet këtij sistemi.
Infrastruktura e pagesave në Shqipëri po përjeton një transformim të thellë, fillimisht me AIPS, tani me SEPA dhe së shpejti me sistemin e pagesave të shpejta (instant payment), klon i sistemi TIPS të Bankës së Italisë.
Zona e Vetme e Pagesave në Euro, SEPA, është një nismë e Bashkimit Evropian që do t’i mundësojë shqiptarëve të kryejnë pagesa elektronike në euro nga Shqipëria drejt një numri vendesh anëtare dhe jo-anëtare të BE-së apo nga këto të fundit drejt Shqipërisë, në një mënyrë të shpejtë, të sigurt dhe efikase, njëlloj si pagesat kombëtare.
SEPA përbëhet nga 41 vende evropiane, duke përfshirë disa shtete që nuk janë pjesë e Eurozonës dhe Bashkimit Evropian.
Sipas Bankës së Shqipërisë, me kryerjen e transfertave nëpërmjet SEPA-s, kostoja e pagesave ndërkufitare në euro me vendet anëtare të skemës vlerësohet se do të jetë minimalisht 5 herë më e ulët. Sipas vlerësimeve të Bankës, kursimi për ekonominë shqiptare mund të jetë të paktën 20 milionë euro në vitin e parë, për t’u rritur në mënyrë të vazhdueshme.
Sa do të jenë komisionet për paratë që shqiptarët brenda vendit dërgojnë jashtë?
Për transaksionet deri në 20 mijë euro që nisen nga Shqipëria drejt vendeve të tjera, komisionet do të jenë maksimumi 2 euro, për transaksionet deri në 100 mijë euro do të jenë sa 0.01% e vlerës, ndërsa për transaksionet mbi 100 mijë euro, komisionet do të jenë maksimumi 25 euro. Këto transaksione mund të jenë tarifa që një student shqiptar i paguan universitetit evropian ku studion, transferta parash nga shqiptarët brenda vendit për familjarë të tyre jashtë Shqipërisë, pagesa të bizneseve shqiptare ndaj një furnitori të huaj e të tjera.
Po për paratë që sjellin emigrantët nga jashtë?
Për transaksionet e mbërritura nga vendet SEPA, komisionet nuk do të tejkalojnë vlerën e 3 eurove. Për shembull, nëse një i afërmi juaj dërgon para nga Italia në Shqipëri përmes SEPA, bankat shqiptare do të mbajnë maksimumi 3 euro komision nga kjo shumë.
Duke marrë parasysh vlerën e lartë të remitancave nga emigrantët, ku vetëm në gjysmën e parë të këtij viti llogariten përafërsisht 531 milionë euro të sjella, pjesëmarrja në këtë skemë do t’i sigurojë miliona euro kursim familjeve shqiptare.
Si mund të kryhet një transfertë me SEPA?
Transfertat me SEPA mund të kryhen si nëpërmjet sporteleve bankare, ashtu edhe nëpërmjet bankingut elektronik ose aplikacioneve të bankave. Mjafton të logohesh në aplikacionin e bankës, me kredencialet e tua dhe të hysh në llogarinë bankare. I vetmi element që do të shënosh është emri i përfituesit, IBAN-i i pëfituesit, si dhe shuma në euro të cilën ti do të transferosh. Për të kryer një pagesë SEPA, ju duhet një IBAN në euro.
Mjafton të klikojmë aprovim i dërgesës dhe dërgesa kalon në kohë reale. Për dërgesat e shpejta me SEPA, ajo ndodh në moment, për dërgesat normale mjafton një ditë pune deri në dy maksimumi.
Shqipëria firmosi aplikimin zyrtar për anëtarësim në SEPA në qershor të 2024. Ne ishim vendi i parë në rajon që dërguam një aplikim formal për t’u pranuar në zonën gjeografike SEPA. Pas vendimit për miratimin e shtrirjes së zonës gjeografike SEPA për të përfshirë Shqipërinë në nëntor 2024, çdo institucion që ofron shërbime pagesash (OSHP) në vend dhe që kërkon të kryejë transferta SEPA, aplikoi individualisht për të aderuar në skemat SEPA. Në 16 prill, bankat u pranuan në Zonën Unike të Pagesave në Euro.
Me anëtarësimin në Zonën Unike të Pagesave në Euro (SEPA), Shqipëria konsiderohet tashmë e integruar në Bashkimin Evropian në aspektin e pagesave.
Ushqimet, barra kryesore e buxhetit familjar/ Rritje e ndjeshme për mobilim, transport dhe akomodim
Në vitin 2024, shpenzimet mesatare mujore për konsum të një njësie ekonomike familjare (NjEF), e përbërë mesatarisht nga 3.1 persona, arritën në 93,042 lekë,......
“Shqipëria 2030”/ Spiropali: Diplomacia ekonomike, pjesë kyçe e vizionit
Ministrja për Evropën dhe Punët e Jashtme, Elisa Spiropali, ka theksuar se diplomacia ekonomike mbetet një nga prioritetet kryesore të Shqipërisë në kuadër......
Ministri Salla në UBT: Partneriteti me BOKU sjell diplomë ndërkombëtare për studentët
Ministri i Bujqësisë dhe Zhvillimit Rural, Andis Salla, mori pjesë sot në ceremoninë e fillimit të vitit të ri akademik në Universitetin Bujqësor të Tiranës......
“Studentët, akses të kufizuar në financë” - Tafa: Ka disa produkte të dizenjuara për ta, por edhe ndërgjegjësimi financiar është i ulët
Aksesi i studentëve në financë mbetet i kufizuar. Pavarësisht se bankat tregtare ofrojnë disa produkte financiare posaçërisht për ta, ndërgjegjësimi mbi......
Cilat janë kostot e riciklimit drejt tregut europian? - Baltëza: Problem ndarja e mbetjeve në burim, ligji ekziston që në 1995
Sektori i riciklimit në Shqipëri mbetet një nga sektorët që has vështirësi në përmbushjen e standardeve të BE. Në një intervistë për Scan Tv, një ndër......
Prezantohet struktura dhe zv/kryetarët e rinj të Bashkisë Fier - Zv/kryeministrja, Belinda Balluku: Qytetarët, më afër administratës lokale
Tashmë Bashkia e Fierit ka një strukturë të re, si dhe katër nënkryetarë të rinj. Në prezantimin e tyre ishte e pranishme zv/kryeministrja, njëherësh......
Komisioneri Dervishi: Rritje e ndjeshme e transparencës, ligji i ri për të dhënat personale forcon më tej mbrojtjen!
Komisioneri për të Drejtën e Informimit dhe Mbrojtjen e të Dhënave Personale, Besnik Dervishi, paraqiti sot në Komisionin e për të Drejtat e Njeriut dhe......
Njoftimet për debitorët e taksave vendore në e-albania - Synohet më shumë transparencë dhe efikasitet
Drejtoria e Përgjithshme e Taksave dhe Tarifave Vendore bën me dije se tashmë njoftimet dhe kërkesat për pagesë që u drejtohen debitorëve nuk do të dërgohen......
