Hiqet taksa infrastrukturës për ndërtimet publike/ 300 milionë lekë më pak nga bashkitë, qeveria garanton kompensim
Qeveria ka depozituar në Kuvend një projektligj që parashikon ndryshime në ligjin “Për sistemin e taksave vendore”, me synimin kryesor për të përjashtuar nga pagesa e taksës së ndikimit në infrastrukturë investimet publike të financuara nga buxheti i shtetit dhe nga njësitë e vetëqeverisjes vendore. Përjashtimi do të vlejë për projektet në arsim, shëndetësi dhe mbrojtje sociale, fusha të cilat konsiderohen prioritare për zhvillimin social të vendit.
Por referuar relacionit, aktualisht taksa e ndikimit në infrastrukturë varion nga 1 deri në 3% të vlerës së investimit për të gjitha bashkitë, ndërsa në Bashkinë e Tiranës kjo taksë arrin deri në 4%. Heqja e saj për investimet publike synon të ulë kostot e projekteve, të shpejtojë procedurat dhe të eliminojë vonesat administrative, duke krijuar kushte më të favorshme për realizimin e veprave që kanë rëndësi të veçantë për komunitetin.
Ndryshimet ligjore parashikojnë gjithashtu qartësimin e formulës së përdorur për përcaktimin e çmimit të shitjes për metër katror, i cili shërben si bazë për llogaritjen e taksës. Projektligji specifikon se referenca e çmimit do të jetë vendimi i Këshillit të Ministrave që del në zbatim të neneve përkatëse të ligjit aktual, duke synuar shmangien e interpretimeve të ndryshme nga bashkitë dhe parandalimin e praktikave të pabarabarta në vend.
Në relacion thuhet se përjashtimi nga taksa pritet të sjellë një ulje të të ardhurave të pushtetit vendor me rreth 300 milionë lekë në vit. Ky efekt financiar, sipas qeverisë, do të kompensohet tërësisht përmes rritjes së transfertës së pakushtëzuar për njësitë vendore duke nisur nga viti 2026.
Projektligji është hartuar nga Ministria e Financave dhe është konsultuar me Këshillin Tatimor, i cili nuk ka pasur komente mbi përmbajtjen. Drafti përbëhet nga dy nene dhe pritet të hyjë në fuqi 15 ditë pas botimit në Fletoren Zyrtare, ndërsa efektet e tij do të nisin nga 1 janari 2026.
Microsoft, mbi 10 mld USD për “IA” në Portugali/ Parashikon dyfishimin e kapacitetit në 16 shtete evropiane deri në 2027
Microsoft planifikon të investojë 10 miliardë dollarë në Portugali për të zgjeruar infrastrukturën e inteligjencës artificiale (IA). Gjatë samitit në......
Britani, industria muzikore shënon shifrën rekord/ 8 miliardë paund të ardhura për ekonominë gjatë vitit 2024
Industria muzikore kontribuoi me një total rekord prej 8 miliardë paundësh në ekonominë e Mbretërisë së Bashkuar në vitin 2024, e nxitur pjesërisht nga turi......
Rama në “Cinque Minuti”: Marrëveshjet e mbrojtjes me Italinë, më të rëndësishmet
Bruno Vespa: Mirëmbrëma Edi Rama, Kryeministër i Shqipërisë, socialist, i rizgjedhur këtë pranverë për mandatin e katërt. Atëherë, Giorgia Meloni dje tha se......
Operacioni në Farkë, vijon kontrolli i lejeve të ndërtimit - Koçiu: Kush shkel rregullat futet në listën e zezë, nuk ka më të drejtë aplikimi
Vijon operacioni në Farkë për të evidentuar nëse çdo leje ndërtimi është në respekt të rregullave dhe çdo leje e miratuar po zbatohet siç duhet. Gjatë......
Aksidentet në punë, në rritje 5.4%/ Mbi 60-vjeçarët mbajnë peshën kryesore të vizitave mjekësore në 2024
Të dhënat zyrtare për vitin 2024 tregojnë se shërbimet shëndetësore në vend kanë pasur disa ndryshime të dukshme krahasuar me vitin e kaluar, si në kujdesin......
“Asnjë rritje taksash në 2026-ën” - FMN: Hiqni përjashtimet. Malaj: Rishikim në 2 vitet e ardhshëm
“Edhe këtë vit Fondi Monetar Ndërkombëtar ka rekomanduar heqjen e përjashtimeve dhe lehtësive tatimore për bizneset. Por Ministria e Financave ka konfirmuar......
Rinovim godinash e stacione karikimi/ 3.46 mld lekë investime në energji, eficienca e energjisë në fokus të pr.buxhetit 2026
Rreth 3.46 mld lekë është vlera e investimeve në sektorin energjetik për vitin 2026. Sipas projektbuxhetit që po diskutohet në komisionet parlamentare,......
“Paqja Fiskale”, lehtësi apo amnisti e fshehur? Gjokutaj: Subjektet e rregullta do jenë të pabarabartë përballë ligjit
Ministria e Financave ka rishikuar projektligjin për marrëveshjen e të ashtuquajturës “Paqe Fiskale”, një nismë që u ofron bizneseve me të ardhura mbi 14......
